¹ Ê tia wã home ni posô de Cesareia ka sama Kornelio, wã xefi sore kolo Italiano. ² Home buaru ku ka xivi Dêsu ku turu familia rê, ê tia ka ra yô jimola da pôvô, turu ria ê ka dji laçon da Dêsu. ³ Ê bê ni vizon, patxi tadji, wã anjo de Dêsu ku ta ka bi lêlê, sô farê: Kornélio! ⁴ Sô ê bila wê pié ku mendu, ê fa: Kuai Sumú? Sô anju é fa: Laso ô ku turu kua mô ji buaru bi ntê Dêsu. ⁵ Aié manda home ba Jopi, ba sama Simon, ma ka sama Peru. ⁶ Ê sa kai ôtô Simon curtidor, Kai rê sa zuntu mionga. ⁷ Sô anju ku ta ka fa ku Kornélio bêrê, ê sama dôsu nguê suvisu rê, ku wã soré ku ka ta zuntu rê turu ria. ⁸ Ê conta ane turu kué, manda ane ba Jopi. ⁹ Sô ôtô ria, ane ta ka bé ni mondja, xiga pétu poso, Peru subi diba kai pê ba ji laso, patxi tadji. ¹⁰ Ê tê fome, ê kia mé; ma méé ta ka djia, ê tê wã vison komesa ka téme. ¹¹ Ê bê onsé biriru, wã kua ta ka dêsê mora wã lensolo ngairu manhnaru de quana ponta ka bi tia. ¹² Ê ta tê turu xitu ku tê kuana opé ni tia, xitu mau, ku bisu de Onse. ¹³ Ê ndê wã kua farê: Peru, matá mé. ¹⁴ Sô Peru fa: na ka ji kué wa, Sumu; Punda naxi mé newã kua suzu wa. ¹⁵ Ê tô ndê kué dingui ku fa: Kua ma Dêsu purifika, bô na ka pô samé suzu wa. ¹⁶ Kué ra têsi vê; sô kué tô bêrê diba, onsé. ¹⁷ Ma Peru ta tapaiaru pê ta kua ma ene kué sa, ane home ma Kornélio ta manda ba lêlê, puta ra kai Simon, ndja poto. ¹⁸ Ane sama, puta xi Simon ma ka sama Peru sa ingué. ¹⁹ Peru ta ka pensa ni vizon ixi mê ta kuê, supitu fa ré: têsi home sê ka ngólo ô. ²⁰ Antó lata, dese bê ku ane, na mendu wa, punda Aun sô manda ane. ²¹ Peru, ba lêlê ane fa: Aun sô sa nguê ixi ma sê sêka ngolo; kua ma sê mêsê? ²² Sô ane fa: Kornélio, ku sa centurion, home justu ku ka témé ra Dêsu, ku tê bom testemunho ni turu Nason zurê, ma wã santu anzu fa pa sama sê pa ba kai rê, ba ndê kua mê tê fa. ²³ Sô a sama ane ba lêtu kai. Maji ôtô ria, Peru bé ku ane; ane bé ku ôtô lumó re Jope. ²⁴ Otô ria ane xiga Cezareia. Sô Kornélio ta ka wara ane, ê sama ane migo rê maxi petu. ²⁵ Ala ma Peru letxa, Kornélio bê, kiê ope rê adoré. ²⁶ Sô Peru lata, fa: Lata; aun turu sa home mora ô ²⁷ Mê lumba kuê, ê letxa; ê bê iô nguê zuntaru. ²⁸ Ê fa ane: Sê ta mê na sa buaru wã home zudê sa zuntu ku estrangeiru wa; maji Dêsu musa un ma non na ka pô sama néwã nguê suzu wa. ²⁹ Sô ma sama un, un bi sê ji demanda. Un putá: da kuaí sê sama un? ³⁰ Kornélio fa: Tê kuana ria ma, atê hola é un ta sê mé anda ka ji laso ni kai un. ³¹ Sô wã home ndja uê un ku wã kabixi ka brilha, fa: Kornélio, ndê laso ô, turu kua buaru mô ji ê sa lemblaru ni uê Dêsu. ³² Anto manda ba jope, ba sama Simon ma ka sama Peru; Ê ka ta kai Simon curtido zuntu mionga. ³³ Sô sô sô mô bi ngué, non sa zuntu ni uê Dêsu, pa non ndê turu kua Mê tê fa ra non. ³⁴ Peru, biri boka, fa: un ta mê sa véré ma Dêsu na ka kôiê ixi ku sa buaru ô poreru wa. ³⁵ Maji, turu Nason ku ka témé, ku ka ji kua buaru ê ka gôgô kuê. ³⁶ Sê konsê lumbarê ku bi ra pôvô Israel, ê fa kua nóvu ri paji ku ka bi plovia jizu; pa turu nguê ta mê sa Desu de veré. ³⁷ Turu nguê judeia ndê lumbarê, ku komesa ni Galileia, antiji ri batizumu ma Zon ta fa. ³⁸ Kua ku ta ra ku jizu de nazaré, mora ma Dêsu onté ku supitu santu, ku pôrê; Ê nda ka ji kua buaru, ka kula turu nkênu ma demônô tomenta, punda Dêsu ta kuê. ³⁹ Non sa nkênu ku ta turu kua mê ji, ni tia de judeia, atê jeruzalem; Ane maté ni kusú. ⁴⁰ Dêsu koré mê tê têsi ria, tô ji pa turu nguê pô bê; ⁴¹ Na sa da turu pôvô wa, maji da turu nguê ma Dêsu mêsê. Non ixi ku mé tô bêbê kuê, ala mê tô kora. ⁴² Ê fa pa non bé ku lumba rê da pôvô, tô ji ane ta ma Dêsu sô mandé bi juga turu nguê ku vivo ku turu nguê ku sa muê. ⁴³ Pa turu pofeta ka fa né, de mora pa turu nguê ku ka kêlê ni nomi rê ka tê peró ri pekaru ma ane ji. ⁴⁴ Ala ma Peru ta ka fa ane kué, supitu santu dêsê diba turu ane ku ta ka ndê lekaru. ⁴⁵ Turu na Dêsu circuncidado ku bi ku Peru fika admirado, punda don de supitu santo té dêsê diba jintxi. ⁴⁶ Sô ane ndê zitxi ka fa ôtô lungua, ka ngôgô ku Dêsu. Sô Peru kundji: ⁴⁷ Nkênu kutxi zeta aua, ra ane nkênu na sa batizaru wa, ane ixi ku sa siaru ku supitu mora non? ⁴⁸ Ê manda batiza ane ni nome jisu. Sô ane pindji pê ta ku ane wã dosu ria.