¹ Tempu xiza Jizopassa ni kampu loso, ni sabaru. Ane maelu re tava ku fome ane tava ka kono feso kame. ² Mazi, ola ane fariseu be kue, ane fa Jizu:´´Pi, ane maelo Õ ka zi kua ma a na poe zi ni sabaru wha. ³ Turu kua ê Jizu fa ane.´´ Nase sê lê kua ma Davi zi ola êle ku ane maelu rê tava ku fomi wha? ⁴ Ê letxa ni kai Dêsu mé mpo konsagaru puviaru ra éle, ku turu nkenu re mazi kua pimitiru ra ane saseroty sô. ⁵ Sê na lê ni livu ra ale, ni sabaru, ane saserotyna ka lispeta ria ni ngeza wha, Axeme ane fika sê? ⁶ Turu kua nga fa sê: Inge te nkenu ku sa maxi ngairu ku ngeza. ⁷ Xi sê ka ta kua ku sa:´´ An mese mixikodgi na mese sakifisu wha, na kupa nosentxi wha, ⁸ Punda Na Ome sa Sum ry sabadu. ⁹ Anto Jizu tuka fo nha so letxa ngesa. ¹⁰ Nha tava ku ome ku mon lezaru. Ane fariseu punta Jizu:``Ê sa pimitiru kula ni sabaru?`´ane tava ka ngolo zi Ê mali. ¹¹ Jizu fa ane:´´Kuali ome katxi sê, ku te wha ombo sô,so ,xi ombo ê kie ni vuvu ngirub, ni sabaru xi ê na ka ngolê moru so pê txiê ni nha wha? ¹² Kwantu maxi valoru, tè wha ome do ki wha ombo| Sô, ê pimity zi kua buaru ni sabaru´´. ¹³ Sô Jizu fa ome ê:´´Sendê mô ô´´. Ê sende so ê bila buaru,mon re bila mora otô. ¹⁴ Mazi ane fariseu xiê ngolo malçi kontla Êlê, ma ane kapo txia viva rê. ¹⁵ Jizu, ndê kuê, ê xiê fô nha. Yô nge lele mema, so ê kula turu ane. ¹⁶ So Ê pa na fa kue ra oto nge wha, ¹⁷ Pa ê sa verè turu kua ma Isaia ta fa: ¹⁸ ´´Pia siviro Um man koiê,Sõ amaru UM, nkenu ma alima Um gogo kuê. An nga pe Supitu un diba Rê,so Ê ka ba lumba zistisa ra ane zintxi. ¹⁹ Ê na ka pufia wha, nê ngita wha newha, nge na ka nde boka re ny lua wha. ²⁰ Ê na ka kebia kana bilaru wha, Ê na ka pagà newha kapina mango ku ka yerewha, antê ma Êle ka bê ku zustisa ku vitoia, ²¹ so ane zintxi ka kele ni nome Rê.´´ ²² So a be ku ome segu ku mudu, ku te wha demono, so Jizu kule. Sô soluson foi ma ome muru passa ka be so to fa. ²³ Turu ane povo ta arimiraru to fa:´´ Ome ka põ sa Na Davi? ²⁴ Mazi, ola ene fariseu nde milagri ê ane fa: Ome ê na ka tia demonoxie na sa ku Bezebu, sefi demono´´. ²⁵ Jizu konse pesamentu ane , fa ane:´´Turu leno whangaru konta ê mê ka sa distruiru, so turu poso ou kai whangaru konta ê mè na ka fika atê atê wha. ²⁶ Xi Satanaji ka txia Satanaji , ê sa whangaru konta ê ma leno re ka sa atê atê? ²⁷ So xi An ka txia demono ku Bezebu ngei moso se ka txia demono kuê? Punda êne kuê, ane ka sa zuxi sè ²⁸ Mazi xi An nga txia ane demono ê ku Supitu ri Desu, anto Leno ri Dusu xiga ra sê. ²⁹ Ma mora nkenu ka po letxa kai re ome ku vutu to futa ane likeza re se manhê pimelo? Anto, ê ka po futa turu likezaa rê. ³⁰ Nkenu ku na ka ku An wha sa konta Un, nkenu ku na ka zunta ku An wha ka whanga. ³¹ Punda kuê, nga fa sê: turu pekaru ku fa mali ka sa poraru ra ome, mazi fa mali konta Supitu na ka sa poraru wha. ³² Nkenu xi ku ka fa kuaker lumba konta Na ri Ome, ixi ê ka sa poraru; mazi nkenu ku ka fa mali konta Supitu Santu, kuê na ka tê perõ wha, nê ni munduê, nê ni munda ku sê ka bi ³³ Xi wha po sa buaru, mê rê ka sa bua, xi wha po ka sa mali, mê rê ka mau, punda wha po ka konseru ra mê rê. ³⁴ Lasa kiõngo, xi sè sa mafè, ma se ka po fa kua buaru? Punda ni boka ka kua ma kosso sa xiaru. ³⁵ Zo ome buaru, ni likeza re buaru, ka txia ku ku sa buaru,ixi ku sa ome mafe, ni likezamafe re, e ka txia kua mafe. ³⁶ An nga fa se ma, ni ria zuizu, ane nge kara kontara kara lumba poreru ma ane ka fa. ³⁷ Zo, punda ni lumba ô ka zustifikaô, so ni lumba o ka kondena ô´´. ³⁸ Antõ setu eskriba to fa ra Jizu:´´Messè non mese bê wha xinali Ô´´. ³⁹ Mazi Jizu kudgi ane: ´´wha ma lasa aduteru ka nglo xinali, magi newha xinali ka sa daru ra ane, xi ê na sinali Jona, ixi pofeta. ⁴⁰ Punda axe ma Jona tava tesse ria ku tesse nsukuni bega wha kike ngiru, axie te Na ri Ome tesse ria ku tesse nsuku ni kosso ri mavu. ⁴¹ Zo ane ome Ninivi ka to lata, ni zuizu, konta ane lasari nkenuso kondena ane, punda ane lepende ku pregason ri Jona, se pia: sa inge nge sa maxi ngairu ku Jona. ⁴² Zo lainha ri sul ka to lata, ni zuizu, ku ane ome di lasa xiê so ka kondena ane punda ê bi na tia lonje pa nde sebê Salumon, so pia: sa inge nge maxi ngairu ku Salumon. ⁴³ Ola wha supito suzu ka sie ni ome, kanda ni luge kutaru ka ngolo nga kansa, mazi na ka bewha. ⁴⁴ Antõ ka fa:´An nga to bila ba kai um, ni andgi um fo´.Ola ê bi, bê kai se newha kua, so buaru. ⁴⁵ Antô ê bê so ba tua sambari supitu piôlo ku êle mê, so turu ane ka letxa nê pa vivê nha. Antô kondisoxi finali di ome siê ka piôlo ku pumelu. Axe ka sa ku lasa ixi mâ fê´´. ⁴⁶ Ola Jizu ta ka anda ra povo, sô mama rê ku ane naamo rê ta kiba lua ka ngolo lumba kuê. So wha nkenu ba fa rê: ⁴⁷ ´´Pia, mama Ô ane naamo Ô sa lua nha ka ngolo lumba ki Ô´´. ⁴⁸ Mazi Jizu fa ra nkenu ku fa Rê: ngei sa mama Um? Zo ngei sa ane naamo Um? ⁴⁹ Antõ Ê sendê mon ra ene maelu Rê, so fa:'' Pia, inge sa mama um ku ane naamo um; ⁵⁰ Punda nkenuku ka zi vontê Tata Um, ku sa ni onse, nkenu siêsa naamo um , mana ku mama''.