¹ Ô sê ta ane na amon ma alê ka kontola omé, ma ê sê ka vevia wha! Punda nga fa ra nkênu ku ta alê. ² punda ni alê, mengai kazaru sa bandekaru ku omé rê ola ma ê sê ka vevia, mazi si omé rê muê, y sa livi ra alê kazamenti. ³ Anto si ê bandeka ku ôtô omé ku omé rê ka vevia a ka samé aduteru. so si omé rê muê, ê ka sa livi alê, mora ma ena tô sa adultera si ê ka za ku ôtô omé wha. ⁴ Sô ane ná amo un, sê turu ta motxi ra alê, mora ongê kistu, mora ma sê na ka pô toka ôtô ku sa Nkênu si ku ta kora katxi motxi, mora ma non ka ra me ra Dêsu. ⁵ Punda ola non ta ni kani vonté pekaru ma a ta fanri alê, ta ka musa ongê non ri zi me ra motxi. ⁶ Ku turu, aié non sa livi alê. non muê ra kua si ma non ta pezu né, sô pa non sivi ê nuvirari Supitu, ne ni lêta na kulu wha. ⁷ Kua non ka fa aié! Alê sa pekaru! Ynga. Sô, na ka ta pekaru si ê na ka sa punda alê wha. Punda na ka ta whê sia si alê na ka fa: na tê whê wha. ⁸ mazi pekaru povete nga punda mandamentu, bi ku turu mora whê sia ongê un. punda sê alê, pekaru sa muêru. ⁹ Naria nta ka vevia sê alê, ma zi ola mandamentu bi pekaru tô vevia so un muê. ¹⁰ Mandamentu ku ta ri bi ku vira, bila motxi ran. ¹¹ Punda pekaru poveta nga punda mandamentu, ngana un. sô punda mandamentu ê mata un. ¹² sô, alê sa santu, ku mandamentu santu zustu buaru. ¹³ Sô kua ku ta buaru bila motxi ran! Ynga. Mazi pekaru pa ê ka musa pekaru punda kua ku sa buaru, povega motxi rãn. Yé ma punda mandamentu pekaru ka musa masi pekaru, motxiru. ¹⁴ punda non ta ma alê sa ni supitu mazi un sa kani bêndêru mora kavu pekaru. ¹⁵ Punda kua ma nga zi, na ta ka ta veré wha. Kua nga mêsê zi na ka zié wha, so isi ma nga mêsê wha sô nga zi. ¹⁶ Mazi si nga zi kua ma nga mêsê wha, nga kundji ma alê sa buaru. ¹⁷ Mazi aié ê na sa un ku sê kazi kuaé wha, mazi pekaru ku sa lêtu un. ¹⁸ nta ma lêtu un, ye sa, ni kani un, na ka tê kua buaru wha, punda vonte zi buaru sa ku ãn, masi na ka po zié wha. ¹⁹ Punda kua buaru, ma nga mêsê zi, na ka zi é wha mazi mali ma na mêsê wha, yé nga zé: ²⁰ sô si nga zi kua ma na mêsê wha antó ê na sa un ku sê ka zié wha mazi pekaru ku sa lêtu un. ²¹ Antó, nga ta, ma lêtu un, alê ri mesê zi kua buaru, mazi sêtu ma mali sa ku an. ²² So ku omé ma un sa, nga kusintxi ku alê Dêsu. ²³ Ku turu nga bê whã ôtô alê lêtu ongê un ku ka peza kotrê whã alê novô lêtu koso un. Kué sô ka zi un pezu ni alê pekaru ku sa sêtu ongê un. ²⁴ Nsa whã omé mizeri! Ngê ka livia un ongê dy motxi é! ²⁵ Nga ra Dêsu punda Jizu Kistu Sun non! Asié, sô, nga sivi alê Dêsu ku koso un ku turu kani nga komesa ka sivi pekaru.