¹ Di tesi ria, ta wha kazamentu ni kana di Galileia, so mama ² Jizu ta ne. Jizu ki melu re turu ta kuviraru ra kazamentu-e. ³ So vin loke, mama Jizu fare: Ane ná te vin wha. ⁴ Jizu kundji: Mengay-é kuai bo se ka bi lele Un ra! Ola Un na si vtxa wha. ⁵ Mama Re fá na kia: zi kua ma E ka manda se. ⁶ Yngue ta ku samano bulu di buru ma a ka sivi purifikason zure kue, kara wha ka sia ku wha sentu ku makeri ba dosu sentu ku kuine kuin lito. ⁷ Jizu, fa ane: Sia buli-é ku aua. So ane sia-le ate boka. ⁸ So E fa na kia: Txia txo bekue ra xefi fesa; Ane zi asié. ⁹ Ola xefi fesa pova aua ku bila vin, e na tá ta nga ma e fo wha. Mazi ane na kia ku tá txia aua so ta. E sama kazaru. ¹⁰ so fé turu nkenu ka ra vin buaru pumbe, so vin poreru o, ola ane nkenun ma a kuvira ka bebera. Bo loke vin buaru ate aie. ¹¹ Jizu zi pumbelu sunali-e ni kana Galilea ola E musa Gloia Rê ma ane melu Rê Kêlê Ne. ¹² Sô di ane kua e Jizu, ku mama Rê ku Na-amon Rê ku melu Rê dese ba kafanaun sô tanha wha dosu ria. ¹³ Pasukua zurê ta vitxa, sô Jizu banda ba Jeruzale. ¹⁴ Ê bê ane nguê ku ta, ka lendê buê, ombô, pombi ku ane nkenun ku ta ka tloka lêlu tasoru yngue. ¹⁵ Jizu, zi wha xikotxi koro kolê ku turu ane ba lua ngueza, ku ombô ku buê: whanga lêlu ane ome-e, pê son, bila meza ane. ¹⁶ Ê fa ane ku ta ka bendê pombi: Txia ane kua-e fô ynguê na zi kai tata un fela wha. ¹⁷ Ane melu Rê lembua kua ku sa sisi karu: zêlu kai ô ka kunsumi Un. ¹⁸ So ane sore Zure, kundje: kuali xinali Bo ka mussanon mora ma Ô ka zi ane kuee. ¹⁹ Jizu kundji: nga baga nguêza-e, di tesi ria nga zie. ²⁰ So ane zurê fa: A zi nguêza-e metatu ku samano anu ma ê loke Bô ka late tesi ria. ²¹ Sô Ê fa letu nguêza di onzê Rê. ²² Sô kôlê ria ola Ê kora motxi ane melu Rê lembla kua ma Ê fa, sô kêlê ni kua ku sa sisikaru ni lumba ma Jizu fa. ²³ Ola Ê ta Jeruzalem, letu fesa Pasukua, yô nkenu kêlê ni nome Rê sô bê sinali ku yô milagli ma Ê zi. ²⁴ Sô Jizu na Kunfia ni ane wha, punda Ê ta turu ane. ²⁵ Sô ê na messêza nkenu di fa di ome wha. Punda Êlê me ta ta kua ku sa ni ome.