¹ Sô ma, olá Jizu ndja ane lumba, ê ba Galileia ê ba regiõ judeia otô nga oyô jordõn. ² Yô nguê lelê mêma, Ê kula ane. ³ Fariseu bi lêlê, pê plova: ene fa: Ê sa bua un wa home lega mengairê da kua kuali-kua! ⁴ Jizu kundji ê fa bó na tia lê ma ixe kugi zina ná kulo gi homé ku mengai! ⁵ Êlê mé ta fa: kué só manda, homé ka léga tata rê ku mamarê ba zunta ku mengairê. Ené doussu ka bila un wa kane sô! ⁶ Só ane na sa dousso dingui wá, magi wã kani só. Só, kua ku Dessu zunta neunwa nguê na ka baguê wa. ⁷ Ê fa ane: Punda kua manda Mojezi manda nó da un sertidõ de baguaa ê repudia! ⁸ Êlê to fa ane: Punda dureza kosso sê, Mojezi kunsitxi ki ane baga ku mengai ane, magi, na kulo, na tia mora é wa. ⁹ Nga fa sê ku turo ixe ku ka repudia mangairê, anasê nguê ka landja outô homé ô mengai, sô zunta ku otô, ka kometê adulterio, homé ku ka zunta ku unwa mengai repudiada ka kometê adulterio. ¹⁰ Êne nkenu fa ku Jizu: xi êssa mora é unwa home ni mora ku mengairê, na sa buaro zunta wa. ¹¹ Magi Jizu fa ané: Na turo nguê ku ka kunsitxi ku xina wa, magi, nguê ixi zo ku ka kunsitxi kuelê. ¹² Sô êtê enuku ku ka nansê axé ni uti di mama ané: Ê tê enuku ku sa giro enuku punda homé. Ê tê enuku ku gi elê mora é mé enuku punda leno onsê. Nguê ixi ki sa buaru di tua ensino ê tué. ¹³ Sô ane bi ku txó nápikina pa Ê sendê mó da ane dji lason, magi ane nkenu ketá ku ané, ¹⁴ só Jizu fa: Dessa ané nápikina, na publi ané di bilêlê Un wa, punda ané so sa leno onsê, ¹⁵ Ê pê mó diba ané sô Ê fô nha. ¹⁶ Sô unwa homé bi tê ku Jizu ê fa: Messé, kua má nga po zi ku ka bua pan tê vira longo! Jizu fa, ndê. ¹⁷ Da kuai ma bó sa punta Un di kua ku sa buarro! Sô wã sa buarro, magi xi bô messê letxa ni vira, kumpri ané mandamento. ¹⁸ Homé punté: kuali mandamento! Jizu kundji: Na matawa, na kometê adulterio, na futa wa, na fa fassu testemunho wa, ¹⁹ Honra tátá ô ku mama ô, amá nguê ku sa zunto ô mora ô mé. ²⁰ Sô maxivi fa: Ni turu kuê ta djiê: kua nga pó dji anda! ²¹ Jizu kundji: xi bô messe sa buarro, bé bendê kua ku bô tê, da ané pobli, bô ka ba tê tisoro ni onsê, antó bi lêlê un. ²² Magi ola ma maxivié ndê kua ku Jizu fa, ê berê ku disgosto, punda ê ta ku yô likeza. ²³ Jizu fá ane maielo rê, Verémé Un nga fá sê é ka kusta da wa omé liku letxa ni leno onsê. ²⁴ Nga tô fa sê dingui: Ê sa maxi faxili pa wã kamelo lá ni leto vuvu di wã guia, dô kê wã home liko letxá ni leno di Dessu. ²⁵ Ôla ané maielo ndê kua é, ênê ta fika admirado to fa: Nguei antó ka to sa salvo! ²⁶ Jizu bê ane fa: Da ane homé-é kuê-é sa impossivel, masi pa Dessú turu kuê sa possivel. ²⁷ Anton Pérru kundji tô fa ane: Pia, nó lega turu kua so pa xigui-ô: Antô kua non ka resêbê. ²⁸ Jizu fá ane: Verémé Nga fá sê ma, ni vira novu, ola ma Ná di Omé ka tassó ni trono de gloria Rê, Sê ku ta lele Un també ka tassó diba kui-dousso trono pa zuga ane kui-dousso tribo de Israel. ²⁹ Turu nguê ku lega kái, mano, mana, tata, mama, ná, ô likeza, punda nome Un, ka tua dousso sentu dingui e ka leda vira atê atê. ³⁰ Magi yô nguê pimbelo ka sa ultimo, e yô nguê ultimo ka sa pimbêlo.