¹ Ni pumbelu ria somana, ma ê ta nsuku anda Maá Maralena ba siminteli sô ê bê ma buru ta txiaru. ² Antó, ê kolê ba lêlê Simon Péru ku otô mêlu si ma Jizu ta ka ama ê fa ané: Ané txia Sun fô siminteli, non na ta nga ma pê wha. ³ Antó Peru ku ôtô mêlu siê ba siminteli. ⁴ Ané dosu ta ka kolê kota ôtô: Sô ôtô mêlu kolê masi rokê Peru, sô vitxa siminteli pumbêlu. ⁵ Ané sonda, bê kabisi linhu ma a desa pê nha, mazi ane na wha. ⁶ Sô Simon Peru vitxa mema rê, sô ê ba lêtu siminteli, ê bê lansolo linhu ma a desa pê nha, ⁷ Sô lansolo ku ta ntê Rê, a na desé ku lansolinhu wha, mazi a dobué pê whã nga pataru. ⁸ Sô, ôtô mêlu si ku vitxa pumbê turu letxa siminteli, ê bê kêlê. ⁹ Na ola é, ané na ta kua ma a sisika ka fa, ma Jizu toka tô kora katxi motxi wha. ¹⁰ Antó, ané mêlu tô bi ané kai. ¹¹ Ku turu Maá ta lua siminteli ka sua. Ma ê ta ka sua, ê ndja ka pia lêtu siminteli, ¹² Sô ê bê dosú anzu bisiru ziaru tasoru, nga ma ongê Jizu ta né, whã ntê ôtô opé. ¹³ Ané faré: Mengai é kuai ma bô sêka sua ra! Ê kundji ané: Punda ané bé ku Sun, sô na ta nga ma a Pê wha. ¹⁴ Ola ê fa kua é ê pia boro rê ê bê Jizu ndjaru nha, mazi ê na ta ma Ê sa Jizu wha. ¹⁵ Jizu faré: Mengai é ra kuay ma bô sêka sua! Ngey bô sêka ngolo! Ê kunda ma Ê sa konta fori, antó ê faré: Sun si bô txié fô ingé, fa nga ma bô Pê pam bé kuê. ¹⁶ Jizu faré: Maá Ê, vutuka Faré, ku lungua alamay:Labulny ( Ma a ka fa: Mésé). ¹⁷ Jizu faré: na ngolo Un wha, punda nasi banda ba lêlê Tata wha. Mazi ba lêlê ané na amon sô fa ané ma nseka banda ba lêlê Tata Un ku Tata sê, sô Dêsu Un ku Dêsu sê. ¹⁸ Maá Maralena bé ba fa ané mêlu: Mbê Sun! Sô ê tanga kua ma Ê ta faré. ¹⁹ Ê ta ngosi pumbêlu ria somana, ané mêlu ta untaru ku poto tankaru, ku mendu ané zurê, Jizu bi ndja katxi ané, sô fa ané: Paji sa ku sê. ²⁰ Ola Ê fa kua é, Ê musa ané mó ku mbandji. Sô ola ané mêlu bê Sun, ané ta ku ngôsô. ²¹ Jizu tô fa ané, Paji sa ku sê. Mora ma Tata manda Un, Nga manda sê turu. ²² Ola Jizu fa kua é Ê sopua ni ané sô fa ané: Tua Supitu Santu. ²³ Si sê pora pekaru nkênu, Nga pora ri sê, si sê kokua ané Nga kobua sê. ²⁴ Tomé, whã ané kuini dosú, ma a ka sama Didimu, na ta ku ané ola Jizu bi wha. ²⁵ Ôtô ané mêlu sô faré: Non bê Sun. Ê fa ané: Si na bê mon Rê méka pionga sô pê dedu un lêtu meka pionga ku mon Un mbandji Rê, na ka kêlê wha. ²⁶ Ri naké ria, ané mêlu Rê ta zuntaru, sô Tomé ta ku ané. Poto ta tankaru Jizu bi ndja katxi sô fa ané: Paji sa ku sê. ²⁷ Sô Ê fa Tomé: Pê dedu ô, sô pia mon Un, sêndê mon ô pê mbandji Un, na tê duvira wha, mazi kêlê. ²⁸ Tomé kundji sô Faré: Sun Un Dêsu Un! ²⁹ Jizu faré: Ma bô bê Un bô kêlê! Benditu sa nkênu si ku na bê Un wha ku kêlê. ³⁰ Véré ma Jizu zi yô kua whê ané mêlu Rê, ma ôtô rê na sa sisikaru ni livu é wha. ³¹ Ané yé ma a sisika, pa a kêlê ma Jizu sa Kistu Na Dêsu, sô pa a kêlê pa a tê vira ni no,i Rê.