1 Pa bushiku bulya Yesu alifumine mju ng'anda kabili alikele mululamba lwabemba. 2 Ibumba ilikulu lyalimukolongene, eco alinine mu bwato no kwikalamo lelo ibumba lyonse lyaiminine mululamba. 3 Kabili Yesu alilandile ifintu ifingi mumilumbe kaebati, ''moneni, aile ako tanda imbuto. 4 ulo alikutanda imbuto shimbi shaliponene mumbali ya musebo, ne funi fyalishile kusompaula. 5 Na shimbi shaliponene mumushili wamabwe, napa tashali na mushili wingi napopene shalisomokele pantu umushili tawali nakushika. 6 Nomba lulya akasuba kaba mumulu, shalilokotele pantu tashakwete mishila, kabili shalyumine. 7 Shimbi nasho shaliponene mumushili mumyunga, ne myunga shalikulile nokushitabilila. 8 Shimbi nasho shaliponene mumushili usuma shalitwele ne fisabo, shimo umwanda, shimbi amakumi mutanda, nashimbi amakumi yatatu. 9 Uuli na matwi, lekeni omfwe.'' 10 Abasambi balishile kuli Yesu no kwebati, ''nindo mulandila ku mabumba mumilumbe?'' 11 Yesu alivaswike kubeba ati, ''mwalipelwa ishuko lya kwishiba ifyankama fya bufumu bwa mumulu, lelo kuli bena tacapelwa. 12 Eco kuwakwata kukapelwa kuli ena mukufusha kabili akakwata ukufula. lelo kuushakwata neco akakwatwa cikapokwa ukufuma kuli ena. 13 Nipalwaici nadila kulibena mumilumbe nangu bakomona, lelo ukumona iyo; kabili nangu bakoumfwa, lelo ukumfwa iyo, nangu ukwiluka. 14 Kulibena amasesemo yakwa Esaya yafikilishiwa ayo ayebati, úkumfwa bakomfwa, lelo ukwiluka iyo; ukumona mukulemona lelo ukukutuluka iyo. 15 Pantu imitima ya aba bantu yalikukwata, kabili cakwafya ukumfwa kwabo, kabili balisala amenso yabo, pakuti tekuti bamone na menso yabo, nagu kumfwa namatwi yabo, nangi kwiluka ky mitima, no kwaluka pakuti ningaposha.' 16 Lelo yalipalwa amenso yenu, pakuti yakomona; kabili na matwi yenu, pakuti yakoumfwa. 17 Pantu nkomyeba mucine bakasesema abengi na bantu balungami balikukabila ukumona ifyo mukomona lelo tabafimwene. Balikukabila ukumfwa ifyo mukoumfwa lelo tabafyumfwile 18 Ecok umfweni ku mulumbe wa mulimi uwalikutanda imbuto. 19 Ulo onse aumfwa icebo ca bufumu lelo teshgibile umocilolele, umubifi alesa no kusompola icebo catandilwe mumutima. Ishi embuto ishatandilwe mumbali yamusebo. 20 Ishatandilwe mumushili wa mabwe muntu umfwa cebo na popene acopokelela nensansa, lelo tacikwata mishila mulibena kabili canshita, iyinono. 21 lulya amacushi nangu ukupakaswa kwaisa pa mulandu wacebo, anakuka apopene. 22 Ishatandilwwe mumyunga, muntu umfwa cebo, lelo pamulandu wamasakamika ye sonde lino bo longolo lwa fyuma fitosha icebo, kabili tatwala fisabo. 23 Neshaponene mumushili usuma, muntu umfwa icebo kabili no kwiluka. alatwala ifisabo kabili nefilimwa, kuli cimo ukusangula mwanda, fimbi amakumi mutanda, na fimbi amakumi yatatu ukulingana no bwingi bwafwaya byelwe.'' 24 Yesu auminepo naumbi umulumbe kulibena. Aebele ati, ''ubufumu bwa mumulu bwaba nga muntu uwatandile imbuto shabune mwibala lyakwe. 25 Panshita ulo abantu balele, umulwani wakwe alishile kabili nao alitandilemo amankumba nao alile. 26 Nomba ulo insonga sha sapwile no kutwala ifitwalo, na mankumba nayo yalimonekele. 27 Ababomfi, ba mwine we bala balishile kabili balandile kuli ena, shikulu, bushe tamwatandile imbuto sha bune mwibala lyenu? musango ndo mwabela mankumba? 28 Alibebelete ati, úmulwani eucitile ifi'. ''Ababomfi balimweba ati, Bushe mukofwaya tuyeku kunukalamo?'' 29 Umwine webala alibebati, 'awe, apntu pakuputual amankumba, kuti mwaputula kumo ne ngáno, 30 Lekeni fikulile pamo ukufika pakusombola panshita ya kusombola nkeba abakusepa, ''intanshi tupuleni amankumba muyakake imipo pakuyoca, lelo mulonganye ingáno mubutala bwandi. 31 Na Yesu umulumbe naumbi kulibena. alibebele ifi, ''ubufumu bwamumulu bwaba nga luseke lwa lubanga ulo umuntu abulile no kutanda mwibala lyakwe. 32 Uluseke lwaba ulwacepesha pa nseke shonse. Lelo ulo lwakula, luba ulwakulisha pa filimwa fya mwibala, lulesa mukuba icimuuti, kakuti ifyuni fya mulwelele filesa nokubika infinsa mumisambo yaciko 33 Nakabili Yesu abebele umulumbe. ''ubufumu bwa mumulu nge citutumushi ico umwanakashi abulile no kusankanya mumulingo itatu iya bunga bwa ngáno mpaka umufuba watutumuka.'' 34 Fyonse ififintu Yesu alilandile kumabumba mu milumbe kabili talandile kuli bena ukwabula umulumbe. 35 Nechi cali mukwebati ifyo ba kasesema balandile fifikulishiwe, ulo alamdile ifi, 'Nkesula akanwa kakndi mumilumbe, Nkalanda ifintu ifyafishilwe ukufuma ku mufula we sonde 36 Na Yesu alishile amabumba no kuya mu ngánda abasambi bakwe baishile kuli ena nokumweba fi, ''Tulondolwele palwa mulumbe wa mankumba mwibala.'' 37 Yesu alibaswike no kulanda ati, ''uwatandile imbuto shabune mwana wamuntu. 38 Ibala e calo, imbuto shabune, ebana babufumu. Amankumba ebana ba kwa chiwa, 39 umulwani uwayatandalile e kasebanya, ukusombola ekupwa kwanshita, abakusepa nibamalaika. 40 Napali ici, ifyo amankumba yakolonganikwa nokupya mumulilo ifyofine efyo cikaba pakupwa kwanshita. 41 Umwana wa muntu akatuma bamalaika bakwe, nokukolonganika ukufuma mubufumu bwakwe fyonse ifilenga ukubembuka kabili naabo abacita ubupulumushi. 42 Bakabaposa mwi lungu lya mulilo, mulya emukaba ukulila kabili nokusumanya kwa meno. 43 Elo nabalungami bakalekusanika kubati kasuba mu bufumu bwa kwa shibo. ukwete amatwi lekeni omfwe. 44 ''ubufumu bwa mumulu bwaba nge cuma icafiswa mwibala. umuntu alicisangile noku cifisa. Alile ala Sekelela alishitishe fyonse ifyo akwete, alishitile nalilye bala. 45 Nakabili, ubufumu bwa mumulu bwaba nga muntu uwa makwebo uwalikufwaya amabwe ya mutengo. 46 ulo asangile limo ilya mutemgo, alile kushitisha fyonnse ifyo akwete no kulishita. 47 ''Nakabali, ubufumu bwa mumulu bwaba nge sumbu ilya poselwe muli beemba, kabili mwaketwe isabki lya misango yonse. 48 Lulya lyaba sululu, umushial wesabo alikulile sumbu ku lulamba. Kabili balikeele nokusalama ilya bune mufipe, lelo ilya bubi baliposele. 49 Cikaba yuwine musango kumpela yanshita ya bwikashi bwa lelo. Bamalaika bakesa kupatula imbifi ukufuma mubalungami. 50 Bakaposa ababifi bonse mwi lungu lya mulilo, ukukaba ukulila no kusumanya ameno. 51 ''Bushe mulilwike kuliifi fyonse?'' Abasambi balimwebele ati, ee.'' 52 Kabili Yesu alibebele ati, ''Eco kalemba onse uwaba musambi kubufumu bwa mumulu aba ngo muntu uwaba umwine wa ngánfda, uliututulula ifintu ifyakale ku cipao cakwe.'' 53 Kabili calishile ngefyo ulo Yesu apwile iyi milumbe, alifumineko kuli ilya ncende 54 Kabili Yesu alingile mumpanga yakwabo no kufunda bantu mu sunagoge lyabo. icafuminemo cakubapapusha ukwebati, ''Nikwisa uko uyu muntu afumya aya mano kabili namaka ya fipapwa? 55 Bushe temwana Kabaasa? Bushe nyian te Maria Bushe ba munyina Yakobo, Yosefe, Simoni, na Yuda? 56 Bushe bankashi yakwe bonse tababa nefwe? Nipi afumya fyonse fi? 57 Balikalifiwe naena. Lelo abebele ati, ''kasesema tabulwa mucinshi kanofye mumushi mu mwabo no lupwa lwakwe.'' 58 Tacitile fisungusho ifingi mulya pantu tabali na kutetekela.