¹ Jizu letxa wha vapo, kluza mionga bi poson Re plopi. ² Anto a biku wha ome lezaru dumiru diba wha sela. ka pia afe ane Jizu fa ome lezaru e: Mosu-e, anima punda pekaru o foi poraru. ³ So wha dosu eskriba fa katxi ane: Ome e se ka fa mali. ⁴ Jizu ta ta koso ane e fa: Da kuai ma se seka pensa mali koso se ra! ⁵ Kuai ku sa maxi facile de fa: pekaru o sa poreru o fa lata nda! ⁶ Mazi pa se ta ma Na ome te pore ni tia de pora pekaru. So e fa lezaru - lata tua sela o ba kai o. ⁷ So ome-e lata bere kai re. ⁸ Ola yo nkenu be kua-e, ane ta gogo kue ka kanta ra Desu, ku ta ra yo pore e. ⁹ Ma Jizu fo nha e be wha ome ma a ka sama Mateju, ku ta tasoru wha nga ka kobla koleta so fa re. lele un : So e lata lele Jizu. ¹⁰ Jizu ta letu wha kai tasoru mesa ka me yo koblaro impostu ku pekaro bi janta kue ku melu re. ¹¹ Ola ane xefi ngueza be kua-e ane fa ane melu Re: Da kuai ma Mese se ka me ku koblaro impostu ku pekaro! ¹² Di nde kua e-e, Jizu fa: Nkenu ku sa dizu na ka mese dotolo wha, mazi duetxi so. ¹³ Se to ka ta kua ku sa ye: Un mese te pena mazi na ku vugu wha; Punda na bi sama ngue justo pa e mura wha mazi pekaro. ¹⁴ So ane melu Zon bi lele Jizu so fe: Ra kuai ma non fariseu ka ta yo ria se me ma ane melu o, na ta se me wha! ¹⁵ Jizu fa ane: wha kuviraru kasamentu ka po sa konvoru, ola ma ome kazaru ka sa kotare! Mazi e ka bi siga ria ma kazaru ka fo kotare so ingue e ka ta se me. ¹⁶ Ne wha ngue na ka buta ndjigui panu novu ku wha kua bisi poreru wha, punda nga ma a bute ne ka lele ma kua bisi-e ka fono masi piola ningui. ¹⁷ Ne wha ngue na ka pe vin novu ni buli ve wha: Si bo zi kua e-e, buli-e ka kebia ma vin ka lukua lloke, ma buli ka pende. Sa milho bo pe vin novu letu buli novu so ane ka sa lokeru. ¹⁸ So ola ma Jizu ta ka fa kue e, wha xefi sore bi pe mpuna son we Re, so fa: Na un mue bere, so bi pe mon o diba re pa e vivia. ¹⁹ So Jizu lata be ku melu re. ²⁰ So wha mengai, ku na kuine desu anu ta ka padise ka lukua yo sangui, e bi mema Jizu so e saia sinta kabisi Re; ²¹ so e fa letu re: Pelu menu si un saia kua bisi Re nga yoga. ²² Ku turu kua e-e Jizu bila so E be fa: Anima, na e a fe o so kula o. So mengai e yogo seru. ²³ Ola Jizu letxa kai xefi sore e, e be ma tokaro flauta ku yo nkenu ta ka zi kioio; ²⁴ So E fa: fo yngue, punda na e-e na mue wha, mazi e sa sono. So ane komesa ka rie ka zi-e tujan. ²⁵ So ola a koleku turu nkenu, E letxa kuatu so e te na-e mon y e lata. ²⁶ Kue-e wnga turu kiba tia. ²⁷ Ola Jizu ta ka lele mondja bere dosu ome segu ta ka lele ka nguita ka fa: te pena non Na David! ²⁸ Ola Jizu letxa kai, ane ome segu bi Lele. Jizu fa ane: Se ka kele ma nga po zi kua-e! Ane kundji: e-e, Sumu. ²⁹ So Jizu pe mon whe ane fa. E sa ziru mora afe se. ³⁰ So whe ane biri. Jizu puvi ane: pa ne wha nkenu na ta kua-e wha. ³¹ Mazi dosu ome sie ba whanga kua-e turu tia. ³² Ma ane dosu ome bene, wha ome mumu siaru ku demono ma a bikue ra Jizu. ³³ Ola demono-e sie ome e fa. Yo nkenu ta pazumaru so fa: A na zi kua-e ni Israeli wha! ³⁴ Mazi sbi ngueza fa: E kole ku demono e ku xefi demono. ³⁵ Jizu ba turu pson ku fegueja, ba sina ni sinagoga ane, ba plega evangelio di goveno ka kula turu mora doetxi inflemo. ³⁶ Ola e be yo nkenu e ta ku pena ane punda ane ta konvoru se ta kua e punda ane ta mora ombo se pastoru. ³⁷ E fa melu re: Mevia sa ngai, mazi tabaro sa poko. ³⁸ So logaDonu mevia, pa e manda tabaro ba mevia.