¹ An nga manda na mon non Febe, ngê ngeza ku ta ri sensreia, ² pa sê pô kundji sun, wha mora buaru ri santo, ma sê zuré ri kuali keru kua ku ê ka mê pisiza ri sê. Sô ê me bila wha ri yô, mora ê me. ³ Fa Prisila Akila kompanheru rê mantxa ri taba ny Jizu Kistu. ⁴ Punda vira un anê liska poi vira anê. An nga pidji ô, na sa da an un , wha mazi sô turu ngeza ri guntxi. ⁵ Nga fa ngeza mantxa ku ta ri kaiane. Fa mantxa da Epêneto, pimelu fruto ri Asia ra kistu. ⁶ Fa Maria mantxa, ku taba yô ra sê. ⁷ Fa Andoniko ku Junias mon un mantxa damo pezu, un ku sa plimeilos zunto ane apostolo, ma tuzeta ny kistu pimelu ku an un. ⁸ Fa Ampliato, amaru un ny sun. ⁹ Fa Urbano, damo ô ri taba ny kistu, mantxa y amaru un Estaki. ¹⁰ Fa Apeles si, ku pasaru ri kistu mantxa. Fa mantxa ra nkenu ku sa ri familia ri Aristóbulo. ¹¹ Fá familia Herodião mantxa. Fa nkenu ri familia ri Narciso, ku sa ri sun mantxa. ¹² Fá Trifena y Trifosa, ku taba turu ria ny sun mantxa. Fá amaru Pérside, ku taba yô ny sun mantxa. ¹³ Fá Rufo, ma sun koyé mantxa mama ré de an turu. ¹⁴ Fá Asicrito, Flegote, Hermes, Pátrobas, Hermas y ane ná mon ku sa ku ê mantxa. ¹⁵ Fá Filólogo y Júlia, Nereu y na mon rê mantxa. Olimpas y turu ane santo ku tá ku ane. ¹⁶ Fá Wha ôtô sê mantxa ku whã bezinho santo. Turu ngezanri kistu ka fá sê mantxa. ¹⁷ Whô, nga têma ku sê, ná mon ku ka peniza ra nkenu si ku tá ka goló whãnga y topi, ku ka bá londji dy xina kua sô ta. Fô zuntu ane. ¹⁸ Sô mora nkenu é na ka xivi sun Jizu Kistu non wha, mazi pôpi ventre rê, ku pôpi lumba doxi y mali, ka gana ane ku koso ane nosentxi. ¹⁹ Sô mora vivê no ma ndê ka kua ma ka fá kobla turu ngê. An nga sa ku goso, sô ny sê, mazi, an mese pa ta kua ny relason ri buaru, y limpuru ny relason ri mali. ²⁰ Dessu ri paji wheleme ka dumu demono ku kosi opé sê. ku ngasa ri sun Jizu kistu non ka sa ku sê. ²¹ Timoteo, un kompanheiro dy taba, ka fá sê mantxa, buaru mora na mon un Lúcio, Jasão y Sospatro. ²² An, Térsio, ku sisika sié, fá sê mantxa ny sun. ²³ Gaio, hopedeiro r an y ra turu ngeza, sê fa mantxa. Erasto, tzoureru poson, y sô na mon kuana fa sê matxa. ²⁴ [ Ku gasa ri sun Jizu kistu non ta ku turu sê. Amém. Megai kópia djina txitxi kopia veso sié. ²⁵ Whô, nkenu si ku sa kapazi ri zi sê sa djaru, dy akordo ku Evangelho un y ku plegason dy Jizu kistu, segundo revelason ri mistério lokeru ny segeru djina tempo si. ²⁶ Mazi ku whô fô biriru, ê bila konseru ra turu nkenu ra Eskritura plofétika segundu mandamentu ri Dessu eterno, pa kundji ri afé. ²⁷ Uniku seberu sa Dessu, ri katxi ri Jizu kistu, ku ka sa goia pa semple. Amém.