¹ Zó turu kué, Jizu zi viaji Galilea, Punda Ê na ta mesê nda ba zurê wha punda ane ta ka mesê maté. ² Tesa ngêza ane zurê ta ka vitxa. ³ Antó ane ná amon Rê faré: " Desa nga é, sô ba Jure, axié ane melu ô ka bê kua ma bô sê ka zi, ⁴ punda né whã ngê na ka zi kua kondêru ola ê mesê pa turu ngê té. Xi bô ka zi ane kué, musa turu tia" ⁵ Punda né plopi ane ná amo rê na kêlê né wha. ⁶ Zó Jizu fa: " Tempu un na xiga wha, magi tempu se sempe sa ku sê. ⁷ Mundu na ka pô kontê sê wha, mazi ane ka kontê un, punda nga fa ma suvisu ane sa mali. ⁸ Sê ka banda ba fesa. Na ka banda wha punda tempu Un na si kumpi wha. ⁹ Zó ola Ê fa ane kua é, Ê ta Galileia. ¹⁰ Sô, ola ane na amon Rê banda ba fesa Êlê turu banda, Konderu, madji sê pa ta. ¹¹ Ane zurê ta ka ngoloé lêtu fesa, ka fa: Êlê ô!" ¹² Katxi yô ngê ta ku yô fa Né. Ôtô ta ka fa: ynga, Ê ka siriga ra yô nkênu. ¹³ Axié mé, né whã nkênu na ta fa ne biriru wha, punda mendu ane zurê. ¹⁴ Ola fesa ta katxi katxi, Jizu ba nda ba ngêza sô komesa sina. ¹⁵ Sô ane zurê ta babaka, ka fa: Ma omé ta yô kua sê pa siné! ¹⁶ Jizu kundji ane: kua ma nsina na sa riun wha, mazgi ri Nkênu si ku manda Un. ¹⁷ Si nkênu mesê zi vonté Rê ê ka ta kua mê ka sina, si kua é ka bi dy Dêsu, ô si nga fa ri un mé. ¹⁸ nkênu si ki ka fa rê mé ka ngolo pa ngabi, mazi nkênu si ku ka ngolo pan an ngaba ixi ku mande ê sa vere sô ê na tê siriga né wha. ¹⁹ Ê sa Muzé ku da sê Alê wha! Asié mé, né whã sê na ka zié wha. Ra kuai ma sê ka ngolo mata un! ²⁰ Ane povô kundji: Bô tê whã demono. Ngê sêka ngolo mata Ô! ²¹ Jizu kundji sô fa ane: " Un zi whã suvisu ma turu sê babaka ku kua é. ²² Muzé kapa se- na punda kué na biri Muzé wha, mazi ri ane ngê nakulu. - sô ni sabaru ane ta ka kapa whã omé." ²³ Si a kapa whã omé sabaru, pa Alê Muzé na kebia wha, ra kuai ma sê leva punda nga kula whã ome sabaru! ²⁴ Na zuga ku kua ma sê ka bê wha, magi zuga kua veré! ²⁵ Whã whã nkênu Jeruzalê ta ka fa: " Ê na sa ngê é ma ane ta ka ngolo mata wha! ²⁶ Pia Ê sê ka fa biriru sô né whã kua a na faré wha. Pa ane soré ta ma Ê sa Kistu vere! ²⁷ Non ta nga ma Ê sa, mazi ola Kistu ka bi sê ka ta nga ma Ê sa." ²⁸ Antó, Jizu lata vozu lêtu Ngêza, ka sina ka fa: Sê ta Un sô tô ta ma Nsa, Na ka bi ri Un mé wha mazi nkênu ku manda Un sa véré, sô sê na té wha. ²⁹ Nté punda nga bi Rê sô Ê manda Un. ³⁰ Sô ane ngolo, Pê pezu, mazi né whã nkênu na pê mon né whã punda ola Rê na ta vitxa wha. ³¹ Asié mé yô nkênu kêlê Né. Ane ta ka fa: Ola Kistu ka bi, Ê ka zi masi, sinali rôkê saserotxi é, ³² sô ane fasu mesé manda ane soré Pê pezu. ³³ Sô Jizu fa ane: Un sa ku sê txo anda, sô nga ba lêlê Nkênu si ku manda Un. ³⁴ Sê ka ngolo Un mazi sê na ka bê Un wha. Sô nga ma nga bé sê na ka poy bé wha! ³⁵ Punda kua é, ane zurê ta ka fa katxi ane: Andji ome é ka bé ma non na sa kapazi Bê wha! Ê ka ba londji ane gêgu pa Ê sina ane! ³⁶ Kuai ma lumba é ka sa ma Ê fa: Sê ka ngolo Un sô sê na ka bê Un wha, nga ma Un sê ka bé, sê na ka poi bé wha. ³⁷ Ê ndu utimu ria, ria fesa ngay, Jizu lata ngita fa ane: Si nkênu tê sêri bi lêlê Un bi bêbê. ³⁸ Nkênu si ku kêlê ni An, mora ma ê sa sisikaru ma ôyô aua vivu ka kolê lêtu rê. ³⁹ Ê fa kua é ri Supitu ma ane ku kêlê né ta ri tua: Punda A na da ra ane supitu é wha. Punda Jizu na ta ka sa golifikaru anda wha. ⁴⁰ Whã dosu nkênu katxi yô ane, ola ane ndê lumba é, ane fa: " Yé sa pofeta veré." ⁴¹ Ôtô ane fa: " Yé sa Kistu." Mazi whã dosu ane fa: " Kistu ka pô by ry Galileia! ⁴² Sikitura na ka fa ma Kistu ka bi ri gelason David, ku sa ri Belé, nga ma David ka sa né a!" ⁴³ Sô ane komesa whã divizon katxi ane povô punda Êlê. ⁴⁴ Whã dosu katxi ane ta ka mesê Pê pezu sô né whã ngê na pê mon né wha. ⁴⁵ Sô ane sefi soré bi atê ane sefi saserotxi ku ane fasu, sô ane puta ane: " Ra kuay ma sê na bi kuê wha!" ⁴⁶ A sefi soré kundji. Né whã ngê na ka pô fa mora Rê wha. ⁴⁷ Ra kua é ane fasu kundji ane: " Sê turu a ngana! ⁴⁸ Nkênu katxi sefi ô whã dosu ane fasu kêlê Né! ⁴⁹ Mazi povô ku na ta alê wha, sa maditu". ⁵⁰ Nikorêmu, whã ane fasu ku ta bê Jizu antizi, fa ane: ⁵¹ Alê non ka zuga whã omé sê ndê pumbêlu ô ta kua ma ê ka zi! ⁵² Ane kundji: Bô té sa galileu! Ngolo sô ka pia ma né whã pofeta a na lata Galileia wha. ⁵³ Sô ane tô bê ane kay ane turu.