¹ Sô, justifikaro ny a fé, nó té pa je ku Desu punda Sun Jizu Kisto ô, ² sô punda Êlê, nó ka letxa ku afé ny graça xi ku zinó sa seto. Ta ku gosô ny kua Desu té ra nó ola Ê ka bi, konfiansa ma nó ka patxi ny goia Desu. ³ Na sa kué sô wha, nó turu ka tê ngoso ne katxi padisê, nó ta né katxi padisê ka bizi nó whara. ⁴ Sô wara ka bi aplovasón sô ku plovasón ka bi kêlê atê atê. ⁵ Konfiansa na ka tô ponta nó wha, punda amolê dy Desu sa lukuaro ny koso nó punda supito santi, mê tá da nó. ⁶ Sô ola nó ta flako, Kisto muê ra impio né tempo. ⁷ punda ê ka kusta pa whãn nkênu muê ra whãn justo, kua é katxê nkênu ka pô muê ra whãn nkênu buaru. ⁸ Maji Desu pova amolê Rê plope ra nó, punda Kistu muê ra nó, ola nó tava pekarô. ⁹ Yô maji aié ma nó sa justifikaro punda sangue Rê, nó sa salvo Né ra levs Desu. ¹⁰ Punda, nó tava mora numigo, nó by setaro ku Desu né motxi moso Rê, sô maji sô ola ma no ta setaro kuê, nó ka ba sa salvo ny vira Rê. ¹¹ Na sa punda kua é wha, maje nó tê ku tê ngoso ny Desu so ry Sumu Jizu Kistu nó, punda Êlê aié nó rekonsilia kuê. ¹² Punda mora ma pekarô létxa ny mundo punda whãn homé, ry mora é mé motxi letxa punda pekaro. sô ma motxi whanga da turu nkênu, punda turu nkênu peka. ¹³ Punda atê alê, pekaro tia leto mundo maje pekaro na sa daro konta alê wha. ¹⁴ Sô axié motxi sa djina Adón alê Moseis, atê turu nkênu ku na gi pekaro mora ane rasa dy Adón gi, ku sa mora nkênu ku sa ba bi. ¹⁵ Maje, axié mé, dón rê dy gasa na sa mora mali wha. Punda si turu nkênu muê né mali ry whã maxi iô glasa Desu sa ofeta ra gasa whã uniko homé, Jizu Kisto, whanga ra iô nkênu. ¹⁶ Punda dón na sa mora pagamento ry pekaro ry homé wha, magi whãn kiba zugamento ra kondenason bi punda pekaro de whãn homé sô, magi, dy ôtô kiba dón dy gasa bi sô ry iô mali, ra justifikason. ¹⁷ Punda motxi bi sa punda pekarô whãn sô, maxi nkêno ku ka tua kua motxi dy gasa ku dón dy zustisa ka ta né vira da whã nkênu sô Jizu Kisto. ¹⁸ Sô axi mora turu nkênu ta kondenaro ra whã pekarô, turu kua dy justisa é bi justifikason ra vira dy turu nkênu. ¹⁹ Punda ry diszobidiensa dy whã homé sô iô nkênu bila pekarô, ry mora é mé punda obidiensa dy whã, iô nkênu sa giru justo. ²⁰ Maje alê letxa pa mali bila motxi. Anto andje pekaro bila mothi, gasa bila masi motxi, ²¹ kué ra, ra mora ené ma pekaro ta ni motxi, axié té gasa ka pô ta, ni punda justisa atê alê pa semple ra ny Jizu Kisto, Sun nó.