¹ Sô mbê otô anzu ku porê ka tuka fô osé. Ê ta ku vutu ni whã ombosi, sô ta ku wha kogô diba ntê rê. Pólo rê tá mora sólo sô opé rê mora pilari fogô. ² Ê biku whã lolu txoorora ku ta biriru, sô pê opé rê leton diba mionga sô opé rê sikeru diba tia. ³ Sô ngita ku fosa mora ma lion ka ngita. Sô ola ê ngita, ane sambari tovara fa. ⁴ Ola ane sambari tovara fa, ntá plontu sisiké, mazi ndê whã vozu osé, ku fa: Lokê segêru ane kua si ma sambari tovara é ta ka fa, sô na sisiké wha. ⁵ Ola kua é pasa anzu ma mbê diba mionga ku diba tia lata mon letó rê ra osé. ⁶ Sô zula ra Nkênu si ku ka vevia atê atê, isi ku kia osé ku turu kua ku sa né, mionga ku turu kua ku sa né: Ê na ka tô langa wha. ⁷ Mazi, ria ma ane sambari anzu ka sa kuaji toka koneta rê, antó mistériu Dêsu ka bi kumpli, mora ma ê fa ane povô rê ane pofeta. ⁸ Sô vozu ma ndê fô osé tô fa ku an, fa: "bé, tua livu ma bô bê biriru mon anzu ku sa ndjaru diba mionga ku diba tia". ⁹ Antó bé atê kota anzu, faré pê ran livu txoororo é. Ê fa un: " tué mé, sô ê ka manga stomago ô, mazi boka ô ê ka sa rosi mora mélé. ¹⁰ Ntua livu txoororo é mon anzu sô mé. Ê ta rosi mora mélé boka un, mazi ola un mé, stomagu un ta mangaru. ¹¹ Antó ê fa un: Ê sa bua pa bô tô fa ra yô povô nason lúngua ku alê.