¹ Pali ilya nshita Yesu alikupepa mwi bala lya ngano pe sabbata. Abasambi balyunfwile insala balitampile ukutempula imitwe ua ng'ano no kulya. ² Elo aba falise pa kumona, basosele kuli Yesu, "Mona abasambi ifyo balikucita icishasumishiwa ukucita pe sabbata." ³ Yesu asosele kuli bo, "Bushe tamwabelenga ifyo Dabidi acitile elo ali ne nsala, pamo na bantu alinabo? ⁴ Alile mu ng'anda yakwa Lesa no kulya mikate washilishiwa ici shasuminishe kuli ye ukulya na kabili ici shasuminishiwa nakuli abo ali nabo, kano fye kuli bashimapepo beka. ⁵ Bushe tamwabelenga mu mafunde ati pa sabbata lelo tabuli no mulandu? ⁶ Nkomweba ukuti uwacila tempele ali pano. ⁷ Nga mwalishiba ifyo ici cikopilibula, ukuti mfwaya uluse, telambo iyoo, nga tamukoseka abataba na mulandu. ⁸ Pantu umwana wa muntu e shikulu we sabbata. ⁹ Yesu alifumine kulya no kuya Ingila mwi Sinagoge. ¹⁰ Kabili kwali umwaume uwali ne cisansa icakuma. Bashimapepo bakalamba baipwisha Yesu, Ukuti, "Bushe calisuminishiwa ukuposha pe sabbata?" Pakuti bamusange no lubembu. ¹¹ Nao atile kuli bno, "Nani umuntu pali mwebo, ena nga alikwete impanga, imo kabili nayo yaponena mu cilindi pe sabbata, bushe tekuti muyabule? ¹² Pali bufi, muntu acila impanga! Eico cawama ukucita icisuma pe sabbata." ¹³ Elo asosele kulo uuyu mwaume, "Tambalika icisansa." Ali citambalike, kabili cabwelele icituntulu ngefyali icinankwe. ¹⁴ Kabili bashimapepo baumene akapi pakuti ba monaule. Balefwaya inshila yakuti bamulofye. ¹⁵ , Lelo Yesu pakwishiba afumine kulya abantu abengi balimukonkele kabili ali baposeshe abengi. ¹⁶ Ali bakonkomeshe ukuti beishibishako bambi palwa ena, ¹⁷ Ifi fifwile fya fikilishiwa, ifya sosele Esaya kasesema, ukuti, ¹⁸ "Mona, Umubomfi wandi uyo nasala; ukuti natemwa uyo mweo wandi ubekelwamo, nkabika umupashi wandipali wena, nao akabila ubupiungushi ku bena fyalo. ¹⁹ Takacite ifikabsa nelyo ukulila umusowa, nangula tukomfwe ishiwi lyakwa mumisebo. ²⁰ Tafune itete ilya tinikwa takalifunaule takashimye cikucilefuuka mpaka akafishe ubupingushi kuku cimfya, ²¹ namwi shina lyakwe abena fyalo bakacetekela." ²² Umo uwali impofu nabucibulu ne cibanda aletelwe kuli Yesu. Ali muposeshe, uyo muntu alilandile no kumona. ²³ Ibumba lyonse lyali papile sana nokusosa ati, "Bushe uyo muntu tali mwana Dabidi?" ²⁴ Elo aba falise baumfwile ici cisungusho basosele ukuti,"Uyu muntu tafumya fye ifibanda kano ukupitila muli beel sebuli kateka wa fibanda." ²⁵ Yesu alishibe ifyo bali kutontonkanya elo asosele ati, Übufumu ubwakwakanika ubwine bulapomonwa, no musumba nelyo ing'anda iya kwakanika iine tayakemikwe. ²⁶ Satana nga atamfya satana, ninshi ako akanika umwine. Nomba ubufumu bwakwe kuti bwaimina shani? ²⁷ Naine nga nafumisha ifibanda muli Beelsebuli, bushe abana benu bakafifusha mumaka yakwa nani? Ico bena bakaba aba kumupingula. ²⁸ Nga nafumisha ifibanda ku mupashi wakwa Lesa, elo umupashi ukesa pali webo. ²⁹ Nga umuntu kuti aingila shani mu ng'anda yawa maka nokwiba ifipi, ukwabula uku kaka uwamaka? Elo lyena enga tapa ifyuma fyakwe. ³⁰ Onse utali nanebo asalanganya. ³¹ Nangu cibe ifyo ndesosa kuli mwebo ulubembu lonse ne mmiponto fikelelwa ku bantu, lelo ukupontela umupashi wamushilo takelelwe. ³² Uyo onse asosa ububi pa mwana wamuntu akelelwa lelo wasosa ububi ku mupashi wa mushilo takelelwe muli calo nangu icikoisa. ³³ Lengeni umuti ube uusuma ne fisabo fyaciko uko ifisuma nangu mulenge icimuti icibi ne fisabo fyaciko ifi fibi umuti wishibikilwa ku fisabo fyauko. ³⁴ mwe bana bamafwafwa pantu muli babifi, kuti mwasosa shani ifisuma? Pantu kubwingi bwa fya mumutima efyo akamwa kasosa. ³⁵ Umuntu umusuma amfumya ifisuma ku cipao cakwe ca mutima fumumya ifisuma, no mubifi afumya fibi mu cipao cakwe ca mutima. ³⁶ Pa bushiku bwa bupingulo conse ico abantu basosa bakacilubulula. ³⁷ Pa mashiwi yobe ukalungamikwa, kabili pa mashiwi yobe ukasekwa. ³⁸ Bamo bakalemba naba falisee baliyaswike Yesu ati, "Kafundisha, tulefwaya ukumona icishibilo kuli iwe." ³⁹ Yesu alibaswile ukuti inkulo iibifi kabili iya bucende kuti ya fwaya icishibilo. Icishibilo tacapelwe kuli yene kano icishibilo cakwa Yona kasesema. ⁴⁰ Pantu Yona ali akasuba no bushiku inshiku shitatu munda yacisabi, efyo no mwana wa muntu akaba inshiku shitatu akasuba no bushiku munda ya calo. ⁴¹ Abena Ninebe bakeminina pa bupingushi ne iyi nkulo no kubaseka. Pantu balilapile pakubila kwakwa Yona, Moneni uwacila Yona alipano. ⁴² Namfumu waku kapinda ka kulyo akabukila pamo ku bupingushi pamo nabankulo iyi nokubaseka. afumine ku mpela wa pano isonde kukumfwa amano yakwa Solomone, moneni uwacila Solomone ali pano. ⁴³ Elyo umupashi wa kowela wa fuma mu muntu upita mu ciswebebe ukufwaya ukutusha no kusanga iyoo. ⁴⁴ Elo wasosa.'nkabwelela ku ng'anda yandi uko nafumine; lilya wabwela wasanga ing'anda iya pyangwa kabili iya ikala bwino. ⁴⁵ Kabili waya no kusangwa ne mipashi imbi cine lubali iya bipa ukucila pali wena. Kabili yaingila yaikalomo imikalile yakupepekesha ya muntu iyo yabipisha ukucila iya kutendeka. Ifyo fine ifyo cikaba naku nkulo iyi iya kubipa." ⁴⁶ Elo Yesu alikusosa ku mabumba, moneni banyina nabawabo baiminine panse balefwayo ukulanda nankwe. ⁴⁷ Umo amweba ukuti, "Mona banoko naba bawenu baminine panse bakofwaya ukusosa nobe." ⁴⁸ Yesu aasuka nokweba uwalikumweba ukuti, "Bushe mayo nani? "Nabawesu nibani?" ⁴⁹ Kabili atambalike ukuboko pa basambi bakwe nokusosa ati, "Moneni aba ena mayo nabawesu! ⁵⁰ Onse uuyo ucita ubufwayo bwa kwatata wa mumulu, uyo umuntu e munyina, nkanshi na mayo."