¹ An nga fá verê ri Kistu, an na ka siriga whã. Kuxensa un ra sesemunha an, ny Supitu Santo, ² Ku ra un sa whã mêmê leva ku dolô ny kosô un. ³ Sô an dezeja ku an mê fô mali whangaru ri Kistu ra amolê ri na mon un, ku sa familia un ny kani. ⁴ Ane sa Israelitas. Pêtesê adoson, y goia, aliansa, y kundji ri odji, y adolason ri Dessu, y ku plomessa. ⁵ Ane sa patriarka, kuali sa Dessu diba turu, ka sa Ê bendito sa atê atê. Amém. ⁶ Mazi na sa lumba ri Dessu ku falha whã. Sô ne turu ane ri Israel sa dy Israel. ⁷ Mora é me na sa turu na mon ri Abron sa ná rê veré wha. Mazi, punda Izaki, ma sama desédensa. rê. ⁸ Ié, sa na dy kani na sa ná dy Dessu wha. Mazi ane ná dy plomessa sa konsiderado mora desendensa. ⁹ Sô kué sa lumba dy plomessa: tempo é an nga bi, da Sara whã ná. ¹⁰ Y na sa kué sô wha, mazi sô whô ma, Rebeka konsebê dy tata nu Izaki. ¹¹ Ane na rê na ta nasêru wha né ta ziru kua buaru ô mali wha dy popozito dy Dessu ku akodo ku koié ô ku ka ta, na punda obla wha, mazi punda ra nkenu si ku ka sama, ¹² Kué é fô faru dénê: Masi vê ka xivi masi novu. ¹³ Axié ma ê tá sisikaru! An ngogô ku Jakó, mazi an odiá Ézau! ¹⁴ Kua ma ka fá, anto! Ê tê inzustisa ri paxi dy Dessu! Nunka! ¹⁵ Sô Ê fa Mozé: An tê pena dy nkênu si ma an mesê tê pena, y tê kompaxô dy nkênu si ma an mesê tê kompaxô! ¹⁶ Punda, kué é na ka dependê dy nkênu si ku mesê wha, ne dy nkênu si ku ka kolê, mazi dy Dessu, ku tê pena. ¹⁷ Sô Eskritura fá Faraó: Ra kué é mê an lata, pa nga pô musa ô purê un, pa Nome Un kasa faru ny turu tia! ¹⁸ Ê tê pena dy ngê ma Ê mesê, na yogo ra ngê si ku mesê. ¹⁹ Anto, bô fa An: Punda Ê ka kupa nkenu anda! Sô nkênu si ku nguêta vonte Rê. ²⁰ Otô mora omé, nguê sa ô ku ka kundji contra Dessu! Kua ma bô ka fa mavu pa nkenu si ku zi ô: nguê manda ô zi un axi! ²¹ Na tê oleiro detu diba mavu dy zi massa é me wha jara pa sivi kuê katxi nguê buaru wha, y otô jara é pa sivi ané mé. ²² Si Dessu, mesê musa leva Rê, zi sê kosê purê Rê, ma Ê supota ku yô paxênsa ku jara dy léva, plepara pa dana, ²³ Fim dy Ê zi konsê likeza ri goia Rê ny jara ri pena, ku pa goia Rê pepara na-na-na, ²⁴ Turu kué sa nó, nguê tu zé mé sama, na sa sô ané zurê, mazi ane zintxi turu! ²⁵ Mora Ê fa tuzé ra Ozeia: An sa pôvô Un nkênu ku na sa pôvô Un wha, y amaru, nkênu ku na sa amaru wha. ²⁶ Sa, ny nga andji fô ma fa pa ane sê na sa pôvô Un, nha ane sa samaru: na ri Dessu vivo. ²⁷ Isaias sama lispetu Israel: Anda ku numeru ri ná ri Israel sa mora nsêkê y mionga, a ka bê un whã remanesenti ku sa salvo, ²⁸ Sô Sum ka sina lumba Rê ra tia, whelémé y ka kompleta. ²⁹ Y mora Isaias antiji pê fa: Si Sum dy exersito na ka tê desaru nó ku ané ná mon, nón kabila mora Sôdoma y sa Gomora. ³⁰ Antó kua, ma nón ka fá! Ku zintxi ku na ka tua justisa bê justisa, y justisa ra afé, ³¹ mazi Israel, ku tua alê dy justisa, na bê wha. ³² Punda kuay! Ane ná ba tua kué é ra afé wha, mazi ra obla. Ane ra tope dy buru dy buru, ³³ Mora é mé sa sisikaru: punda An pê ny Sião un whã buru dy tope, un whã rocha dy demanda. Nguê ka kêlê né na ka sa ku vegonha wha.