¹ Punda kua si é an un, Paulo, sa pesu dy Klistu Jizu punda sê, gentxi. ² Aun tá ma sê ndê suvisu ma dá un dy bé ku glasa Dessu da sê. ³ Aun xikeve segundo revelason m a manifesta da un. Isié sa veré konderu dy kuali ma an un xikeve txo ny otô kata. ⁴ Ola sê ka lê sobre kué, sê sa kapazi dy entende disernimento dy veré é konderu ny Klistu. ⁵ Ny, oto gerason, vere é na fô manifestaru da ná dy omé wha, mazi aié, ê té sa revelaru ny Supitu konsagraru Rê melu y plofeta. ⁶ Veré é konderu sa pa gentxi tuzé sa herdeiro memblu dy ônge. Ané sa partisipante ny plomessa ny Klistu Jizu, ny katxi Evangelho. ⁷ Punda kua si é ê zi aun whã servu dy vangelho da don da glasa Dessu, ma ra un ra obla porê Rê. ⁸ Dessu daun dom sié, anun pôsa txoóroro dy turu Santu, pa aun ploklama da gentxi vangelho insodavel likeza Klistu. ⁹ Dom dy Dessu lumina aun turu misterio ku fô konderu ná dy sékulo ny passaru dy Dessu, ku kria turu kua. ¹⁰ Dy mora aié ra ngeza, plinsipadu potestady ny nga selestiali bi konsê multiforme sebi dy Dessu. ¹¹ Kué é ra segndo eteno, plopósito ku Ê kumpli ny Klistu Jizu, Sun nón. ¹² Da kué nón tê osaria y asessu ku konfiasa, punda afé nón Né. ¹³ Punda aun ka pindji sê pa na fika sê koragem ny sofrimento un da sê, kuali sa goia sê. ¹⁴ Punda kua si é, aun ka pê un puna só da Tata un, ¹⁵ dy kuali kara famila ny onsê, ku tia ka tua nome Rê. ¹⁶ Nga fa lasó pa Ê konsedê sê segundo likeza dy goia rê, ku ka sa ku fosa ku pôrê, dy Supitu Rê ku sa ny sê. ¹⁷ Nga fa lason da Klistu pa ê, vivê ny koso sê ku afé, pa sê tê leji y sa alisersaru ny amolê rê. ¹⁸ Nga fa lason pa tê intendimentu ku turu klente, kuali largura, komplimentu y altura profundidade ny amolê dy Klistu. ¹⁹ Nga fa lason pa sê konsê amolê dy Klisto, ku xia dy sêbê, pê sa plexiru ku turu plenutude dy Dessu. ²⁰ Nga fa lason, nkênu ku sa kapazi dy ndji turu kua infinitivamente alem dy kua ma non pindji pensa segundo pôrê rê ku ka opera ny nón. ²¹ Ê ka sa goia ny ngeza ny Klistu Jizu da turu gelason, pa turu semple. Amém.