¹ Só turu wê ê, Jizu bá ôtô kiba mionga di Galileia, ê ka tô samá mionga dê Tiberiades. ² Kô póvó ku tá ndá ku ê punda ané ku tava duentxi. ³ Jizu subi ni mema mundu i whã ê tasu ku ané manhêlu ré. ⁴ Pascua, fesa ané suré, tava pétu. ⁵ Olá Jizú piá ê bé wa mémé póvó ku táva bi ni direson Rê, ê fá Filipi: Andji non ka complá pón da ané ngê mé ? ⁶ Jizu fa kuê pê papa Filipi, punda elê ta kua zá mé mesê kazi. ⁷ Filipi kundji Elê: dusentú denariu di Pón ê na ká xiga whã da cara ngê tua peru meru xô. ⁸ wa maiêlu ané, Adré, lumon di Simon peru fada Jizú: ⁹ Intê ingê whã mósú ku tê ta mon pón di sevara ku dossú kikê, mazi kua sá turu kuê da Iô ngê? ¹⁰ Jizú kudji: Zi ané póvó tanson. tava iô glama ni liguê Iã. Anton ané ómé tason whã numeru de tanu milhon. ¹¹ Anton Jizu tua pón, zô ê da glasa, Ê da ané ngê ku tava tasoru moremé ele zi ku ané kikê turu kua kiê tava mêsê. ¹² Olá kua póvó xiá Jizu fá ané maiêlu rê: Tu koiê inê djinki ku fika pá niwã kua danawa. ¹³ Anton ané maiêlu rê koiê xiá ku ané da dossú songué ku ané djingui di ta non pon di sevará, des´s ni ku ané ngê ku tá meru. ¹⁴ Zó ané xi ku bê xinali ku Jizu zi fa: ê xiê ku sá véré, profeta ku tosá bi mundu. ¹⁵ Anton Jizu tendê kua sá ngê i morá ma ané mêsê tuê ku fasa pa ané zi Êle alê elê só tó si ê banda mundu. ¹⁶ Olá nsuku xiga, ané maiêlo rê tu ka ndá bá mionga. ¹⁷ Ané letxá ni whã vapô, bé ni ôtô patxi di mionga di Carfarnaum. Ê tava Kulú ni olá ê, Jizu inga na táva ku ané wa. ¹⁸ Sô mionga tava ka bulê ku fotxi ventu ku tava ka sopla, ¹⁹ Antô, sô ané maiêlo rê lema whã kuiné kuin tanó ô makeri estadio ané bê Jizu ka bi liba mionga, ê tava ka bi petu vapô; ané fika ku mendu. ²⁰ Magi Jizu fá ané: Ê sá Hun, na mendu wa. ²¹ Antô, Ané, maiêlo pê Jizu ni vapô ku vonté; Sô Ané bá otô tia ku Jizu. ²² Ni ôtô djá, yô nkênu ku táva ôtô kiba mionga, ku pía kuma niunhã vapô táva nhã, unhã vapô sô táva xigaru, ané maiêlo Jizu táva letú rê; mazi Jizu na tava letú rê ku ané wa; mazi ané maiêlo sô ku táva letu vapô. ²³ (Sô yô vapô bi di Tibérias, petú ni lugué ané kumé pon, olá Sumu tê dá glasa.) ²⁴ Olá má ané nkênu bê kuma Jizu ná táva ni lugué rê ku ané maiêlo, antô ané nkênu tembété letá vapô, bá Cafarnaum ngóló Jizu. ²⁵ Olá ané nkênú bê Jizu ni ôtô kiba di mionga, ané fê: "Metê, kuma ô xiga ingué?" ²⁶ Jizu kundji ané, ê fá: Véré mé, véré mé sê sá ngôlô Hun, na sá punda ma sê bê xinali, mazi punda ané kumé pon, sô ané xiá. ²⁷ Ané tê ku taba na sa dá kumé ku ka lokê wa, mazi dá kumé ku ka fika da virá, mora ma Ná Omé ka dá sê; punda salumbue, Tata selá Ná rê. ²⁸ Antó ané fá Jizu: "kua má non ka zi pá non fé suvissu Salumbu?" ²⁹ Jizu kundji ané: "Kua xiê sá suvissu Salumbu: Se te ku kelê ni Ngué ma Elê mandá". ³⁰ Antó, ané fá Ê: "Kuali xinali bô ka dhi, pan non bê, pan non kêlê ni Ô? Kua mô ka zi? ³¹ Ané Tata non kumé maná ni disertu, mora ê sa xicritu: "Ê da ané pa kumé pon di oncé". ³² Antó, Jizu fa ané: Veré mé, veré mé, ngá fa sê kuma Moises na dá sê kumé pon di oncé wa, magi ê sá Tata ³³ Un ku pon Salumbu ku dêsê di oncé ê ka dá vira da mundu. ³⁴ Antó ané fa Jizu: "Sumé, dá non Pon xié semplé" ³⁵ Jizu fá ané: "Hun sá pon di Vira, ngué xi ki ka bi haun, ê na ka tô té seré wa. ³⁶ Magi veré, Hun ga fa sê ki sê bê haun, axemé sê na kêlê wa. ³⁷ Turu nguê ki Tata da Hun ê ka bi da Hun, nguê xi ki bi da Hun, Hun na ka kólê kuê wa. ³⁸ Punda Hun bi d'océ, na sá pan zi vonté Hun wa, magi ê sá vonté di nguê ki manda Hun. ³⁹ Ê iê sá vonté di nguê Xiê ki manda Hun, má Hun na mêsê pendê niwhã di turu nkênu ki Ê dá Hun wa magi pá ressucita ané ni utimu ria". ⁴⁰ Punda iê ê sa vonté di Tata hun ki turu nguê ki ka bê Ná kêlê Nê, ê ka tê vira eténu, Hun ka ressucité ni utimu ria. ⁴¹ Antó ané Zuré murmurá rê, punda Ê fá: Hun sá Pon ki turu letu d'océ. ⁴² Ané fá: Iê ná sá Jizu, na José, ki tata ê Máma rê non consê? Kuma, antó kuê fá: Hun dêssê d'océ? ⁴³ Jisu kundji ané: Ná murmurá ni omê. ⁴⁴ Nihwã omê ka bi Aum, xi Tata ki manda Tu ka bi kuê ná, Aum ká resucité ni utimú ria. ⁴⁵ Ê sá scritu ni ané profeta: "Turu ané ka sá xinadu da Salunda. Turu ki tê oria tê xinaru di Tata ka bi Aum". ⁴⁶ Na sá punda nkênu tê bé Salumbu, Tiaru nguê ki tuca dê Salumbu; Ixiê ê bé Tata. ⁴⁷ Veré mé, Veré mé, nga fa sé ki nguê ki ka kêlê katé virá etená. ⁴⁸ Aum sá pon di Vira. ⁴⁹ Tata sê kumé maná ni ngá kutaru, ané muê lokê. ⁵⁰ Iê sá pon ku tu ka di Ôcé, dá nguê xi ki ka mé ê na ka muê wa. ⁵¹ Aum sá pon vivu ki tu ka di ôcé. Xi wa nguê mé pon xiê, ê na muê wa. Pon xi má ngá dá sê ê sá Onge Un dá vira ni mundu. ⁵² Ané Judê ta ki leba, ané komesa ka punté, fa xi: "Kuma Iê ka pô da non Onguê ré pa mé?" ⁵³ Jizu, antô, fá ané: " Veré mé, Veré mé, nga fa sê ma xi sê mê Onguê di na omé; ê bêbê sangui Rê; na ká tê vira ni sê mêwa. ⁵⁴ Nguê ka kumé onguê Un, bêbê sangui, Un ê ka tê virá etena. Aun ka ressucitê ni utimu ria. ⁵⁵ Punda onguê Un ê sá veré kumé, ê sanguê Un ê sá veré bebirá. ⁵⁶ Nguê kika mé ongué Un e bebé sangui Un ê ka fica ni Aun, Aun ré. ⁵⁷ Mora kuma Tata ki ka vivê manda Aun, mora kuma Aun ka Vivê punda Tata nguê ka me na, Un ka tô vivê da Un. ⁵⁸ Iê sá pon ki tuka dê ôcé, ê na sá morá Tata sé ki me, ê muê wa. Ngue ki ka me Pon Iê ka vivê pra semplé, ⁵⁹ Jisu fá iné kuê ni sinagoga, Olá ê tá ka xiná ni cafarnaum. ⁶⁰ Antô, iô ané maiêlu Rê olá ané di kuê, fá: "Dizu sá, limba ê; nguê ka poi ndê elá?". ⁶¹ Magi Jizu, ta ka kuê punda elê mé ku incê maiêlu Rê tava ka murmurá di kuê, ê fa iné: "Sê sa xinte mali ki kuê?" ⁶² Ê xi sê ca bê na Omê ka subi ni lugué, ma Elê, tava né? ⁶³ Ê sa Supitu ki ka da virá. Ê ongué na ka zi niwã ku wa. Ané lumba na Un fa sê ê sa Supitu ku vira. ⁶⁴ Ê tê txo nkênu sê ki na ka kêlê wa. Punda Jizu ta xiná nana nguê ki na kêlê ê nkênu ki mesê, zi Êlê mali. ⁶⁵ Ê fá: Ê sá kua manda má Un fa sê kuma niwã nkênu ka poi bi ra Un, a menu ki nua Xiê ka sa ziru ri Tata Un. ⁶⁶ Zô kua xiê, yô maiêlu Rê bené, ané ná ta ndá ku Ê maxi wá. ⁶⁷ Jizu, antô, fadá ané kuindôku: Sê na mêsê bi sê té wá? ⁶⁸ Si mó peru kundji Ê: Sumu dá andji non ka né? Bô tê lumba kua ká rá virá etena; ⁶⁹ Non kêlê non ta má bô sá Santu di Salumbu". ⁷⁰ Jizu kundji: Aun ná koiê sê, ané kuindoku? Ku turu, wa sê sa wa demoró. ⁷¹ Ê tá ka fá di Zuda, di Simon Iscarioti, punda sá ê, wa kundoko, ngué ki mesê zi Ê mali.