¹ Elyo papiptile inshiku mutanda Yesu asendele kuli wene Petelo, Yakobo na Yoani ndume yakwe nokubaleta pamulu palupili ulutali; palya bo. ² Alicinjishewi kulibene icinso cakwe camoneke nga akasuba kabili imingila yakwe yalyalukile ukubengeshima nga inyali. ^{3 4} Moneni, palyapene pamoneke kuli bene MOse na Eliya balelanda nakwe. Petelo alyaswike nokulanda kuli Yesu, "Shikulu, ciliweme fyebo ukuba pano. nga mwafwaya ndinokupanga pano insakwe shitatu - imo yenu, imo yakwa Mose, imo yakwa Eliya." ⁵ Elyo acili alenda, moneni, ukumbi ilyabuta lyalibakupile, kabili moneni kwali ishiwi ukufuma mwikumbi liletuila. "Uyu emwana wandi umwaume, muli wene emo mbekelwa. ufweni kuli wene." ⁶ Elyo abasambi baufwile icic baliponene panshi kabili balinomwenso. ⁷ Elyo Yesu aishile nokube kabili kata nokulanda ati, "Imeni kabili mwiba nemwenso." ⁸ Elyo balolesha pamulu kabili tabamwene nangu umo baleisa ukutentemuka epela. ⁹ Ilyo baleisa ukutentemuka ulupili Yesu akonkomeshe bene ukutila, "Mwilanda ici cimonwa kumuntu nangun umo mpakafye umwana wamuntu ubuke ukufuma kubafwa." ¹⁰ Abasambi bakwe baipwishe wnen nokutila, "Ninshi bakalemba balandila ukuti Eliya afwile ukwisa pakubalilapo?" ¹¹ Yesu alyaswike nokulanda ati, "Eliya kwena akesa nokwisabwekeshapo ifintu fyonse. ¹² Lelo namweba imwe, Eliya alisa kalibela, lelo tabamwishine. Munshila imbi bacitila ifili fyonse ifyo balikufwaya kuli wene. munsishila imo iine, umwna wamuntu nao akacula pamaboko yabo." ¹³ Elyo abasambi baishile ishiba ukuti alelanda kuli bene pali Yoani kabatisha. ¹⁴ Ilyo bakwete ukwisa kwibumba, umwaume aishile kulin wene afukeme kuli wene nokulanda ati, ¹⁵ "Shikulu kwatani uluse pamwana wandi alacuula nganshi. Pantu aponena mumulilo nangu mumenshi, ¹⁶ Nacimuleta kubasambi bobe, m lelo tabacimundapa." ¹⁷ Yesu alyaswike nokulanda ati, "Mwebabula icitetekelo kabili ikulo iyamalala, ninshita nshi nkakwata ukwikala naimwe? nkashipikisha naimwe ukufikika lilali? Muleteni kuno." ¹⁸ Yesu akalipile ingulu kabili yafumine muli wene, nomu lumendo aliposhiwe ukufuma pa nshita ilya ine. ¹⁹ Elyo abasambi baishile kuli Yesu kumbali nokulanda ati, "Ninshi tatwacicitanfisha?" ²⁰ Yesu alandile kuli bene, "Pamulandu icitetekelo cenu cinono. Pantu icishinka ndelanda kuli imwe ngamwakwata icitetekelo nangufye icacepesha nga akaluseke ka lubanga, kuti walanda kulupili ulu. "Sela ukufuma pano nokuya palya; nalo lukasela, kabili takwakabe icikaba icashupa kuli iwe." ²¹ Lelo ingulu yamusango uyu taiyafye kanofye kwipepo na mafungo. ²² Ilyo baikele mu Galileya Yesu alandile kubasambi bakwe, "Umwana wamuntu akapeelwa mumaboko yabantu, ²³ kabili bakamwipaya kabili ubushiku bwa citatu akabushiwe." Abasambi balifulilwe. ²⁴ Ilyo bakwete ukwisa kuka panamu abaume babili abalikusonkesha umusonko baishile kuli Petelo nokwisa alanda ati, "Bushe kasambilisha wenu taptla umusonko ubili?" ²⁵ Atile "eee." Ilyo Petelo aishile mu ng'anda Yesu aishile kuli wene icakubalilapo nokulanda ati, "Finshi uletontonkanya, saimoni? Kufuma kulinani uko bashamfumu bapesonde bapoka umusonko nangu umusangulo? kafuma kabana babo nangula bambi?" ²⁶ "Kufuma kulibambi, "Petelo alyeswike, "Eico abana babo abaume bantungwa." Yesu alilandale. ²⁷ Lelo pakwebaa ati tatulengele bakasonkesha bamusonko ukubembuka kabiye kumumana pasamo indobo kabili lobamo isabi lilya lyaisa pamulu pakubala. Nga waisula akanwa kaliko, ukasanga indalama. uipiite nokuipela kuli bakasonkesha bamusonko palwa ine na iwe."