¹ Aun, sa mora pezu ny Sun, nga pindji sê ku favolo nda dy mora buaru dy samaru ma sê lesebê. ² Ka vivê ku mémé humildade, mansidão y paxesa, kundji whã ku ôtô ny amolê. ³ Dji kua buaru dy sê pa mantê unidade dy Supitu ny vinkulo dy pazi. ⁴ Existe whã ongê y whã Supitu, axé mora ma sê fô samaru ny whã expetativa dy konfiansa smaru sê. ⁵ Ê tê uan Desu, whã afé whã butizimo sô, ⁶ y whã Dessu y Tata dy turé. Ê sa diba turu ny katxi dy turu nkênu. ⁷ Pa ka ra whã dy nón fô daru whã dom dy akordo ku midjira dy dom dy Klistu. ⁸ Moara xikitura ka fa: Ola Ê subi diba londé, bé ku kativo, kativeru y da dons ane nkênu. ⁹ Kuali signifikaru dy ( Ê subi,) Ê tuze dese ba kosi dy tia. ¹⁰ nkenu ku dese ê mé tô subi buaru diba dy tury nkênu ny onse, pleenxe turu kua. ¹¹ Klistu da aun pa sa apostulo, plofeta, evangelista ôtô mora pastoru y mese. ¹² Ê da suviso pa whã glupu Santo povô rê pa desempenha suvisu Rê, pa edifikasó dy onge dy Klistu. ¹³ Ê kontinua edifikaru onge rê atê ma turu nón ka alkansa unidade dy afé ny konhesimento dy Dessu atê ma nón ka bila boboru mora nkênu ku alkansa plena estatura dy Klistu. ¹⁴ Fin dy nón na sa dinge mora nápikina ku sa zugaru ba méma wha pa whê dy basa, ma ventu dy xina ka be kue da truki nkênu ny eskima ardiloso. ¹⁵ Turu kua é, fa veré ny amolê, nón ta ka lata ny turu mondja ny dereson rê, ku nte Klistu. ¹⁶ Klistu edifika turu onge, kuali sa zuntu uniru da zura ligaru, y, sô kara kiba suvisu zunto ka taba ié ka zi onguê klese edifika êlê mé ny amole. ¹⁷ Sô aun ka fa, nga tema ku kua é, ny Sun: ma sê na ka vivê mora gentxi ka vivê wha ny futilidade dy nte rê. ¹⁸ Ane sa kulu ny pensamento ané, alienado ny vira dy Dessu ny ignoransa ku sa ny ané, punda kosó dizu dy ane. ¹⁹ Ane na ka sitxi vegonha wha, sa tegaru ny sensualidade, y ane sa kontinuamente ka dji turu tipo dy impureza. ²⁰ Mazi é na sa axi wha ma sina sê respeiti dy Klistu. ²¹ Aun ta ma sê ndê sobri Êlê y sê fo xinaru Né, mora veré sa ny Jizu. ²² Sê xina y despidji dy pertense mora ma sê ta ka vivê antiji txia omé vé é. Ysié sa omé vé ku mali sa né punda ané desejo enganoso. ²³ Sê fô xinaru dy bila novo ny Supitu dy ntê sê: ²⁴ Bixiru dy omé nóvu ku kia ny image Dessu, ny vere zustisa y santirari. ²⁵ Sô desa dy ngaba fa veré ku vinja ô, punda nón sa memblu whã ku ôtô. ²⁶ Leva mazi na peka wha. Na ka desa sóló ka pê diba leva sê wha. ²⁷ Na desa oportunidade da demono wha. ²⁸ Nkênu ku ka futa na ka tô futa wha: sê ka pô taba, ndji kua buaru ku mon ô, dy mora ku kapô kompartilha ku turu nkênu ku tê nesesirary. ²⁹ Na kundji pa ôtô lumba mali xiê ny boka sê wha, fa lumba ku sa buaru pa edifika ôtô, mora nesesirary. ³⁰ Na ofendê Supitu Santo dy Dessu, dy kuali sê fo selaru da dia dy redensón. ³¹ Dessa dy dji turu mali, kolera, leva, gita insulto, zuntu ku turu tipo dy mali: ³² Sa buaru ku whã ôtô, tê paxesa, porá whã ku ôtô, axié mora Dessu ny Klistu pôra sê.