¹ Sisika ra ane anzu ngeza Sadi: Yé sa lumbá Nkênu ku tê sambari Supitu Dêsu ku sambari têtembu: Nta suvisu ô: Bô ka kunda bô ka kunda bô ka vévia mazi motxi. ² Ka zongo sô ta setu ku otô ku ta ri muê, punda na bê suvisu ô buaru whê Dêsu un wha. ³ Sô lembua kua ma bô tua tô ndê, kundji sô lependê. Sô si bô na zongó wha, nga bi mora whã ladlon, sô bô na ka ta ola ma nga bi kotrê bô wha. ⁴ Mazi ê tê whã dôsu nomi sadi ku na suza kua kua bisi ane wha. Ane ka nda ku an bisiru ziaru punda ane sa buaru. ⁵ Ysi ku vensê ka bi bisi kua bisi ziaru ma na ka tô paga nomi ane ni livu vira wha. Nga kofesa nomi ane whê Tata Un ku whê anzu rê. ⁶ Ngê tê oria ka ndê kua ma Supitu ka fa ngêza. ⁷ Sisika ra anzu ku sa ngeza Filadéfia: yé sa lumba Nkênu ku sa Santu sô ri Véré. Ê tê sabi David, ku ka biri ma né whã nkênu na ka fisé, sô né whã nkênu na ka poi biri é wha. ⁸ Nta kua ma bô zi. Pia ma mpê whê ô whã poto biriru ma né whã ngê na ka poy fisé wha. Nta ma bô tê pokô fosa. Asyé mé, bô kundji lumba Un sô na néga nomi Un wha. ⁹ Sô nga zi ane ku sa ri ngeza demóno, ane ku ka zurê ka na sa wha, mazi ka siriga, nga zi ma ane ka bi sô pê mpuna son sô ane ka bi ta ma Un ama ô. ¹⁰ Whã vê ma bô kundji odji un ri sujeta ku paxensa, sô nga lokê ô ola ri pova ku ka bi diba turu tia é. ¹¹ Whélémé nsê ka bi, lokê kua ma bô tê pa né whã nkênu na tua klôa ô wha. ¹² Nkênu si ki vensê, nga zié whã nga ngeza Dêsu ma ê na ka pô siê dingi wha. Ma nga ba sisika nomi Dêsu un né, nomi pósón Dêsu un, novu Jeruzalé ku ka ba tuka fô osé, kota Dêsu un. nga ba sisika nomi novu ma ntê. ¹³ Ngê tê oria ndê, ka tua kautela ku kua ma Supitu ka fa ngêza. ¹⁴ Anzu ngêza Laudisea sisika: Fa amé asié, seseminha veré plonto, komesa kiason Dêsu. ¹⁵ Komesu kua ma bô zi: bô na sa né fiô né ketxi wha: ngê ka fa si bô ka sa fiô ô ketxi! ¹⁶ Asié punda bô sa mónó, né ketxi né fiô wha, Nga ngumita ô fô boka un. ¹⁷ Punda bô ka fa: "nsa liku, ntê yô ben sô na pisiza kuakuali kua wha". Sô bô na ta ma bô sa sê ngosô ku yô sirari, pobli, segu sô unú. ¹⁸ Nga ra ô konsê pa ô kopua olô fina pasaru fogô pa bô bila liku, ku kua bisi ziaru pa bô na pasa vegonha ra unu ô wha, ku pumaru pa bô pasa diba whê ô pa bô bê. ¹⁹ Nga koseta tô lependê nkênu ma nga ama. Sô vugu sô lependê. ²⁰ Punda nsa pótoó ka batê. Si nkênu ndê vozu un biri pótó, Nga letxa kay rê, mé kuê sô elê Amu. ²¹ Nkenu si ku vensê nga ré dêtu tason ku Amu ni tlonu un, mora ma Amu turu vensê sô tason ku Tata un, Tlonu Rê. ²² Nkênu ku tê oria ka ndê kua ma Supitu ka fa ngeza.