¹ Whêlême non, ku sa ku fosa, non toka goêta flakeza dy flaku y na, toka pindji obrigaru ra non me. ² Ku kada whã dy non toka zi kua buaru ra vindja punda kué é sa bua pa edifikason rê. ³ Punda kistu tuze na zi kua buaru ra Ê me, mazi, mora ê sa sisikaru: Ynsultu ri nkenu si ku insulta ô ka kié riba ô. ⁴ Punda kua ku fô sisikaru djina txitxi fô sisikaru ra xina non, ku mora dy ku, punda ra paxensa dy kuraji dy Escritura, pa non tê kunfiasa. ⁵ ku Dessu ri psênsa dy koraji kara non goenta ku untê é me, ku whã ôtô, dy noro ku Kistu Jizu, ⁶ pa pô adora whã voji sô Dessu Tata ri Sun non Jizu Kistu. ⁷ Punda non koiê whã ôtô, mora kistu tuze koié sê, pa goia dy Dessu. ⁸ Sô nga fá kistu fô ziru whã ministo da sirkunsison ny favolo dy vere dy Dessu, pê seta da plomessa daru ra turu tia, ⁹ y pa ane gentxi ka ra goia Dessu ra pena sê. Axê mora ma tá sisikaru, Anto konfesa ra Rê ny katxi dy gentxi, y kanta Re louvoru ri nome Rê. ¹⁰ Sô nga tô fá: Legela, gentxi, ku povô rê. ¹¹ Y an tô fá: Lova sun, turu sê, gentxi, lova turu povô. ¹² Anda y saia ka fá: Lezi Jessé ka nda y ka lata pa ogi ra ane gentxi. Ane, gentxi ka konfia Né. ¹³ Whê ku, Dessu ra esperansa sê xi ku turu gosô y pazi ny ngê si ku ka kêle, ku ka pô sia dy whara ra porê dy supitu santo. ¹⁴ An mê tuzé ta konvensiru dy sê sa na mon un, sô nta siaru dy kua buaru dy turu sebe. An ta konvensiru ma sê sa kapazi turu dy sama whã ôtô anteson. ¹⁵ Sô ayê sô nga sisika masi fosa ra whã ôtô kua ku mora dy lembua sê dingi, punda dom ku Dessu ra un. ¹⁶ pa sa whã sevo dy kistu Jizu ka manda ra gentxi, pa da un mora whã sasedote dy vangelho dy Dessu. Aun toka zi kué, anto, pa ofeta dy, gentxi ka passa sa buaru, santificado ny supito santo. ¹⁷ Tê, anto, whê siaru ny kistu Jizu ny kua pertinentes ra Dessu. ¹⁸ Axê, na ka pô fá newhã kua whã, kua ma kistu zy ra un intermedio pa bô koson dy gentxi, ra lumba y ra obla,. ¹⁹ Ra porê dy sinali buaru, ra porê dy supitu santo, dy mora ku, dy Jerusalém y zuntu antê yliriko, an tá ka fá ry vangelho dy kistu. ²⁰ Dy mora, é an nga zi fosa pa bá fá vangelho, na nga kistu fô faruza pa an nga pô zi na pê xina kua mali whã. ²¹ Axé mora ma ê tá sisikaru: Nkenu sy sa ngê na fô faru á masibi, y nkênu si ku na naê ra ka ta kua ma fá whã. ²² Punda, an turu fô puviru yô vê dy bê atê sê. ²³ Mazi whêleme, na tê masi né whã lugé ny regiôes y tê ansiaru ra yô ano ma visita sê, ²⁴ Anto, ma an nga ba Espanha, nga whara ra dy pia sê, dy passage y sa mandaru sê, sô poviata dy kompanheiru ra whã tempo. ²⁵ Mazi welémé, an sa ba Jerusalém pa un xivi turu santo. ²⁶ Sô Makedôia y Akaia ta ku vonté zi whã kontrubison seto ra turu pobli katxi turu santo ny Jerusalém. ²⁷ Desidi axié punda, dy ane, sa deverô, sô, si turu gentxi tê patxi turu kua espirituali ku ane, toka xivi ny kua tia tia tuzé. ²⁸ Anto, ma an ta ziru suviso é, y ta ku seteza ma ane kundji oferta é, passaru ra sê, nga ba Espanha. ²⁹ An ta ma nga ba atê sê, ny plenitude ry bênsa dy Kistu. ³⁰ Y sê, na món, nga pindji, ra Sun Jizu Kistu, y ra amolê dy Supitu, ku luta zuntu ku an un ny lason sê ry Dessu ra an un. ³¹ Fa lason pa an un sa txiaru nkênu sy ku sa ôdia dizu ny Judêia, y ku suviso un ra Jerusalêm sa kundjiru ra turu santu, ³² Pa ane ka pô bê atê sê ny gôso, ra vonté dy Dessu, y ku kapô zunta ku sê, pa ane bê deskanso. ³³ Ku pazi dy Dessu ka sa ku turu sê. Amém!