¹ Sô Pilatu tua Jizu sô manda ré xikotxi. ² Ane soré zi whâ klôa ku pinha pê diba ntê Rê sô tô bisié whã mbata ziaru. ³ Ané bi Lêlê sô Fé: Abensa Alê Zurê. Sô Ré tapa whê. ⁴ Antó, Pilatu tô siê ba fa povô: ka pia ma nseka tô bi kuê pa sê ta ma na bê né whã kupa Né wha. ⁵ Jizu siê sô tô ta bisiru whã mbata ziaru ku klôa. Pilatu fa ane: Pia Omé é sa yngé! ⁶ Sô ola sefi ngéza ku ane sefi soré bê Jizu ane ngita fa: Pê kusu Pê kusu! Pilatu tô fa ane: Sê mé ka békuê ba Pê kusu, An sô na bê kupa Né wha. ⁷ Ane zurê kundji Pilatu: Non tê whã alê ma ni alê é Ê tê ki muê, punda Ê fa ma Êlê mé sa Na Dêsu. ⁸ Ola Pilatu ndê kua é ê tô ta ku masi mendu anda. ⁹ Sô ê tô letxa palaxu sô fa Jizu: A Ô fô! Antó Jizu na kundji né whã kua wha. ¹⁰ Pilatu faré: Bô na ka kundji un wha! Bô na ta ma nsa ku porê txia Ô sô ku porê pê Ô kusu wha! ¹¹ Jizu kundji. Bô na ka tê né whã porê kontrê Un, si a na ra Ô fô londé wha. manda ma ngê ra Ô an tê masi pekaru. ¹² Ra kua é ma Pilatu ngolo Txjé, mazi ané zurê ngita fa: Si bô txia Omé é bô na sa migu Sêzalu wha. Turu nkênu si ku ka fa ê sa alê ka fa kontrê Sêzalu. ¹³ Ola Pilatu vangana lumba é ê bi ku Jizu lua, sô tason vuna zugamentu whã nga ma a ka sama Pavimentu Buru. Ôtô lungua ka samé Gabatá. ¹⁴ Sô ê ta ria ma a ka luma fesa Pasukua, vota ngosi. Pilatu fa ané zurê, Pia Alê sê ingé! ¹⁵ Ane ngita: fora fora, pê kusu. Pilatu puta ané nga pê Alê sê kusu! Pilatu fa ané ntê ki pê Alê sê kusu! Alê, si ê na Sezalu wha. ¹⁶ Sô Pilatu ra ané Jizu pa ané pê kusu. ¹⁷ Ané bé ku Jizu lua, sô Ê siê ku kusu kegaru ka ba whã nga ma ka sama kavêra, ma ôtô lungua a ka samé gogota. ¹⁸ Nha ané pê kusu ku ôto dôsu omé, whã kara kiba, ku Jizu katxi. ¹⁹ Pilatu sisika whã leta, pê kusu sô nha tá sisikaru: Jizu Nazaré, Alê Zurê. ²⁰ Yô zurê ta ka lê kua isi ku tá sisikaru punda nga ma Jizu ta kusu né tá petu ku poson. Sô ê tá sisikaru ku tesi lungua, Ebêu, latxin ku gêgu. ²¹ Sô ané sfi ngeza zurê fa Pilatu: Na sisika: Alê zurê wha, mazi omé é fa: nsa Alê zurê. ²² Pilatu kundji: kua ma un sisika, sa sisikaru. ²³ Ola ané soré pê Jizu kusu txia Mbutu Rê sô ba patxi kuana kiba whã ra kara soré, sô ku kabisi ku na ta kozêru wha dobuaru têlu. ²⁴ Sô ané fa ôtô. Non na ka ba tayé wha, mazi non ka ba zuga sotxi pa non ta ngêi ka ba fika kuê. kua é bira ri kumpi kua ku tá sisikaru: Ané patxi kabisi Un katxi ané sô ku kabisi Un ané ba zuga sotxi. Ané soré zi kua é. ²⁵ Sô mama Jizu tá kota kusu Rê ndjaru, ku mana mama Rê Maia, mengai klopa ku Maá Maralena. ²⁶ Ola Jizu bê mama Rê ku kotá Rê melu si ma Ê ka ama, Ê fa mama Rê: Mengai é ya mosu ô! ²⁷ Sô, fa melu Rê. Ya mama ô! Ola é mé, melu Rê be ku mama Rê plopi kay rê. ²⁸ Ma kua é pasa Jizu, bi ta ma turu kua é loké, pa ê kumpi kua ku sa sisikaru Ê fa: Nsa ku sêri. ²⁹ Nha tá ku whã buli ku vinagi, sô ané pê whã xipondja siaru ku vinagi whã tango pó sô boié atê boka Rê. ³⁰ Ola Jizu bêbê vinagi Ê fa: Turu kua loké. Sô Ê baza ntê sô ntrega Supitu Rê. ³¹ Ma ê sa ria ma a ta ka luma, pa ongê Rê na ta kusu turu sabaru wha ( punda sabaru é sa whã ri ku ka valê) ané zurê pindji Pilatu pa opé omé ma a ka mata sela a kebié sô a ka ba txia ongê rê. ³² Antó ané soré bi sô kebia opé pumbêlu ku segundu omé ku ta kusu ku Jizu. ³³ Ola ané vitxa kota Jizu, ané bê ma Ê ta muêru za. Êlê manda ma ané na kebia opé Rê wha. ³⁴ Asié mé whã ané soré tubua mbandji Rê ku whã supara ta sô ê siê sangi ku aua. ³⁵ Nkênu si ku bê kua é ka tangé, sô kua ma ê ka tanga ka sa veré. Ê ta ma ê ka fa veré pa sê kêlê. ³⁶ Ané kua é ra mora é ri kumpi kua ku sa sisikaru: Ma na ka pô kebia né whã ósó Rê wha. ³⁷ Sô ôtô kiba sa sisikaru ka fa: ka pia pa Nkênu si ma sê sêka mata. ³⁸ Ola turu kua é pasa, Zozé Limatia, ku tá mêlu Jizu, ê pô ka sa kondêru punda mendu ané zurê, ê pindji Pilatu pa ê kuxintxé bé ku ongê Jizu. Pilatu kuxintxé. Sô Zozé bi sô bé ku ongê Rê kua rê. ³⁹ Nikoremu si ku ta bi lêlê Jizu nsuku turu bi. Ê bi ku whã funa na zoloru ku lué ku ka pô kusta 1.000.000 kara kilu. ⁴⁰ Sô ané bé ku ongê Jizu, sô buié ku panu linhu ku funana, mora ma ané zurê ta kusumaru ka tia ongê motxi. ⁴¹ Nga ma a pê kusu né ta ku yô fori kunaru, katxi fori é ta ku whã tumba novu ma nasi tia né whã nkênu né wha. ⁴² Punda ê sa ria ma ané zurê ta ka luma ra Pasukua sô punda tumba tá petu, ané pê Jizu né.