¹ An puta anto: Dessu zeta pôvô Rê! Netxo kua. Sô an tuze sa whã israelita, whã dessendente dy Abraão, ri tribo dy Benjamim. ² Dessu na zeta pôvô Rê wha, a ngê dy antemão konsê na tá ku Eskritura ku ka fa sobre Elia, mora ê pindji Sun kontra Israel! ³ Sun ane mata plofeta Rê, kebia altare Rê, y só an fika, y ane ba tua txia vida aun! ⁴ Mazi, má Dessu kundji! An txi é ra An me sete mili omé ku na dobla zunta ra Baal! ⁵ Axé tusê tempo é presente. Ê tê whã remanessente, punda ra eleson dy gasa. ⁶ Mazi, si sa ra gasa, Ê na sa masi ra obla wha, ôtô mora, gasa na sa gasa wha. Whã whã kopia nanana zi: Turu, kué é sa ra obla, anto na sa obla wha. ⁷ Y anto! Kua ku Israel ka ngolo, kué é na bê-wha, mazi ane eleito bê, y ane maxi fô oria dizu. ⁸ Mora é mé mê ta sisikaru: Dessu da non whã supito mali wha, ri whê pa ku na bê, y oria pa na ndê wha, atê ria dy ozé. ⁹ Antó Davi fá: Má meza ô ka bila whã lêlê y whã téla, whã buru dy tropesa y whã patxi pa ane. ¹⁰ Ma whê ane ka sa kulu pa na bê, méma ô ka sa pezu atê atê. ¹¹ Anto nga puta: ane tropesa pa ane kiê! Di néwhã mora. Punda kué é, punda flakesa ane, an bi ku savason pa ane gentxi, dy mora dy povega sumi. ¹² Whô, sy flakesa ane si sa likesa dy mundu, ê sa pendê ô y likesa dy gentxi masi mémé sa plenitudy ô! ¹³ Mazi aié nga fla sê, gentxi, whã vê ma sê sa whã apostulo pa ane gentxi, goia ministerio un. ¹⁴ Êpoja an nga poveka sumi nkênu ku sa dy plopin kane un, y, epoja ôtô ôtô ka sa savu. ¹⁵ So, si, rejeison ane sa rekonseliason dy mundu ma kundji ô sa, xiê na sa vira katxi motxi, ¹⁶ Xi pimelu fruto sa santo, massa turu sa, si leji sa santo, tango turu sa mora é. ¹⁷ Mazi, si whã whã tango fô kebiaru, y bô, whã tango dy oliveira silvestre, fô tasaro katxi ane, y bô bila partisipante ku ane dy liku leji dy oliveira, ¹⁸ na ra goia konta tango wha. Mazi si bô goia, nta ku, na sa bô ku guêta leji, mazi leji sô ka guêta ô. ¹⁹ Anto bô ka fá: Turu tango fô kebiaru pa an fô exartaru! ²⁰ Vera! Punda ra inkredulidade ané, ané fô kebiaru, mazi bô guêta ra afé ô. Na pensa yô whã dy ô mé, mazi temé. ²¹ Punda, si Dessu na popa ane tango wha na txitxi, tusé na popa ô wha. ²² Pia, anto, bom koso siveridade dy Dessu. Sô whã kiba, severidade bi ri ane zurê ku kiê, mazi punda ôtô kiba, bom koson dy Dessu bi ra an, si guêta ny bom koson rê. ôtô mora, bô tuzé ka sa kotaru. ²³ Y ane turu, si na ta ny inkredulidade ane, sa enxertaru dingi. Sô Dessu sa kapazi dy pê sê enxerta sê dingi. ²⁴ Punda, sy sê fô kotaru dy olivera silvetre ra natureza y, kontrario natureza, fô enxertaru ny oliveira buaru, kanto masi JUrê, ku sa ny tango na txi txi, sa enxertaru dingui ny plopi oliveira rê ²⁵ Punda, ná mon, un na mese pa sê tá dy misterio é, di mora ku ná sa buaru ny plopi pensamento. Misterio é sa ku kolê whã koson dizu parsial ny Israel, atê ku ka siga ny plenitude dy gentxi. ²⁶ Axé, turu Israel sa savu, mora ê sa sisikaru: ka bi dy Sion whã Libertaru Ê ka txia turu mali dy Jakó. ²⁷ Ysié sa alinsa un ku ane, ma An ka txia pakaru ané. ²⁸ Ma Vangelho, ane sa odiaru punda sê: mazi, ma Dessu koiê, ane sa amaru punda djina txitxi. ²⁹ Punda don sa samaru dy Dessu sa sê ê na ka mura wha. ³⁰ Punda, dji na txitxi, fô oria dizu a Dessu, Mazi aié, lesebê pena punda dy odia dizu ane. ³¹ Dy mora é mé, ane Jurê whô tá ku odia dizu. Resultaru fô, punda dy pena mosaru ra sê, ane tuzé kapô lesebê pena whô. ³² Punda Dessu pê turu lêtu dy kundji, y fim dy ku Ê tá ku pena dy turu ane. ³³ Kosi dy likeza é, dy sebê ri ta kua dy Dessu! Kuan insondavel sa juizu Rê, mondja ô sa inkompreensivel! ³⁴ Punda ngê konsê mente dy Sun! Ô ngê bila ka sa ngê ka ré konsê! ³⁵ Ô ngê pimelu ku dé whã kua, pa Dessu tô dé! ³⁶ Punda Ê, ra Ê y pa Ê sa turu kua. Ê sa goia pa semple. Amé