¹ Jizu ba uê ba de Oliveras. ² Ni pomonha seru, to ba ngueza dingui, so turu ngué bi posé, Ê tasso so komessa ka xina ane. ³ Ene eskriba ku fariseu bi ku wa mengai teru ni adulterio a pé kathi turu turu nguê. ⁴ So ané faré: Messé mengai xiê foi teru ni momento é kazi adulterio. ⁵ Ni alé de Moseji ka manda mora mengaié kasa daru ki burru, Bo kua, mo kapo fa. ⁶ Ené ta fa kuê pa teste É fa ene ngolo kualku kua pa kuzi maji Jizu, veguia Re, komesa ka sikeve ni son ku dedo. ⁷ Mora ene ta ka punta sa, Ê lanta re fa ane: Ngué ki na te pekaru ka sa pimbelo pa mendé wa buru. ⁸ Antó vevia Re dingi so tobila ka sikeve ni son ku dedu Re. ⁹ Ola ané ndé kuê xié wá pa wâ komesa di maxi vé, só Jizu foi dessaro so ku mengai ta fika ni kathi. ¹⁰ Jizu latanja so fa ré: Mengai, ene kuzano andji ene sané. Neunha na kodena-owã. ¹¹ Ê Kundji: Neunha, Sumu. Jizu fa: Aun te na ka kondenaoua. Be so, aparti di aié, na tó peka ningui wa. Ane maxi nakulu na ka fa di zon. ¹² Moraéme Jizu fa ené: Aun sa kanja de mundu. Nkenu ku ka leleun na ka nda ni kulu wa, maji ka te kandja de vira. ¹³ Ene farizeufa Ré: Bo ka ra sestemunho de bo me, so sestemunho o na sa vere wa. ¹⁴ Jizu kundji ene fa: Anda ma Un ka da sestemunha di Aum me, sestemunho sa veré. An ta nga ma un fo so nga man nga bé, maji sé na ta andji Aun fo ne wa só ne andji ma nga bé. ¹⁵ Se kazi zugamento, segundo vonte de omé, Aun ka zuga neunha ngue wa. ¹⁶ Xiaun ka zuga, zugamento un sanvere, punda Aun na sa só ua, maji Aun sa ki Pai ki manda Un. ¹⁷ Ni alé se sa sisikaru ma sestemunha di douso omé sa veré. ¹⁸ Aun da sestemunho di Aun Mé so Pai ki manda un ka da sestemunho di Aun. ¹⁹ Ané fa: Andji Pai ô sa. Jizu kundji ené. Sé na konse unwa, né Pai Um, xe se ka konse um, seka ta nge sa Pai um. ²⁰ Ê fa lumba é zunto di kaixa de oferenda, ola ê ta ka ina ni ngueza, so neunha ngue na manhena punda hola ré na ta xigaru anda wa. ²¹ E to fa anê oto ve: Nga beum, se ka ngolo un maji se ka muê ni pekaru sé. Andji nga bé se na ka bé na. ²² So ene zuré fa: E ka mata vira ré ta. Pundeé fa: Punda nga ngabé, se na ka po be ua. ²³ Ê fa ané: Se sa di ingue kossi, Aun sa di diba Nha. Sé sa di mundo xiê, Aun na sa di mundu é wa. Punda kue Aun fa se ma ka mue ni pekaru sé. ²⁴ Punda xe se na kele di kua man sa ua, se ka mué ni pekaru sé. Punda xi sê na kêlê di kua man sa ua, sê ka muê ni pekaru sê. ²⁵ Anto ane fa Ré: Nguê sa Ô! Jizu kundji ane: kua ma Un ta fa sê na komesu. ²⁶ Aun tê sô kua pan fa y pan zuga ni aserka di sê. Da kua é, Ngê ki manda Un sa veré, sô kua Rê ma un ndê, ené kuê nga fa mundu êlê. ²⁷ Ane na intende wha ma Ê ta ka fa de Pai. ²⁸ Jizu fa an: Aié: Ola Ná dy ome ka ta lataru, anto sê ka ta kua maun sa, sô ne whã kua na ka zi di Un mé wha, maji nga fa mora Pai un xina un. ²⁹ Sô ngê manda un sa ki un, i Ê na ka desa Un sô wha, punda Aun ka zi kua ma ê ka gogo kuê. ³⁰ Ola Jizu ta fa ane kuê é, sô ngê kelê Né. ³¹ Jizu ta fa ane Zurê ki ta kelê Né: xi sê finga ni lumba Un, sê ka sa veremé maiêlu Un. ³² Sê ka konsê veré, sô veremé ka liberta sê. ³³ Ané kundj: Non sa gerason di Abron, nansé non foi skravu di né whã ngê, ma ô ka pô fa: sê ka sa libertu!. ³⁴ Jizu kundji ené: Ni Veré, Ni Veré, Nga fa sê ma ngê ka zi pekaru sa skravu dy pekaru. ³⁵ Sô skravu na ka fika ni kai pla sempli wha, maji na ka fika pla semplé. ³⁶ Aié, xi Na libeta sê, veremé sê ka sa livri. ³⁷ Aun ta ma sê sa gerason di Abron, sê sa ngolo mata Un punda lumba un na bê lugê ni sê wha. ³⁸ Aun nga fa kua man bé dy Pai Un, sô sê ka zi kua ma sê ndê di pai sê. ³⁹ Ené kundji: Pai non sa Abron. Jizu fa ane: xi sê ka sa na di Abron, sê ka zi suvisu de Abron. ⁴⁰ Moréé sê sa ngolo mata un, ma tê tanga sê veré ma ndê di Dêssu, maji Abron na zi kuê ua. ⁴¹ Sê sa zi suvisu di Pai sê! Ené fa: Non na nansê di prostituison wha, non tê whã Pai, Dêssu. ⁴² Jizu fa: xi Dêssu ka sa Pai sê, sê ka ama Un, punda an bi di Dêssu, An sa ingê, punda na bi punda un ngê wha, maji Ê manda un. ⁴³ Punda kaui sê na ka intendê lumba un wha! Sa punda sê sa inkapaji di komprendê lumba un. ⁴⁴ Sê sa di pai sê, djabo, se mesê dji vonté pai sê. Ê ta ka mata ngê djina komesu, sô ê na finga ni veré wha, punda veré na sa né wha. Ola ê fa fa whã siriga, ka fa di kua kabi di kosó rê, punda ê sa sirigarô sô pai di siriga. ⁴⁵ Mazi, punda An ka fa veré, sê na ka kêlê ni Un wha. ⁴⁶ Nguei katxi sê kapoi kuza un di whã pekaru! Sy nga fa veré, punda sê na ka kêlê ni Un wha! ⁴⁷ Ngê ku sa di Dêssu ka ndê lumba rê, punda kuê sê na ndê wha, punda sê na sa di Dêssu wha. ⁴⁸ Éne zurê kundjié: Ra kué non na tê lazon di nó fa ma Bô sa samritnu ma ô tê demono. ⁴⁹ Jizu kundji ane: An na tê demono wha, maji An nga respeita Pai un, sê ka disrespeita Un. ⁵⁰ Na ka tua goia plopi di Un wha, ê tê nguê ka ngolé ka zuguéé. ⁵¹ Ni veré, ni veré nga fa sê ma, sê nguê ka lokê lumba un, ê na ka tô bê motxi wha. ⁵² Ane zurê fa ré: Aié na ta ma ô tê demona. Abron ku ane profeta muê, maji Bô ka fa: Sê nguê lokê lumba Un, na ka tô bê motxi wha. ⁵³ Ra kuê, Bô sa maxi tamé ki pai non Abron ki muê! Ené profeta muê. Kua ô mesê sa! ⁵⁴ Jizu kundji ene: si An gorifika an Mé, goia un na ka sa neunha kuaua, sa Pai un sô ka gorifika un, Nguei ixé ma sê ka fa Dêssu sê. ⁵⁵ Sê na konsê wha, nga sa sirigarô mora sê. Ni moraé, An konsê, nga lokê lumba Rê. ⁵⁶ Pai sê Abron ta ki gostô ola ê bê ria un, y ê bê sô ta alegri. ⁵⁷ Ane zurê fa: Bô na tê né xiguenta anu di idaji wha, bô bê Abron! ⁵⁸ Jizu kundji ane: Ni veré, ni veré, nga fa sê ki atinji ma Abron ta plasê, An sa. ⁵⁹ Anton, an tua buru pa ndê kuê, maji Jizu konderé sô sié ni ngueza.