¹ Antó mbê whã anzu ka tuka ny osé. Ê ta ku whã sabi fénu ku whã kolentxi ngairu mon. ² Ê tê dragon, nanana kiongo, ku sa démono ô satanás, Ê manhé ra mili anu. ³ Ê zugé ba fénu, pê whã sêlu katxi rê, pa ê na ngana nason atê ku mili anu ka kompleta. Sô turu kué, ê ka sa légaru ra whã txo témpu. ⁴ Antó bê tronu ny kuali ta tasoru nkênu si ku ta tua pôrê dy zuga. An turu bê alima ané ku muê ma a mata pôviata sêsêminha ri Jizu y ra lumba ry Dêsu. Ane na ta ka adora bésta ô imagém rê si ané na tua kundji méka ny tésa ô ny mon. Ane tô vévia y léna ku Kistu ra mili anu. ⁵ Ôtô motxi na tô vivê atê ku kompleta mili anu. Kué é sa plimêlu resurison. ⁶ Buaru sa santu ku nkênu si ku zi patxi ri plimêlu résurison! Diba ané na tê sêgundu motxi wha. Ane ka sa sasédote ri Dêsu ri Kistu ka lena ku Ê ra mili anu. ⁷ Ma mili anu ka siga fin, satanás ka sa légaru ny pezu. ⁸ Ê xiê pê ngana pôvô ku ta kuana katxi tia Gogui y Magogui- y fin dy zunta ra bata, ma numeru sa mora nsêkê ri mionga. ⁹ Ane ka subi diba son tia sô nda vota kai ane ngê santu, amaru poson. Mazi fôgo tuka dy osé loké kuê. ¹⁰ Démono, ku ngana, fô manda ba lêtu fogô enxofri, nga ma bésta ku fsu plofeta ba lansan. Ane sa tomentaru pomonha ku nsuku, atê atê. ¹¹ Sô an, bê whã mémé tronu ziaru y nkênu ku ta tasoru diba rê, tia ku osé fugi ri whê rê na bê nga pa ê bê. ¹² An bê motxi, meme y txoororo, ny opé whê dy tronu ane livu fô biriru. Antó otô livu fô biriru, Livu dy Vira. Ane motxi fô zugaru sêgundu ku ta registaru ane livu, sêgundu obla rê. ¹³ Mionga da ane motxi ku ta né ma bê. Motxi sa Hadis da turu ane, motxi ku sa né ma bê y ane motxi fô zugaru sêgundu turu obla rê. ¹⁴ Motxi Hadis ba zugaru ny katxi fôgô. Ié sa sêgundu motxi. Katxi fôgô. ¹⁵ Si nomi nkênu ki na foi bêru sisikaru ny livu dy Vira wha, ixié foi zugaru ny katxi fôgô.