1
Ola ma Jizu ki maelu-re tia ka ndu Jerusalem ane ndu Betfage, ni Monte de Oliveira. Di nha Jizu manda doussu maelu re,
2
fa ane: letxa oto vila e ceru bo ka be nha un-ua jumenta manharu e un-ua jumentinhu kue tue e bi kue da Un.
3
si kenu fa se kale kero kua de kue, fa: Sun presiza ane e to da ane dingue.
4
Kue da pa kumpri kua ma profeta ta fa, ki fa:
5
Fa na de Siao: Pia, Ale O sa bi da O, mansu montaru ki un-ua jumento, ki jumentinho, kiasso de un.ua situ de kega.
6
So ane maelu-re be e zi mora ma Jizu fa ane.
7
Ane bi ki jumento e jumentinho e pe kabisse de situ e Jizu monte.
8
Yo ngue wanga kabissi ane pe mondja, e oto kota tango po e wanga pe mondja.
9
Yo ngue ki la we Jizu e ane siguiro Re, guita fa: Hosana da na Davi! Louvaru sa ixi ki ka bi ni nome Sun! Hossana ni londe!
10
Ola Jizu letxa Jerusalem, turu posso tia pekuparu, ka fa: Ngue sa ie!
11
Yo ngue kundji: Ie sa Jizu, profeta de Nazarede Galileia.
12
Magi Jizu letha ni gueza e kole ki turu ngue ki tinha nha ka kopa e ka bende. E baga meza de lelu de kambista e banko de ane ngue ki tinha ka bende pombo.
13
E fa ane: E sa sissikaru kai Un ka sa samaru kai de orasso, magi se ze un.ua lugue ladro.
14
E sego e makele bi lele gueza, e e kula ane.
15
Magi ola ma ane xefi de Sacerdote e eskriba be milagre ma E zi e ola ma ane nde napikina ka nguita ngueza e fa: Hossana na de Davi, ane ta ku leva.
16
Ane fa de: Bo sa nde kua ma ane ngue-e sa fa! Jizu kundji ane: Aie! Magi se nunka na le-wa: De boka de ngue txododo e de anzu ki ka mama e ka sie louvoru buaru!
17
Magi Jizu dessa ane e sie fo posso ba Betania e passa suku nha.
18
Pomonha, ola ma E to bila bi posso E tia ki fome.
19
E be un-ua figueira bega mondja; E be ate juntu re, magi E na be ne un-ua kua ne wa, si e na sa fiawa. E fa poe: Bo na ka to ba da mewa. Ola eme figueira e kuta.
20
Ola ma ane maielu Re be kue, te gosto e fa: punda kuai figueira-e kuta ola-e me!
21
Jizu kundji ane e fa: Vereme nga fa se: si se te afe e na duvidawa, an na ka zi so kua ma un zi figeuira-e, magi nga fa londe-e: kuta e kie mionga, kue ka zi.
22
turu kua ma o ka pindji ni orasso, kele, bo ka tue.
23
Ola ma Jizu letxa leto gueza, xefe sasserdote e ansion de povo bi lele, ola me tia ka sina, e ane fa: Ngue manda O zi ane kue! E ngue da o puderi-e!
24
Jizu kundji ane e fa: An tambe ka puta se un-ua kua; si se kundji un, mora e-me An nga fa se punda kuai ma nga zi ane kue.
25
Butismo de Zon bi fo andji! De onse o de home! Ane diskute ki ane me, fa: si no fe: de once, E ka fe da no: punda kuai bo na kele ne wa!
26
Magi, si no fe: de home; no mendu yo ngue, punda turu ane ka be Zon mora un-ua profeta.
27
So ane kundji Jizu e fa: no na taua. E fa ane tambe: Ne An nga fa se ki pure ma An ka zi ane kue kue.
28
Magi kua se pensa! Un-ua home tia dossu na e ba lele issi pumbelo e fa: Mossu un, bo ka ba taba oze ni kampo!
29
Na kundji e fa: An na se ka bewa! Magi so E muda fala re e be.
30
E home ba lele segundo mossu e fa kue-me. Mossue-e kundji e fa: An nga be, sun; magi e na bewa.
31
Kuali ane dossu mossu zi vonte tata ane! Ane fa: pimelu. Jizu fa ane: Vereme An nga fa se: kobraro de imposto e prostituta ka letxa ni ale de Desso pimelo do ke se.
32
Punda Zon bi da se ni mondja de justissa, magi se na kele ne wa; magi kobraro de imposto e prostituta kele. Se plope, beru turu kue, se na mudawa e na kele newa.
33
Nde oto vessu: E tia un-ua home, un.ua dono de tia ki kuna vinha, e serke loke, zi un-ua kua pa mua uva, zi un-ua nga zangaru de zongo e lenda tereno da lavrador de vinha. So e ba oto tia.
34
Ola ma e xiga dia de kolheta de uva, e manda ane na kia re da xefe de vinha pa tua uva re.
35
Magi lavraro de vinha te ane na kia de dono, beta ane, mata oto e da oto ki burru.
36
Dono e to manda ane na kia dingui, maxi do ke pimbelo ve. Magi lavrador de vinha to zi ane kue me.
37
So kue, dono manda na-re pope, fa: Ane ka rispeto-o mossu un.
38
Magi , ola ma lavrado de vinha be na, ane fa ane me: Ie sa dono. Bi, ban mate e tua likeza re.
39
So ane te, kolekue ba lua de vinha e mate.
40
Aie, ma dono da vinha ka bi, kua ane ka zi da ane lavrado de vinha!
41
Ane fe ele: E ka dana ane home mau de mora maxi male e lenda vinha e da oto lavrado, ki ka da o patxi-o dia de kolheta.
43
So nga fa se: Ale de Dessu ka ba sa txizouru de se e e ka ba sa daru da un-ua tia ki ka da me.
44
Ngue ka kie diba burru-e e ka sa kebiaru ndjigui. Magi ngue e ka kie diba re e ka bila ompo.
45
Ola ma ane xefe de sasserdote e farizeu nde vessu Re, nde ma E sa fa de ane.
46
Ba tue mora de Te, tia ki mendo yo ngue punda ngue konsidere de un-ua profeta.