¹ Antô, kua ma non ka fa? Non ka sa ni pekaru pa gasa ka motxi? Inga! ² Non ka muê ra pekaru, ma non ka pôi vévi né anda? ³ Sê na ta ma mora ma non fô batizaru ni kistu jizu, turu non sa butizaru ni rê wa? ⁴ Ê manda, ma non sa tiaru kuê ni butízumu ni motxi; Ku´ra pa, mora kistu fô koraru katxi motxi ra goia ri Tata, axé non turu ka pôi nda ni novirari vira. ⁵ Punda xi non zuntaru ku Ê ni mora motxi Rê, turu non ka sa zuntaru kuê ni resuresó Rê. ⁶ Non ta kué: mora non na kulu ta pézu ku Ê, pa ôngê ri pekaru sa danaru. Kué ra pa non na sa pézu ni pekaru dingi wa. ⁷ Nkenu xi ku muê ê sa justu sê pekaru. ⁸ Maji, xi non ka sa muêru ku kistu, non ka kêlê ma non ka vévia kuÉ. ⁹ Non ta ma kisto tô kora katxi motxi. Ê na tô sa muêru dingi wa. Motxi na tê pôrê nÉ dingi wa. ¹⁰ Sô, mê muê ra pekaru, Ê muê wã vê sô. Ê manda vira mê ka vivê aié sa ra Dêsu. ¹¹ Di mora ê mé pia sê mé muêru ra pekaru, maji vivo ra Dêsu ni kistu Jisu. ¹² Sô na desa pekaru nda ni ôngê sê muêru wa, di mora ma bô ka kundji paso rê. ¹³ Na pezenta patxi di ôngê sê ra pekaru wa, pa sê sa stumentu mali wa. Maji pezenta ra Dêsu mora muêru ku sê ka vévia aié. Sô pezenta patxi ôngê sê ra mora stumentu ma ka taba kuê ra justisa. ¹⁴ Na kuxintxi pekaru tua konta sê wa, punda sê na sa koxi alê wa maji kosi gasa. ¹⁵ Antô kuai? Non ka p|o ka ji pekaru punda non sa ni koxi al|e, maji koxi gasa? Inga! ¹⁶ Bô na ta nkênu ma sê mé pezenta mora sévu sa nkênu ma bô ka pô kuxintxi, nkênu ma bô kundji? Xi sa vere: ô bô sa sevu pekaru ku ka ba muê, ô sevu ku ka kundji ri bê ku justisa. ¹⁷ Maji gasa ra Dêsu! Punda bô fô sêvu pekaru, sô bô kundji ri koso ra mora dotrina ma da sê. ¹⁸ Bô fô live ni pekaru jiru sikavu justisa. ¹⁹ Nga fa mora ome, punda flakeza sê ni kani. Sô mora ma sê pezenta patxi ôngê sê mora sikavu suzuru pa mali, mora é me aié pezenta mora sikavu zustisa ra santifikason. ²⁰ Pia ma, ola ma ô ta sikavu pekaru, sê ta livi zustisa. ²¹ Tempu xi za, kali kua buaru ma bô ta ka ji ma aié bô sa ku vegonha rê? Punda fin ane kua é sa motxi. ²² Maji aié bô fô livi pekaru sô sa sika Dêsu. Sa ku mé sê ra santifikasô ku luklu sa vira atê atê; ²³ Punda pagamentu pekaru sa motxi maji pôrê ngasa Dêsu sa, vira atê atê ni kistu jisu Sun non.