¹ Dia ê Jizu xie fo kai sô taso ni boro mionga. ² Yo nkenu zunta pè katxi Rê. Sô Ê letxa wha vapo ê taso; E turunkenu ta ndjaru ni paia. ³ Sô Jizu fa ku ane ni kua ni vesu: Ê fa:'' wha tabaro xie ks kuna kua. ⁴ Ola mê ka kuna; txo unkue kie ni boro mondja, bisu bi so mê. ⁵ Ôto inkue kie ni tia ku te buru, nga ku na te mavu motxi wa, so weleme ê da flolipunda na ta fundu wha. ⁶ Mazi, ola solo nase, kema ene loke punda ê na tava ku lezi wa, sô kuta bere. ⁷ Ôto inkue kie ni katxi pô ku pinha, ê sufoka bere. ⁸ Ô to inkue kie ni tia buaru ê ra mê, sem vê maxi, oto sesent, oto trinta. ⁹ Nkenu ixi ku tè oria, ndê. ¹⁰ Ane maelu bi so fa Jizu:'' Punda kuai mo se ka fa ku povo ni vesu?'' ¹¹ Jizu kundji, so ê fa ane: Sê te gasa pan fa se turu kua konderu ri Govenu ri onsé,, magi ané wa. ¹² Punda nkenu ku té , a ka to dé só nkenu ku na te wa ate kua me té a ka tué. ¹³ Só, aun fa ane ni vesu, punda, ane pó bé, na ka pia m,e wa, ane pó ndé, ane na ndé wa né ta wa- ¹⁴ Pa ane pofesia ri Isaias kumpri, e é fa: Sé po ndé mazi di turo mora na ka ta wa; se po be, mazi di turo mora na ka ta wa. ¹⁵ Punda kosó povo é bila dizu, só ane ndé ku ma vonté, só fisa we ane,; xi axe na ka sa wa, ane ka ta ku wé ane, ka ndé ku oria ane , ka ndé ku koso ane, só ane ka lepende, só ngá kula ane. ¹⁶ Magi beson sa wé se, pundase ka be; oria se, punda ê ka ndé. ¹⁷ Vere me aun nga fa s^ma yó pofeta ome zusto ngolo pe pia kua ma sê bê, ane na bêua só ndê kua ma sê ndê ane na ndé wa ¹⁸ So ta vesu simiaro. ¹⁹ Ola nkenu ka nde lumba Desu, magi na ka ta wa só demono ka bê futa turu kua ma simia ni koso ré.I sa kunaru ni moro mondja- ²⁰ Ixe ma kuna nga buru, sa nkenu ku ka ndê lumba , ta sô ka tué ku goso; ²¹ Sô ê na tê ledgi wa ê ka ta txó sò, ola tubulasó ô pisigison ka lata punda lumba ê ka kie seru. ²² Isi ma kuna katxi pinha sa isi ku ka ndé lumba, magi ka kupa ku kua tia é ô ku gana likeza ka foga lumba sô ê na ka ra newa kua wa. ²³ isi ma kuna mavu buaru sa isi ku ka ndé lumba só ta;ié sa isi ku ka ra mé motxi;un wa doso sentu ôto un wa sentu un wa ôto makeri vè masi. ²⁴ Jizu tô tanga ane ôto vesu fa: Govenu ose sa mora un wa ome ku kuna inkué buaru ni mevia ré. ²⁵ Só ola ane nkenu ta ka domi , numigu bi sô kuna inkué poreru katxi tigu sô bere. ²⁶ Ola ma inkue tigu da só ra mé inkue poreru turu nace. ²⁷ Ane na kia dono mevia bi só fa re: Sun , bo na ku na inkué buaru ê mevia ô wa? Ma aié ê te i nkué poreru né? ²⁸ E fa ane un wa numigo só zi kué. Ane na Kia fare:Anto bó mese pa nón ba tukué? ²⁹ Donu mevia fa:' ynga! Punda ola sê ka saia iku poreru, sê ka po saia tigu kue turu. ³⁰ Desa ane dosu kula kota oto ate a kwoiê. Ria ma ka kwoe, nga fa tabarô:' Saia iku danaru pumelu manhe ni fesi pa kemè, so zunta tigu pè alimaze um''. ³¹ So Jizu tanga ane oto vesu, ka fa:'' Lenu osè sa mora wha inkue mosara ma ome tua ba kuna pè mevia rê. ³² Inkue è, sa ma txo turu inkue. Mazi ola ê ka kula, ê sa maxi ngiru turu pó mevia sô ê ka bila wha po ngairu ma ané situ ri ose kazi tombe tango ne''. ³³ Sô Jizu tanga anê ôto vesu: Lenu osê sa morafumetu ma wha mengai tua zolô ku tesi kilu fanha ate masa fometa ³⁴ Turu kwue Jizu fa povo ni vésu, sô, sè vesu, Ê na ka fa newha kua wa. ³⁵ Kwuê sa pa kua ma ane pofeta ta fape ka sa verè ola ê fa: Nga biri boka um ku vesu; nga fa kua ku ta konderuna ola Désu zi tia. ³⁶ Sô Jizu legaturu povo sô letxa kai. Anè mailo rè bi sô fé: Fa non vesu ri kapina ni mevia:'' ³⁷ Jizu kundji ane: Nkenu ixi ki kuna inkue sa na Ome: ³⁸ Mevià sa mundu, inkue buaru sa ane na alè so kapina mali sa na demono, ³⁹ so numigo ku kune sa demono. Ria koie ê sa fim mundu, sô ane seviro pa koie sa ane anzu. ⁴⁰ Ma kapina mali sa koierue kemaru ni fogò , fim mundu sa axe mé. ⁴¹ Na Ome ka manda ane anzu Re ane ka zunta ni lenure turu kua ma aka zi ku sa pekaru. ku ane nkenuki zi mali, ⁴² So zuga ene letu fogo fenu, nga ki tê deza sô ku mé detxi''. ⁴³ Sô ane zustu ka luzi mora sóló ni Lenu ri Tata ré. Nkenu xi ku te oria, ndê. ⁴⁴ So Lenu ri Osé sa mora wha likeza konderu ni wha mevia ma wha ome koê sô kondè. Goso ma ê sa kuê, ka ê bè, bendè turu kua mè tê so kopua meviaê. ⁴⁵ Oto vê, Lenu Osè sa mora wha ome benderô ki ka ngolo buru ngêne ngêne ku tê valoru. ⁴⁶ Ola ma ê ka bê wha buru ê ri pesù ngairu ê ka bè sô bendè turu kua ta sô kopuè. ⁴⁷ Oto vê, Lenu Osê sa mora wha lélê ma zuga pê mionga sô tê kikê turu mora. ⁴⁸ Ola ê xia, ane pixikarô saiê pê paia. Zo tasò zunta kikê buaru pê zonge, mazi, ane turu kua poreru ane zugê ta. ⁴⁹ Axè fim mundu ka sa mora é mè: ane anzu ka bi sô tia ane nkenu ma fè katxi zustu, ⁵⁰ sô zuga ane lutu fogo fenu, nga ki ka ba tê deza sô ku mè detxi'. ⁵¹ Se nde turu ku ri e? Ane siviro fè: ''Ê'' . ⁵² So Jizu fa anè:'' Turu mêsê ri alé ka bila sigirôni lenu ri Osê mora wha ome ku sa dono ri wha kai, ku txia turu nkua vê turu kua novo ni likeza rê''! ⁵³ Ola ma Jizu loke fa turu kua ni vesu, Ê xiê fô nhà. ⁵⁴ Sô Jizu letxa ni tia rê, sô ê xina ane nkenu ni letu ngêza, so ane ta fika admiraru fa:'' Andji ome ê ta yo kuê nè, so ku milagi ê nê? ⁵⁵ Iê na sa omé mosô Kapintelu wa? Maia na sa mama re wha? so Tiago, Zozé, Simon, ku jura naamo rê wha? ⁵⁶ Ane mana rê na sa katxi no wha ? So andji ma omè ka tia turu kua nê?'' ⁵⁷ Ane leva ku Jizu: Mazi'' Ê fa ane: Pofeta ka tê honra , menu ni tia rê sô ku familia rê mê.''. ⁵⁸ Sô Ê na zi yô milaginha wha punda ane ka kêkê nê wha.