¹ Na mon, nga desja dy koson un y pindji Dessu ny favolo ane pa ane ka sa salvo. ² Sô nga da sesemunha ma ane tê zelu ra Dessu, mazi ná dy seto ku konse wha. ³ Punda ane na ta kosê zustisa dy Dessu, ba tua estabelesê plopi zustisa ane, na sujeta zustisa dy Dessu. ⁴ Sô Kistu sa kumprimento dy alê pa zustisa dy turu nkênu sy ku ka kêlê. ⁵ Punda Moisés sisika ra zustisa ku ka by dy alê: Ome ku ka zi zustisa ku ka plova alê vivê ra zustisa é. ⁶ Mazi zustisa ku ka by dy afé fá: Na fá ny koso ô wha: Ngê ka subi ba osé! Kué sa, pa by ku Kistu pa kosi, ⁷ Ô: Ngê ka tuka ba fenu! Yé sa, pa lata Kistu katxi motxi! ⁸ Mazi kua ma ê ka fá! Lumba sa kota ô boka ku ku koso ô. Yé sa lumba ma non ka fá. ⁹ Punda sy boka ô kofesa Jizu ku ma Sun, sô koso ô kêlê ma Dessu koré katxi motxi ê ka sava. ¹⁰ Punda ku koso a kêlê ra sustisa sô boka ka kofesa ra savason. ¹¹ Punda livu ka fá: turu nkênu ku kêlê ná ka tê vegonha wha. ¹² Punda ê na tê Zure né gegu wha, Punda Sun né sa Sun ry turê tô sa liku ra turu nkênu ku ka ngogo kuê. ¹³ Punda turu nkênu ku ka ngôgô kuê ka sava. ¹⁴ Ma ane ka ngôgô ku Nkênu ma ane ná kêlê ne whã! Sô ma ane kêlê ry nkênu ma ane ná ndê fá ne whã! Sô ma ane ka pô ndê sy nkênu na say ry pega wha! ¹⁵ Sô ma ane ka pô, pega, sy a na manda ane wha! Mora ma ê sa sisikaru: kua buaru sa opé ku ka fá kua buaru! ¹⁶ Mazi ne turu ane ku ndê vagelhu wha punda ysaia ka fá: Sun nón, ngê kêlê ny lekaru non! ¹⁷ Punda afé ka by ry ndê, sô ndê lumba Kistu. ¹⁸ Mazi nga puta: ane na ndê wha! Ê Ê Ê vere. Fogo ane whanga ba turu tia, ku lumba ane atê fim mundu. ¹⁹ Ra kuaé é, nga punta: Israel na ta wha! pumbêlu, Muzé fá: nga povega sumi ra sê ku ane ku ná sa nason wha, Nga povega leva ra sê. ²⁰ Sô Isaia tô fá: Nkênu ku ná tá ka ngolo un wha bê Un. Musa ane ku na ta ka puta ra Un wha. ²¹ Ra Israel, Ê fa: turu ria Un mon Un ra whã pôvô riberi ku na ka ndê wha.