¹ Ala ma jizu ndja de prepara kuiné dosu nguê rê, ê xiê nha pa ba xina ê fa de Desu ni poso ane. ² Sô Zon ndê ni pezu de kua de jizu dji, ê manda wã lekaru katxi ane nguê rê. ³ Ê fa :" Bô sa nguê ku tava di bi, ô êtê ôtô nguê, ma non ka pô wara"? ⁴ Jizu kundji ane: Bé fa Zon kua ma bô bê tô ndê; ⁵ Segu ka bê, nguê na tia ka nda wa bila kanda, nguê tia lepra tô kula, suru bila ka ndê, nguê mueru tô kora, nguê na tê lêlu wa ndê vanjeli. ⁶ Buaru sa nguê ku na desa de kêlê ni aun wa. ⁷ Ala ma ane tia ka bê mondja, jizu komesa ka fa yô nguê de Zon: kua ma ô ba pia ni dezertu? Wã kana sa djingaru punda ventu? ⁸ Kua ma bô ba pia? Wã home bixiru ku kabixi fina? Vere, nguê ka bixi kabixi fina na vévia kai Alê wa. ⁹ Maji, kua ma bô ba pia? Wa profeta? Aie, An ga fa sê:maxi motxi dô kê profeta. ¹⁰ Sê nguê ku sa skêveru: Pia, Aun sê ka manda na lekaru wê ô ku ka prepara mondja ni wê ô. ¹¹ Vere nga fa sê ma, ni nguê kua nansê de mengai, na tô lata ôtô maxi tximaru do kê Zon Batista wa; Sô sô sô maxi txô ni lênu de onsê sa maxi tximaru dô kê. ¹² Gina ria de Zon Batista atê aiê, lênu onsê sa fosaru, turu nguê ka ji kua ku fôsa ka tua. ¹³ Punda turu Pofeta ku alê profetiza atê Zon. ¹⁴ Xi sê kundji kué, ixié sa Elias ku ta de bi. ¹⁵ Nguê tê oria ka ndê. ¹⁶ Kua ma ga pô kompara ku gerason é? Sa mora na pikina ku ka foga ni prasa ku ta taso ka sama ôtô, ¹⁷ ka fa."Non toka flauta da sê, sê na foga wa. Non gôô sê na suá wa". ¹⁸ Punda Zon bi, na ka mé wa, né bêbê wa, ane fa: "Ê tê demono". ¹⁹ Mosu de home bi mé ku bêbê, ane fa: Dia, ê sa wã home ku ka mé fogawa, ku ka bêbê fogawa, wã migo kobradô impostu de pekaru! Magi sabedoria sa justifikado ku obla. ²⁰ Antô jizu komesa ka kuza poson luguê mê ji yô milagre, punda ane na mura wa. ²¹ Ai de ô, korazin! Ai de ô, Betsaida! Xi milagre ku ma ji da sê ka sa ziru ni Tiru ku Sidon, ane ka mura nanana ku kabixi saku ku xinja. ²² Maji nga ba popa Tiru ku Sidon ni dia de zugamentu dô kê sê. ²³ Bô kafarnaum, ka sa exaltado ni Onse? Inga? Sa zugaru pê kosi, ni fénu; punda ni Sodoma ka ji milagre ma azi dôô, ê sa ka sa atê oze. ²⁴ Maji nga fa ô ku sa kua maxi facili pa tia Sodoma, ni dia de zuizu, dô kê da ô. ²⁵ Nanana Jizu fa: Nga gôgô ku Tata, Sun de Onse ku Tia, punda ane kué bô kondê da sêberô ane ku tê ntê, biri é da na pikina. ²⁶ Êê, Papa punda ê sa buaru da ô. ²⁷ Turu kua sa daru da Un punda Tata, né wã nguê na konsê Na xi ê na sa tata wa, né wa nguê na konsê Tata, xi ê na sa nã nguê ma nã mêsê musa. ²⁸ Bi lêlê Un turu nguê ku sa fogaru ku yô kua ntê, nga da sê sosêgu. ²⁹ Tua jugu Un da sê, xina kua un, punda un sa mansu humilde koson sê ka bê luguê da alima sê deskansa né. ³⁰ Punda jugu un sa buaru, kega un sa leve.