¹ Pali iolya nshita Herodi imfumu yalyumfwile palwa kwa Yesu. ² Yalyebele ababomfi, bakwe, ''uyu no Yowane Kabatisha, alibukile kubafwa eco aya maka yakobomba muli ena.'' ³ Pantu Herodi alikatilile Yowane, ali mukakilile nokumubika mucifungu pamulandu wakawa Herodias, umukashi wakwa Filipi wabo. ⁴ Ico Yowane alimwebele ukwebati, ''tacili cefunde ukumubula abe umuakashi obe.'' ⁵ Herodi ngaali mwipaile, nomba alikutina abantu, pantu balimukumumona nga kasesema. ⁶ Nomba, ulo ubushiku bwakufyalwa kwakwa herod bwafikile umwana umwanakashi wakwa Herodiase alicindile pakati kabantu nokusekesha Herod. ⁷ Mukwasuka alilaile nokulapa ukumupela conse ico akamwipusha. ⁸ Panuma yakufundwa na nyina, alisosele ati, ''mpeleni pano, nombaline umutwe wakwa Yowane Kabatisha pa lupe.'' ⁹ Imfumu yalisakamikilwew sana pakwipusha kwakwe, lelo umulandu wamulapo wakwe no mulandu wabalya bonse abali kumuteneto nanakwe, alikambishe ato nacicitwe. ¹⁰ Alitimine abakuya kuputula Yowane umutwe mu cifungo. ¹¹ Nomutwe baliuletele pa lupe nokupela umukashana nao alitwele kuli nyina. ¹² Elo abasambi bakwe balishile, balisendele icitumbi, nokuyakushika panuma, balile kweba Yesu. ¹³ Nomba ulo Yesu afyumfwile ifi, alifumineko nokuya mubwato ku ncende iya mumatololo eko bali bek. ulo amabumba yaumfwile, balimukonkele pamakasa ukufuma mumisumba. ¹⁴ Elo Yesu alishile kuli bena nokumona ibumba ilikulu. alibmfwilile inkumbu nokundapa abalwele. ¹⁵ Ulo icungulo caishile, abasambi balishile kuliena nokwebati, ''muno nimumatololo, nenshita ilipwile. Eba amabumba yalekuya pakwebati balekuya mumishi nokuishitila ifyakulya abene. ¹⁶ Nomba Yesu alisosele kuli bena, "Tabakofwaika ukuya, bapenipo fimo ifyakuti balye. ¹⁷ Balimwebele ati, pano tulikwete umukate usano elo nesabi libili.'' ¹⁸ Yesu alisosele, ''leteni kuli nebo''. ¹⁹ Elo Yesu alikonkomeshe ibu, mba ukwikala pa fyani. Alibulile ilya mikate isano nesabi libili. Aliloleshe mumulu, alipalile nokukomaula imikate nokupela kubasambi, nabasambi balipele kwibumba. ²⁰ Boonse balilile nookwikuta elo balilongenye ubufungau bwashele ku fyakulya imiseke ikumi naibili. ²¹ Abalile bali mupepi na makana yasano, abaume ukufumyako abanakashi nabana. ²² Ulo lwine alilengele abasambi ukwingila mubwato nokumutangilila kubushilya, ulo alikusalanganya amabumb. ²³ Panuma yakusalanganya amabumab, alile ku lupili eka mukupepa ulo icungulo cafikile ali eka kulya. ²⁴ Nomba ubwato pali iyi nshita bwali ukutali, ukufuma ku mulundu bwalikusunkanishiwa namabimbi, pantu umwela walibapililikile ²⁵ Napa bulinde bwalengeke bune ubwa bushiku Yesu alifikile kuli bena, akoenda pali bemba. ²⁶ Ulo abasambi bamwene akoenda pali bemba, balisakamikilwe nokweba ato, ''mulungulwa,'' balikutile ku mwenso. ²⁷ Na Yesu alilandile nabo apopene shipeni, ninebo mwitina.'' ²⁸ Petelo alimwasukile ati ''mweshikulu, umfwa nimwebo njiteni njise kuli mwebo pamenshi.'' ²⁹ Yesu alisosele ''Isa'' eco Petelo alifumiine mubwato nokwenda pa menshi ukuya kuli Yesu. ³⁰ Lelo Petelo pakubana ukuluma kwa chipupu, alitinine, ulo atampile ukwibila, alikutile ati ''mwe shikulu mpususheni.'' ³¹ Ulo lwine Yesu alitambike ukuboko kwakwe, alimwikatilile, nokumweba ati, ''we wa cisumino cinono, nindo waitwishikila?'' ³² Elo ulo Yesu napetelo baile mubwato, micipupu calilekele. ³³ Elo abasambi mu bwato bashinshimwine yesu abati, ''Cine niwebo mwana Lesa.'' ³⁴ Ulo ayabukile ku bushilya, baishile ku mpanga ya Gennesarat. ³⁵ Ulo abaume muli cilya cifulo bamwishibile Yesu, balitumine amashiwi muncende shonse ishashungulukile ilya ncende, elo baliletele kuli ena bonse abalwele. ³⁶ Balimupapatile ukwebati bakumye fye kulutwe lwacakufwala cakwe, nabengi abamukumishe balyundapilwe.