¹ Ku turu nkênu sa ka kundji a alê buaru, punda na tê alê, a meno ku ka bi ri Dessu, mazi ku a bê fô mandaru dy Dessu. ² Punda nkênu ku ka resiste alê ka resiste manda ri Dessu, nkênu ku ka resiste ê ka tê zugamentu ra êlê mé. ³ Sô govenarú ná sa mau ra whã obla buaru, mazi ra má obla. Sê na mesê tê mendu ra alê! Zi kua buaru, sê ka nga ba ô. ⁴ Punda ê sa whã ngê ri Dessu da buaru rê. Mazi, sy bô zi kua mali, nga temé, punda ê na ka kega supada sê lazon, punda ê sa whã ngê ri Dessu, whã vingaru ra leva kontlê nkênu ku ka zi mali. ⁵ Punda, bô tê dlêtu kundji, na punda leva wha, mazi punda kunxensa ô. ⁶ Ra kué é, paga tribu toé. Punda alê sa ngê ri Dessu, ku ka zi turu kua si é. ⁷ Paga turu kua ku sa devêru: ngê sa tributu, sa tributu, ngê sa imposto, sa imposto, ngê sa temé, sa ri tema, ngê sa honra , sa honra. ⁸ Na devê newhã nkênu kua rê wha, tê amolê whã ôtô. Punda nkênu ku ka tê amolê ku nkênu ku ka sa zuntu rê sa kumpli alê. ⁹ Mandamento: Na zi kua adulteru wha, Na mata wha, Na futa wha, Na tê whê sia wha, si sa kuali keru ôtô mandamento sô, turu a ka pié ny ôtô alê: tê ngê ku sa zuntu ô mora ô mé. ¹⁰ Amolê na ka zi ngê ku sa zunto ô mali wha. Punda, amolê sa un primelo dy alê. ¹¹ Punda kué é, bô konsê tempo, ku sa ola pa ô biri whê ri sono. Sô whô savason nó sa masi petu ri ria ma nó kêlê ny komesa. ¹² Nsuku sê ka passa, y ria bi zuntu un. Ba mó, desa obla ri nsunku, pô bisi ra alima ri kandja. ¹³ Bamu nda ri mora buaru, mora ny ria, na ny orgias ô beberá, na ny prostituiso wha ô deprava~so, na dy demanda ô whê sia. ¹⁴ Mazi bisi ri Sun Jizu Kistu, na mé kany, ny vonte ô.