¹ Elo aba Farise naba kalemba balile kuli Yesu ukufuma ku Yerusalumu. Baebele ati, ² "Nindo abasambi benu bapalila mucha chishilano ca bakalamba? Pantu tabasamba ku minwe ulo bakolya icakulya." ³ Alyashikule nokubeba ati, "Nindo namwe mupilila mwifunde lyakwa Lesa ku ca cishilano cenu? ⁴ Pantu Lesa aebele ati, 'Cindeka wiso na noko; kabili wilanda fya bubi pali wishi nangu nyina ukufwa afwe. ⁵ Nomba mwebo mweba ati, ''Onse uweba wishi nangu nyina, ico ica bwafwilisho ukufuma kuli nebo, ndipele ubupe kuli Lesa, ⁶ "ulya muntu tafwile ukucindila wishi.' Muli sangwile icebo cakwa Lesa icafye. pamulandu wafishilano fyenu. ⁷ Mwebabumbi munda mwe! Tali Esaya alimisesemene ati; ⁸ Aba bantu banshinshimuna pa tunwa twabo, lelo imitima yabo yalitaluka kuli nebo. ⁹ Noku shinshimuna kwabo kwafye, pantu amasambilisho basambilisha mafunde yababantu. ¹⁰ Elo Akutile uko ali elo alandile kuli bena ati, "kutikeni nokwiluka - ¹¹ Techintu icingila mukanwa kamuntu icimukowesha lelo, icifuma mukanwa ecimukowesha umuntu." ¹² Elo abasambi balishile nnokwiba Yesu ati, "Bushe ulishibele ati, aba farise bali kuntikile ku mitima ulo bomfwile aya mashiwi? ¹³ Yesu alibasukile ati, "chita chilimbwa ico tata wandi uwa mumulu talimbile cikanukulwa. ¹⁴ Balekeni babe, ni ntungulushi impofu yatungulula impofu inankwe, bonse bakawila mu chilindi." ¹⁵ Petelo alisukile kuli Yesu ati, "Tulondolwele uyu mulumbe." ¹⁶ Yesu aebele ati, "Bushe namwe tamulailuka? ¹⁷ Tamwaishiba ati, conse icingila mukanwa cilaya munda nokufumina kunse? ¹⁸ Lelo ifintu ififuma mukanwa fifuma ku mutima efintu ifikowesha umuntu. ¹⁹ Pantu mu mutima emufuma amatontonkanya yabubifi, ukwipaya, ubucende, ubulalelale, ukwiba, bukamboni bwa bufi, imiponto. ²⁰ Ifi efikowesha umuntu. Lelo ukulya neminwe yakutasamba tacikowesha muntu iyo. ²¹ Elo Yesu alifumineko apatukila muntu mpanga ya musumba ya Taya na Sidon. ²² Moneni, umwanakashi umwina Kenani uwa mumipaka ilya alifumine akobilikisha ati, "Mbeleleni uluse mwe shikulu mwana Dabidi! umwana wandi umwanakashi aliwililwe ne fibanda. ²³ Lelo Yesu tamwasukilepo ishiwi nangu limo, Abasambi balishile kupapatila Yesu ati, mutamfyeni, pantu akotupundilila." ²⁴ Lelo Yesu alyasukile ati, nshatumwa kumbi kano kubaluba aba nga'nda yakwa Isileli. ²⁵ Lelo alishile nokufukama panshi kuli ena, ati, "Mweshikulu ngafweni." ²⁶ Alyasukile, nokweba ati, "Tachilingile ukubula kakulya chabana nokupela imbwa." ²⁷ Alyasukile, "Cine cine mweshikulu, lelo notubwa twine talalya tubufungau utupona ku chintamba chakwa shikulwibo." ²⁸ Elo Yesu alimwasukile ati, "We mwenakashi icitetekelo cobe cikulu; cibe kuli webo ifyo fine ifyo ukofwaya." umwana wakwe umwanakashi alipolele pali kalya kene akashita. ²⁹ Yesu alifumine kuli chilya chifulo aya mupepi na bemba wa Galeli. Elo aminine ulupili nokwikala palya. ³⁰ Amabumba ayakulu alishile kuli ena. Balitile bana kulemana impofu, bachibulu, naba bulebe, nabengi abalwele, balibaletile kumakasa yakwa Yesu naena alibaposeshe. ³¹ Elo ibumba lyalipapile sana [pakumona bachubuku bakolanda, ababulebe bapola, aba kulemana bakoenda ne impofu shikomona. Balilun=mbanye Lesa wakwa Isileli. ³² Yesu akutile abasambi bakwe nokweba ati, Naumfwila ibiumba inkumbu pantu twaikala nabo inshiku shitatu ukwabila ifyakulya. Intakofwaya ukubaleka baye ne nsala, kuti bafwa ulushile panshila." ³³ Abasambi balinwebele ati, "Nikwisa tukofumya umukate uwakuti amabumba yabantu aya yekute muno muma tilolo?" ³⁴ Yesu alibebele ati, "MUkate unga mukwete?" Balandile ati, "Chinelubali notusabi untunono." ³⁵ Elo Yesu alibebele ukwikala panshi. ³⁶ Alibulile imikate chinelubali ne sabi, kabili atotele, alimokawile imikate apela abasambi. Nabasambi bapela kwibumba. ³⁷ Abantu balilile no kwikuta. Elo balonganeke imiseke chinelubali iya bufungangu ubwashelepo. ³⁸ nabwa abalilem bali abaume amakana yane ukufumyako abanakashi nabana. ³⁹ Elo Yesu alekele amabumba baye alipateme mubwato nokuya ku mipaka ya magadan.