¹ Aba Fariseyo naba Saduki balile no kumwesha ukuti abalangeko icishibilo camumulu. ² Lelo alyaswike no kutila, "Nga caba icungulo, mutila bukaca bwino pantu ku mulu kwakashika. ³ Nga caba akacelo, mutila kuleba icimwela, pantu ku mulu kwakashika kabili kwaba icikutumina., mwaishiba ukucula imimonekele yamulu, lelo mwafilwa ukwiluka ifishibilo fya nshanta. ⁴ Inkulo yabubifi kabili iicende ifwaya ica kwishibilako, lelo tacakapelwe kano icishibilo cakwa Yona, "Elyo Yesu alibashile no kuya kumbi." ⁵ Luntu abasambi bafikile ku lubali lumbi, balilabile ukupita umukate. ⁶ Yesu atile kuli bene, "loleleni kabili cengeleni ku mufuba wa ba Fariseyo naba saduki." ⁷ Abasambi bayambile ukulaipushanya no kutila, "Pantu tatusendele umukate." ⁸ Yesu alishibile ici no kutila, "Mwebacitetello cinono, cinshi nuleipushanisha no kulanda ati nico tatusendele mikate,? ⁹ Bushe mucili tamulailuka nangu kwibukisha imikate isano yaba makana yasano, kabinge miseke inga mwalongenye? ¹⁰ Nangula miseke inga cine lubali iyaba makana yene, kabinge miseke inga mwatolele? ¹¹ Cinshi tamwiluka ukutila nshacilalanda kuli imwe palwa mukate? Loleleni no kucengela ku mufuba waba Fariseyo naba Saduki." ¹² Elyo bailwike ukutila talelanda kuli bene ukuba abacengela ku kufindisha kwaba Fariseyo naba Saduki. ¹³ Nomba luntu Yesu cushile ku citunguca kaisanea Filipi, Aipwishe abasambi bakwe, atile, Bushe abantu batila umusana wa muntu ninani?" ¹⁴ Batile, "Bambi batile Yoani kabatisha bambi, eliya, na bambi nabo Yelemiya, nangula umo uwa muli kasesema," ¹⁵ Atile kuli bene, "Nga imwe mutila ninebo nani? ¹⁶ Ukwasuka, Saimoni Petelo atile, "Niwebo Kristu umwana wakwa Lesa wa mweo." ¹⁷ Yesu alyaswike no kutila kuli wene, "Walipalwa webo Simoni mwana Yona, ico umubili no mulopa tafisokolwele ifi kuli iwe, kano Tata uwaba mumulu. ¹⁸ Nanebo nakweba ukutila niwebo Petelo napali ili libwe epantu nkakula ulukuta lwangine minshi ya kunshishi tayakalucimfye. ¹⁹ Nkakupa ne mfungulo sha bufumu bwa mumulu. conse cintu ukaka pa calo cikaba icakakwa na mu mulu, na conse cintu ukakakula cikaba icakakulwa na mulu. ²⁰ "Elyo Yesu aikambishe abasambiukutila tafwile ukwaba umuntu nangula umo ukutila ali ni kristu. ²¹ Ukufuma pali ilya ushilta Yesu ayambileko ukulaeba abasambi ukutila afwile ukuya ku Yelusalemu, no kumanama ifingi mu maboko yaba cilolo nabashi mapepo mukalamba naba kalemba, bakamwipaya, no kututubishiwa ukuba no mweo pa bushiku bwakulenga shitatu. ²² Kabinge Petelo alimusendele ku mbali no kumukalipil ati, "Ici cibe ukutila kuli webo, shikulu; ici cintu ciikakupanena." ²³ Lelo esu alipilibwike no kutila kuli Petelo, "Pitila kunuma yandi satana! uli cakupunwisha kuli nebo, ico taulesakana pafintu fyakwa Lesa, lelo kufintu fya buntunse. ²⁴ Elyo Yeusn alandile kubasambi, "Onse uulekabila uku nkonka, alingile aikanya umwine, asenda umusalaba wakwe, no kunkonka. ²⁵ Pantu onse uufwaya ukuibakila umweo wakwe akaulufya, na onse uukalufya umweo wakwe pamulando wangi akausanga. ²⁶ Bushe umuntu kuti camwafwa nshi nga anonka sonde lyonse elo panuma alufya umweo wakwe? kintu nshi ico muntu enga kabilamo no mweo wakwe? ²⁷ Pakuti umwana wa muntu akesa mu bukata bwakwa wishi naba malaika bakwe kabengi wena akalambula umntu onse umwabela imikitile yakwe. ²⁸ Icine cine ndemyeba, bambi pali mwebeminine pano tabakatele abafwa nipaka fye bakamone umwana wa muntu aleisa mu bufumu bwakwe."