¹ Sô sê, ta motxi ny transgreso pekaru sê. ² Ny kuali antizi sê nda né, dy mora mondja mundo é, segundo autoridade dy ari. Yié sa supitu nkênu si ku sa opera ny ná dy tema. ³ Turu non ta antizi entre inkedulo sié, nó ta ka zi mora ma desejo dy kane nón dji vonté dy kane nón dy ntê. Nó tava pú natureza ná dy leva mora otô nkênu. ⁴ Mazi Dessu sá liku ny miserkordia, pô viata dy mémé amolê Rê ku Ê ama nón. ⁵ Sô non ta motxi ny transgresson Ê bi ku vira non zunto ku Klisti. Punda glasa ma sê salva. ⁶ Dessu ressusita non ku Ê zi non tasó zunto mé ny nga selestiale ny Klisto Jizu. ⁷ Pa tempo xi ku sê ka bi, Ê ka poi mosa non likeza motxi dy glasa Rê ku bondade rê ny Klisto Jizu. ⁸ Punda ny glasa sê sa salvo ny katxi dy afé, isié na ka bi dy sê wha ê sa don dy Dessu. ⁹ Na sa dy obla, pa né whã nkênu na goia-wha. ¹⁰ Punda nón sa feitura dy Dessu, kiaru ny Klisto Jizu pa pa zi obla buaru, ixi ma Dessu planeja nanana pa non, nda né. ¹¹ Sô sê ka lembla, ma sê sá gentxi ny kane, ma ka sama, insirkunsizon da nkênu ku fô sinkunsidado ny kane ny mon homé. ¹² Tempo si za sê ta whã ngaru sê Klistu. Tava mora estrangeiro povô Israeli pová dy alinsa dy plomessa, ná tê esperansa serka dy futuru sê Dessu ny mundo. ¹³ Mazi aié ny Klisto Jizu, sê ku antizi ta longe dy Dessu, abi ku sê peto Rê ny sangue dy Klistu. ¹⁴ Punda Ê sa paji nón. Ê dji nón dosu whã sô. Ny kane Rê dana mulo dy demanda ku whãnga nón. ¹⁵ Isié sa Ê aboli alê dy mandamento y legulamento pa kia whã homé novo Né y to estabelesê pagi. ¹⁶ Klisto rekonsilia ny dosu povô ku Dessu ny whã ongê sô ny katxi kusu tô mata inimizade. ¹⁷ JIzu bi y plokama paji pa sê ku ta longe paji ra nkênu ku ta pétu. ¹⁸ Punda ny katxi Jizu, non dosu tê asesso ny Tata whã supitu sô. ¹⁹ Antó aié, sê, gentxi, ná sa estrangeiru y forasteiru. Dy veji ysié sê sa konsidado ku Santo povô dy Dessu, nón samemblo dy familia dy Dessu. ²⁰ Sê fô edifikaru ra fundamento dy maelu plofeta ku sa plopi Klistu Jizu buru ngola. ²¹ Né turu kai ka sa enkaixaru y ka da mora ngeza Sun. ²² Né també sê ka sa edifikaru zunto mora whã kai pa Dessu ny Supitu.