¹ Ê ta ku wha ome fariseu nomi rê, sa Nikoremu. Xefi Zurê. ² Ê bi lêlê Jizu nsuku sô fe: Mese non ta ma bô sa mese ku bi di Desu, punda ne wha nkenu na ka zi sinali sê pa Desu sa kuê wha. ³ Jizu kundji: kua nga fara ô vere, vere: xi ome na tô nansê novuwha ê na ka pô bê govenu Desu wha. ⁴ Nikoremu, fare: Ma wha ome ka pô tô nansê ve za! Ê ka tô letxa bega mama rê tô nansê! ⁵ Jizu kundji: kua nga fara ô vere vere: Nkenu ku na nansê di aua ô di supitu wha na ka pô letxa ni govenu Desu wha. ⁶ Nkenu ku nansê di kane sa kane, ku nansê di Supitu sa Supitu! ⁷ Na babaka ra kua nga fara ô: Sela bô tô nansê. ⁸ Ventu ka sopua ba nga ma ê mesê, bô ka ndê kioi ô rê mazi bô na ta nga ma ê bi ne nga ma ê be wha. Asie sa turu nkenu si ku ka nansê Supitu. ⁹ Nikoremo kundji, Ê fa: Ma ê ka pô sa! ¹⁰ Jizu kundji ê: Bô mese Israeli, na ta kua-e wha! ¹¹ Kua nga fa ô vere, vere: Non ka fa kua ma non ta, ra sesteminha kua ma non bê, Asie me sê na ka kundji kua ma non ka fa wha. ¹² Si nga fara ô kua tia e bô na ka kêlê wha, ma bô ka kêlê si ntanga ô kua londe nha! ¹³ Ne wha nkenu na tô banda ba onsê wha, si ê na sa Nkenu si ku desê fô onsê, Na Ome. ¹⁴ Mora ma Muze lata kiongo fô nga sê ne wha kua ne Na Ome ka sa lataru mora e me. ¹⁵ Pa turu nguê ku kele Ne ka tê vira atê atê. ¹⁶ Puda Desu gogô ku mundu di wha mora ma Ê ra Uniku Na Rê, pa turu nkenu ku kêlê Ne na ka muê wha, mazi, mazi ê ka tê vira atê atê. ¹⁷ Punda Desu na manda Na Rê bi mundu pa Ê kondena mundu wha, mazi pa mundu ka sava punda Êlê. ¹⁸ Nguê kêlê Ne na ka sa kondenaru wha, mazi ku na kêlê wha sa kondenaru za punda ê na Kêlê ni nome Uniku Na Desu wha. ¹⁹ Yê sa zumamentu: Ma Kandja bi tia, ane ome gogo ku kulu masi dokê kandja, punda kua ma ê ka zi sa mali. ²⁰ Punda turu nkenu ku ka zi mali ka kontlê kandja sô ê na ka bi kandja pa kua ma ê ka zi na sa zetaru wha. ²¹ Sô nkenu si ku ka zi kua vere ka bi kandja pa ê sa biriru pa turu nkenu bê punda ê sa ziru ni Desu. ²² Sô di turu kua e e, Jizu ku ane melu rê ba wha kiba Zirê, nga ma Ê pasa wha dosu ria ku ane sô butiza ynguê. ²³ Zon turu ta ka butiza ni Enon petu ku salin, punda nha ta ku yô ane, sôo ane nkenu, ta ka bi lêlê sô ê ta ka butiza ane. ²⁴ Punda Zon na ta pezu anda wha. ²⁵ Sô ê bi ra wha fa motxi katxi ane melu Zon sô whan fesa purifikason. ²⁶ Ane ba kota Zon sô fare: Mese nkenu si ku ta ku bô otô kiba Zuron di Nkenu si ma bô ta fa ne Ê seka butiza turu nkenu seka ba kota Rê. ²⁷ Zon kundji: Ne wha nguê na ka tua ne wha kua sê pa a de fô osê wha. ²⁸ Sê me sa sesteminha ma un fa: Un sa mandadu whe Rê. ²⁹ Mengai kazaru toka ome kazaru, mazi migu kazaru, ku sa kota re ku ka ndê ka gogo foga whapunda vozu kazaru. Aie nga kopleta gosô Un. ³⁰ Ê toka pa Ê lata pa un desê. ³¹ Nkenu si ku ka bi fô londe sa diba turu Nkenu, ku ka bi fô tia sa di tia yê ka fa di kua tia. Nkenu ku ka bi di osê sa diba turê. ³² Ê ka fa di kua ma ê ndê tô bê, mazi ne wha nkenu na ka kundji kua ma ê ka fa wha. ³³ Nkenu si ku ka kundji kua ma ê, ka fa ka kêlê ma ê sa Desu di vere. ³⁴ Punda nkenu si ma Desu manda ka fa lumba Desu. Punda supitu rê sa a re sê mindjira. ³⁵ Lata ka gôgô ku Na sô Ê re turu kua mon rê. ³⁶ Nkenu si ku kêlê ni Na tê vira atê atê, mazi nkenu si ku na liga Na wha na ka bê vira wha, mazi Desu ka sa ku leva kuê.