¹ Jizu zunta ane kuiné dosu damo rê da ane pôrê pa txia turu demono tô kula turu duêtxi ku turu mali. ² Nome de kuiné dosu damorê sa: pimêlu, Simon ma ka sama Péru, ku manu rê André; Tiagu, mosu Zebedeu, ku manu rê Zon; ³ Filipe ku Batôlômeu; Tomé, ku Mateus nguê ka kobra impostu; Tiagu, mosu Alfêu; ku Tadeu; ⁴ Simon zelôzu, ku zura iskariote ku ka ba ngana Jizu. ⁵ Jizu manda ane kuiné dosu, ê sama ane fa: Na ba newã nga, ma nguê na tê Dêsu ka vévia né wa, na letxa newã posó de samaritanu wa. ⁶ Magi, bé atê ovelha pendêru de kai Israel. ⁷ Ala ma sê ka bé sê ka fa; Alê onsé sa petu. ⁸ Kula duetxi, Kora motxi, kula lêplozu, Kôlê ku demônô; A dô afabalu, afabalu bô ka dé. ⁹ Na bé ku ôlô wa, nê plata, nê blônzi, ku xintu sê wa. ¹⁰ Né saku ni mondja, né dôsu kabixi, né sapatu, né kajadu, punda buaru sa tabarô de mé rê. ¹¹ Kale keru posó ô nga ma sê ka letxa né, ngolo nguê buaru ku ka ta nha atê sê ka bé sê. ¹² Ala ma sê ka letxa kai é fa ané mantxa. ¹³ Xi kai é sa buaru , sê ka desa paji né; Maji xi ê na sa buaru wa, paji sê ka tô bé ku sê. ¹⁴ Da ane nguê ku na tua sê, ô ndê lumba sê wa, ala ma sê ka xiê fô kaié, ô posó, txia turu opó ku sa ope sê. ¹⁵ Veré mé nga fa sê: Nga ba pôpa tia de Sôdôma Gômôra de julgamentu dô kê posó é. ¹⁶ Nga manda sê mora ovelha pê katxi lobu, aié sê ka sa supetu mora kiôngô, sosegaru mora pombi. ¹⁷ Biri wê ku nguê, punda ane ka bé ku sê tribunali Sinagoga, ba beta sê, ba da sê pankara. ¹⁸ Punda a ka bé ku sê wê govenarô ku Alê, mora wã tetemunha de ane nguê sê Desu. ¹⁹ Ala ma ane ka bé ku sê, na sa ku mendu wa, ku mora ô, ku kua ma bô ka ba fa, punda a ka da sê kua pa sê fa. ²⁰ Punda ê na sa sê ku fa wa, maji supitu de Tata sê ku ka ba fa da sê. ²¹ Manu ka ba tanga manu da motxi, tata da na rê; na ka lata contra tata rê, ba maté ta. ²² A ka ba odia sê punda nomi un; maji nguê ixi ku guenta atê ê ka loké ka sa salvu. ²³ Ala ma ane ka ngôlô sê posó é, sê ka xiê ba ôtô posó, punda vere mé nga fa sê; Sê na ka ba turu posó de Israel wa atê na home ka bi. ²⁴ Ane damo rê na sa maxi txímaru dô kê mese ane wa, né mosu lekaru na sa diba de donu wa. ²⁵ Buaru da damo rê pa ane sa mora mesé ane, mosu lekaru mora xefi rê; Xi xefi kai a sama demonó, maxi mali ê ka sa nomi ma ane ka da nguê de kai sê? ²⁶ Sô, na tê mendu wa; Punda ê na tê kua kondêru ku na ka sa biriru wa, wã kua kondêru ku na ka ta sê pa ta wa. ²⁷ Kua nga fa sê kosi kulu, nga fa sê pomonha; ma sê ka ndê leveleve odia sê, fé aié diba kai. ²⁸ Na mendu wa, da nguê ku ka mata ônguê rê, maji ane na ka poi mata alima wa. Punda kué, tê mendu da nguê ku ka poi destrui alima ku ônguê ni fenu wa. ²⁹ Ê na sa dosu pôrê benderu ku wã lêlu sô wa? Axi é mé newã rê ka kiê sô sê lata sê tua. ³⁰ Maji antê kabêlu ntê sê, sa kontaru. ³¹ Na tê mendua wa. Sê ka valê maxi dô kê yô porê. ³² Sô sô sô, turu nguê ku ka kofesa da un wê home, An també ka kofesa wê Tata un ku sa Onse. ³³ Maji nguê ka zeta un wê home Aun turu ka zeté wê Tata un ku sa Onse. ³⁴ Pa sê na kunda ma aun bi ku paji pê tia; Na bi ku paji wa, maji supara. ³⁵ Punda Aun bi pa pê home kontla Tata rê, na kontla mama rê, noar kontla soga rê. ³⁶ Numigu di home sa ixi kai rê plopi. ³⁷ Nguê ku ka ama Tata ô mama rê maxi do kê Aun na tê paji ku Aun wa. ³⁸ Nguê na tua kusu rê lêlê Un mema wa na tê patxi ku Aun wa ³⁹ Nguê ku ka bê vira rê ka ba pêndê, maji ixi ku pêndê vira rê punda Un ka bê. ⁴⁰ Nguê ka tua sê, sê ka tua Un, nguê ka tua Un també tua nguê manda Un. ⁴¹ Nguê ku rêcebê profeta, ê ka tua wã oferta de profeta, nguê ku rêcebê wã home justu, punda ê sa wã home justu, ê ka recebê oferta de home justu. ⁴² Kua kuali nguê ku ka da wã kopu de áwa fiô da wã nkênu txororo punda ê konsê mora damo jizu vere mé nga fa sê: ê na ka pendê rekopensa de wa.