¹ Sô Saulu, ta ka da fôgô anda ka pensa mali ku motxi pê ji ene maêlu jisu, ê bê atê sumu sacerdoti. ² Ê pindji ane kata pê ba Damasku ê ka bé xi ê bê nguê ni mondja ê ka békuê pezu atê jeruzalem. ³ Ni mondja ka bé ê xiga Damasku, sô wã kandja onsé iêrê pê katxi. ⁴ Sô ê kiê so, ê ndê wã vosi ka samé Saulu, Saulu, da kuaí mô sa pisigui un? ⁵ Saulu kundji: Nguê mô sa? Sô ê fa: Un sa jizu, nguê mô sa pisigui. ⁶ Lata, letxa poso; inguê nga ba fa ô kua ma ô ka ba ji. ⁷ Sô ane home ku ta ka viaja kuê ndja ku mendu, ane ndê vozi maji ane na bê newã nguê wa. ⁸ Sô Saulu latá ni so, biri uê, ê na bê néwã nguê wa, ane tê mon békuê Damasku. ⁹ Ê ta nha têsi ria, na mé né bêbê wa. ¹⁰ Ni Damasku ta tê wã maiêlu jizu, ka sama Ananias; Dêsu fa kuê ni vizon: Ananias! Ê kundji: un sa inguê Sumu! ¹¹ Sô Sumu fa ré: Lata, ba wã luguê ma ka sama direita, puta da kai Zura da wã nguê ka sama Saulu de Tarsu; ê sa ka ora. ¹² Ê bê ni vizon ma wã home, de nome Ananias, ta ka létxa, pê mon diba rê, pa uê rê biri. ¹³ Ananias kundji: Sumu, un dê iô kua ma fa de home é, mali mê ji ni Jeruzalem; ¹⁴ Inguê ê tê ordem de xefi saserdote de pê pézu turu nguê ka fa nome ô. ¹⁵ Sô sumu faré: B^punda ixié sa vazu ma kôiê de bê ku nome un da ôtô nguê, ane na Israeli. ¹⁶ Punda nga ba musé mora mê ka ba sofré punda nome un. ¹⁷ Ananias bê, letxa kai; pê mon diba rê, fa: Manu Saulu, Sumu jisu ku fa ku ô ni mondja, manda un pa un bi lêlê ô pa uê ô tô biri, pa ô sa xiaru ku Supitu santu. ¹⁸ Sô wã kua xiê ni uê rê mora kama, sô sô sô uê rê biri; ê lata b sa batizaru. ¹⁹ Ala mê mé ê xintxi fosa. Sô Saulu ta nha wã dosu ria ka ane maiêlu jisu kuta Damasku. ²⁰ Ni Sinagoga ê fa de jizu, ma jizu sa na Dêsu. ²¹ Turu nguê ku ndê kuéé gôgô kuê ka fa: Na sa homeé ku ni Jeruzalem ta ka mêsê mata turu nguê ku ka fa nomeé a? Na sa da kueé mê bi nguê, pê bé ku ane xefi saserdoti pezu a? ²² Maji Saulu, ni turu kueé ê ta ka prega ka konfudi ane zudê ku ka ta Damasku, musa ane ma home é sa Cristu. ²³ Sô iô ria pasa, ane Zurê zunta pa ane ngolo moru pa ane mate ta. ²⁴ Maji kuasi ma ane luma Saulu bi ta; Maji ane ta ka ngja poto pomonha ku suku pa ane bê moru mate ta. ²⁵ Sô ane maiêlu jisu tué suku pê lêtu zonguê pa ane bekuê kondêru. ²⁶ Ala Saulu xiga jeruzalem, ê ngolo moru zunta ku ane maiêlu jisu nha. Maji turu ane ta ku mendo rê, ane na kêlê ma aie êlê turu sa maiêlu jizu wa. ²⁷ Maji Barnabas, tué bekuê ane apostolo, tô fa ane kua ku ra kuê ni mondja, mora ku sumu fa kuê, ni Damasku mora mê fa de jizu da pôvô. ²⁸ Ê ta zuntu ane, ka letxa ka xiê ni Jeruzalem; ²⁹ Mora me ka fa ni nome sumu, ka fa ka diskuti kontra ane Grêgo; Maji ane ta ka ngolo moro mate ta. ³⁰ Ane lumon ma ane persebê kueé, ane bekuê atê Sezareia, pa ane mandé ba Tarso. ³¹ Sô turu nguêza judeia, ku Galileia, ku Samaria ta tê paji, era edifikado; ta ka nda ni temor Dêsu ni konsolaso de Supitu Santu, komesa ka motxi pê tia. ³² Sô Peru komesa ka pasa ni turu luguê, ane ta ka ta Lida turu bi. ³³ Nha ane bê wã home ka sama Enéias, tê nake ano mê ta duêtxi na ka pô lata wa. ³⁴ Sô Peru farê: Enéias jezus kristu ka kula ô; lata zunta kama ô. Sô ê lata. ³⁵ Turu ta ka vevia ni Lida ku Sarona bê turu kueé, ane tua vira ane da sumu. ³⁶ Ni Jope ta tê wã mengai ka sama Tabita ma ka traduzié a ka samé Dorka. Mengaié ta ji iô kua buaru zura iô nguê ku ta mali. ³⁷ Sô ni tempo xi za, ê doêtxi, muê; ane tué békuê kuartu maxi diba. ³⁸ Ma Lida sa petu Jope, ane manhelu ndê ma Peru ta nha, manda dosu home pindjié pê na langa wa. ³⁹ Peru lata bê ku ane. ê xiga ane békuê atê kuartu maxi diba, turu mengai ku na tê home wa ku ta petu rê suá fogauata ka musé kabixi ku Dorka ji ala mê ta ku ane. ⁴⁰ Peru, manda turu nguê xiê; ê bila ra onguê, pê zunta só ji lason, fa; Tabita latá; ê biri uê, pia Peru, taso. ⁴¹ Ê ré mon laté; ê sama turu na Dêsu ku ane viuva, musa ené néé ⁴² vivo. Turu nguê ndê kué ni Jope, iônguê kêlê ni Dêsu. ⁴³ Kué ra ma ê ta Jope iô ria, ku Simon kurtido.