¹ Sô aié, na tô tê ne whã kondenason ra nguê ku sa ku Kistu Jizu. ² Punda alê Supitu di vira ni Kistu Jizu sô livia un alê pekaru ku ri motxi. ³ Punda kua ma alê na pô ka zi wha, punda ê fô flaku punda kani, Desu zié. Ê manda plopi ná Rê mora onguê kani pekaru, pa ê sa whã pêsentxi ra pekaru, sô Ê kondena pekaru ni kani. ⁴ Ê zi kua é ra kua ma alê ta ka obigé ê ka kumpi ni non ku na kanda mora kani wha mazi mora supito. ⁵ Ngueixi ku ka vevia vonté kani ka tê sintxiru ni kua kani mazi ngueixi ku ka vevia mora Supitu, ku kua Supitu. ⁶ Punda vonté kani sa mothi, mazi vonté Supitu sa vira ku pazi, ⁷ punda vonté kani sa numigu Dêsu punda ê na sa kosi mon Dêssu, ma ê ka pô sa wha. ⁸ Nkênu ku ka pôzê kani na ka poi buara Dêsu wha. ⁹ Moraê, sê na sa ni kani wha, mazi ni Supitu, si ê sa ma Dêsu ka vévia sê. Mazi si nguê na tê Supitu Kistu wha na toké wha. ¹⁰ Xi Kistu sa ni sê, onguê sa motxi amizari pekaru, mazi Supitu ka vévia ku zustisa. ¹¹ Si supitu Nkênu si ku kora Jizu fô motxi ka vévia sê, Elê ku kora Kistu fô motxi turu ka ra ongê sê motxi vira punda Supitu Rê ku ka vévia ni sê. ¹² Antó, namó, nón na sê ka devê ni kani wha, pa non vevia ku kani wha. ¹³ Punda , xi sê vevia vonté kani sê ka muê, mazi, si ê sa supito sô mata vonté onguê, sê ka vevia. ¹⁴ Punda nkênu ma Supitu Dêsu ka nda kuê, yé sa na Dêsu. ¹⁵ Punda sê tua supitu pezu dingui pa sê sa ku mendu wha, mazi sê tua supitu di adoson, ixi ma non ka ngita Aba Tata. ¹⁶ Sô plopi Supitu ka ra seseminha supitu nón ma non sa ná Dêsu. ¹⁷ Si nón sa ná nón ka lera Dêsu sô tô lera ku Kistu, si ê sa setu ma non ka parisê kuê pa a ka ngaba nón kuê turu. ¹⁸ Punda nga pia ma parisê tempu sié na sa setu pa non mindjé ku goia si ma a fa nón wha. ¹⁹ Sô kua masi ma kiason si ka wara sa revelason ri nan Dêsu. ²⁰ Punda ane kiason ta kosi ane vairari, na sa punda vonté ane wha mazi punda vonté nkênu si ku nguêtá ka wara. ²¹ Mora ma plopi kiason ka sa livi ri pekaru ku kua suzu ra liberari ra goia Dêssu. ²² Punda non ta ma turu kiason sêka zemé sa sintxi dolô pari ózé anda. ²³ Ê na sa elê sô wha, mazi nón ku tê pumbêlu un kuê supitu-asié non mé ka zemé lêtu ka whara adoson nón, ku lereson onguê nón. ²⁴ Punda ka wara nón sa savu. Mazi kua nón ka whara pê bira, ê na si bi anda wha, punda ma ka whara isi ma a nasi bê wha. ²⁵ Mazi si nón whara ixi ma nón na bê wha, ku paxensa nón ka waré. ²⁶ Ri mora é mé, Supitu turu ka zura nón ni fakeza. punda non na ta mora nó ka fa lason wha, mazi plopi supitu ta pindji ra non ku zemé letu rê. ²⁷ Elê, ku ka pia lêtu kosó sô ka ta pensamentu supitu, punda Ê ka pindji ni favolô ane santo, dy kundji ku vonté Dêsu. ²⁸ Non ta ma turu kua ka zunta ra ben dy nkênu ku ka ama Dêsu ra ane ma a sama kundji ri vonté Rê. ²⁹ Punda, kua ma nón ta ta naria, Elê turu distiná pa ê sa mora fegula Na Rê, fa ê sa pumbê katxi yô ná món. ³⁰ Ane ma adistina yé turu ma a sama ane ma a sama yé mé ma a zustifika ane ma a zustifika yé turu ma a gorifika. ³¹ Sô kua ma nón ka pô fa sobli ené kuê! Se Dêsu sa ku nón, nguê ka sa kontla nón! ³² Elê, ku na popa plopi Na rê wha, mazi ra nón ni favolo dy turu nón, ma nón na ka pô ra Elê té turu ené kuê! ³³ Guei kabi ku kusason kontla ene koiêro dy Dêsu! Sa Dêsu sô ka zustifika ené. ³⁴ Ngué ka kondena ené! Klistu sô muê ra nón, sô, maxi ku kué, té tô kora. Ê sa lêtu dy Dêsu, ixié-té ka pindji ra nón. ³⁵ Nguê ka tia nón dy amolê dy Kistu! tibulason, leva, fomy, pligo ô supara! ³⁶ Mora ê sa sisikaru: Punda ô, nó sa mothi turu ria. A zi nó mora ombo pa bê ku matarô. ³⁷ Ni turu ené kué, nón sa maxi vensêrô poviata nguê ki gogo nón. ³⁸ Punda sa setu ma né mothi, né vira, né anzu, né alê, né kua aié, né ku kabi, né purê, ³⁹ né kuanda, né kosi, né neuwhã ôtõ kua kiaru ka txia nó dy amolê dy Desu, ku sa ni Kistu Sun nón.