¹ Tua nkênu ku sa flaku ny afé, mazi sê zuga nkênu ku sa mali. ² Whã nkênu ku sa ku afé pa ê mé kali keru kua: ôtô, ku sa flaku, ka mé peparu sô. ³ Nkênu si ku ka mé dy turu na bandona nkênu si ku na ka mé wha, nkênu si ku na ka mé ri turu na zuga ku ka mé wha, sô Dessu ka tué. ⁴ Ngê sa bô, ku ka zuga whã mélu buaru! Whê ri plopi mese rê ê lata ndja ô kiê. Mazi ê lata ndja, sô Sun sa poderoso pa ê pê sê retu. ⁵ Whã nkênu ka kobla whã ria masi buaru ku ôtô, ôtô ka kobla ria iguali.Desa ku kara nkênu ka pesa ku plopi ntê rê. ⁶ Nkênu ku ka pia ria, ka pia ria ra Sun, nkênu ku ka mé, ka mé ra Sun, sô da gasa ra Dessu. Ngê si na ka mé, punda Sun na mé, sô da gasa Dessu. ⁷ Punda newhã sê na ka vivê ra sê mé wha, y newhã nkênu na ka muê ra ê mé. ⁸ Sô si nó vivê, nó ka vivê ra Sun, y si nó muê, ka muê ra Sun. Logo, si nó vivê ô muê, nó sa ri Sun. ⁹ Punda, pa poposito, si é Kistu muê y revivê, pa Ê ka pô sa Sun dy motxi y mora dy vivo. ¹⁰ Mazi bô, zuga ná mon ô ra kuay! Y bô bandona ná mon ô ra kuay! Sô turu nó ta whê ri pometaru ri Dessu. ¹¹ Punda ê sa sisikaru: Ta seto mora ma sa vivo, fa Sun, An un turu zunta si dobla, y turu lungua da louvoru a Dessu. ¹² Axi kara whã ri nón ka da konta ri non mé ra Dessu. ¹³ Punda na zuga masi whã ô ôtô, mazi, invêzi ri kué é, sa ri popositu ku newhã nkênu na ka pê whã praza ô pê tela whê ri ná mon ô. ¹⁴ An un ta ma sa setu ri Sun Jizu ri newhã kua ra an mé sa suzuru, nkênu si ku ka kobla kuali keru kua suzuru, pa ê sa suzuru. ¹⁵ Si, sa punda mé, ri na mon ô sa ku leva, na ta masi lêlê mondja ri amole. Na dana ku mé ô whã nkênu si ma Kistu muê ra. ¹⁶ Anto, na ka kundjinku kué é ku ka kobla buaru sa whãgaru. ¹⁷ Sô lêno ri Dessu na sa ra mé y bêbê wha, mazi ra zustisa, pazi ku gosto ny Supitu Santo. ¹⁸ Sô nkênu si ku ka xivi Kistu modo é sa kundjiru ra Dessu, plovaru ra nkênu. ¹⁹ Anto, nga tua kua ri pazi y ku ka zi whã ôtô buaru. ²⁰ Na dana suvisu ri Dessu punda mé wha. Turu kua é sa lipuru, mazi ê sa mali pa nkênu ku ka mé ku ka ngolo ra topi. ²¹ Milhó na mé kani, bêbê vi, né kuali keru kua ku ka zi ná mon ô ra topi. ²² Loke bô ku Dessu ngê ku ka Kêlê lispetu kué é. Abensuaru sa nkênu ku na si kondena kua si ma ka gaba. ²³ Nkênu si ku na ka kêlê sa kondenaru si mé, punda na sa segundu afé, y ku na plova ra afé é sa pekaru.