¹ Zó turu kué, an bê otô anju, ka tuka fô onsé, ku ta ku purê ngai, so tia ka ta luzi ku goria Rê. ² Ê klama ku unwha ngai vozi, ka fa: Ê kiê! Ê kiê ngairu Babilonia! y ê bila kai demonó, lugué kondiru da turu supitu suzu y avê poreru. ³ Punda turu povô bebê vin dy prostutuison. Ané negosiante dy tia bila liku punda puré dy mali rê. ⁴ An ndê otô vogi fô onsé, ku fa: Foi kota rê, povô un, pa sê na buli ku mali rê, y punda sê na kota ku pagá rê, punda ⁵ pekaru rê bila mothi atê onsé, y Desu lembla di turu ku mali mê zi. ⁶ Ê da Êlê mora naé y tô da otô nguê, y ê ka paguê mora kua mê zi, kopo ku néé junta, junté ny dobro y mothe da néé. ⁷ Kuma néé gorifika elê mé y ê vivê ni luxu, da elê ni mora medhida ku kastigo y ku sufimento. Punda néé ka fa ny kosó rê: Ân sa tasoru mora unwãn rainha, na sa sê omé wha y nuka ê na bi déza wha. ⁸ Sô, ni whãn uniko dia, paga rê ka bi: motxi, déza y fomi. Néé ê sa kémaru ku fogô, punda ô Sumu Desu sa purê y Elê sa jugamento rê. ⁹ Ané alê di tia ku néé prostitui kué ka sua y deza da néé ola ina ka by digô dy fogô rê. ¹⁰ Ané ka fika londji ku mendu di tomento rê, y ka fa: Ai. Ai! Memé posó Babilonia ku turu purê! Punda ni uniko ola kastigo rê kabi. ¹¹ Ané nkênu negoxo di tia sua y guita punda elê, ané nkênu na ta tô kopa kega wha: ¹² Kega mora ôlô, pata, buro yúkaru, pérula, linho fino, púpura, sera, eskarlata y turu kua di po ku sela, turu kua dy marfin, dy pó yúkaru foga wha, dy bronzi, dy felu y dy marmore, ¹³ Kanela, pimenta, mira y senso, vin, olió, fanha fina, trigo, bôê, ômbô, kabalo y xarete, kavu y atê alima omé. ¹⁴ Ané fruto ki wê ô ta ka xia ku turu fora ê tuka bêrê. Turu luxo rê y ku esplendor ê lokê, no na kabe elê dingui wha. ¹⁵ Ané nkênu negoxo ku tê ané likeza, ku bila liku punda êlê, ane fika londji ku mendu di tomento rê, ka sua y ka deza liba. ¹⁶ Ané fa: Ai! Ai! Mémé posó ki ané luxué dy linho fino, likeza rê loké! ¹⁷ Un whã uniko ora turu likeza loké. Turu piloto, turu manhelo, y turu nguê ki ka viaja, y nguê ku ka taba ny mionga, ka fika londji rê. ¹⁸ Ané guita axem ki bê digô dy fogô. Ané fa: Kuali posó sa mora ku ngairu posó! ¹⁹ Ané zuga mavu ny ntê ané ê guita, súa y deza: Ai, ai di mémé posó, andji turu ané nkênu ku tava ku vapô ni mionga, bila liku punda êlê, sô, ni wã ola sô, ê baga. ²⁰ Sê ka legêla dé, ô onsé, ané snato, apostulo y profeta, punda Desu bi ku kastigo da alê. ²¹ Wã anzo purê tê wã buru mora wã mémé buru di moinho ê zuguê pê mionga, ê fa: Mora mé, Babilonia, posó ngairu, ka sa bagaru ku demanda sô a na ka tô bê ningi wha. ²² Són di harpa katarô vungu, tokarô flauta, ku ane tokarô koneta bô na ka tô ndê wha. Né whã atista rê kua kuali tipo bô na ka tô bê wha. Né wha són makina bô na ka tô ndê wha. ²³ Kerare kandja na ka tô luzi ra ô wha. Bô na ka tô ndê fogo omé kazaru ku mengai kazaru wha, punda negoxo ô fo ra ane prinsipe tia ku turu nkênu ma bô ngana ku baia ô. ²⁴ Abê sangue pofeta ku ane santo ku turu ane ku muê lêto tia.