¹ Ane apostolu ku ane manu ku ta ni judeia ndê ma ane jintxi té biri koso ane da Dêsu. ² Ala ma Peru ba jeruzalem, ane de sirkusizo kéta kuê fogaua, ³ fa: Bô letxa kai ane home insirkusizo, ba mé ku ane. ⁴ Pero komesa ka explika ane turu kua ni ordem, ka fa: ⁵ Un ta ka ji laso ni poso Jope, un tê wã vizon: Wã kua ta ka dêsê mora lensu, ni kuana ponta maxi basu osé, ka bi lêlê un. ⁶ Un ta ka pié ku atenso, un kunda kuana opé de tia ku bisu ku ka nda ni só, kua ane bisu osé. ⁷ Un dê wã vozi ku ta ka fa un: Lata Peru, maté mé. ⁸ Sô un fa: Na ka ji kué wa sumu; punda un naxi mé ane kué wa, né kua suzu ni boka un wa. ⁹ Sô ê dê wã vozi ni osé ôtô vê: Kua ma Dêsu ji buaru, na jié suzu wa. ¹⁰ kué ra têsi vê; Turu kué tô bêrê osé dingui. ¹¹ Sô têsi home ku bi de Sezareia, ndja zuntu kai ma nta né. ¹² Supitu fara un pa mbé ku ane, sê mendu; Ane samanó manu turu bé ku aun, non letxa kai home é. ¹³ Ê fara non mora mê bê wã anzu Dêsu lêtu kai rê, Tô faré: Manda wã dôsu home ba Jope, manda sama Simon, ma ka sama Péru; ¹⁴ Ê ka ba fa ô iô kua buaru mô ta, ku turu kai ô. ¹⁵ Ala ma komesa ka fa, supitu santu kiê diba ane, mora pimbelu vê. ¹⁶ Sô un lémbua de palava Dêsu, ma ê ta fa. Vereme Zon batiza ku áua, maji ka ba sa batizaru ku Supitu Santu. ¹⁷ Sô, xi Dêsu da ane don mora non, ku kêlê ni Jizus Kristu; Nguê sa un, ka ba ndja Dêsu? ¹⁸ Ala ma ane ndê ane kuéé koso nae fia txo, ane gôgô ku Dêsu, fa: Anto Dêsu tê ra gentiu arrependimentu vira ane. ¹⁹ Sô ane ku ta wangaru punda pêsêguiso ku ane ji Estêvão, ane ba Fenícia, ku Chipre, ku Antiokia; na fa nêwã nguê palava wa xê na sa zudê sô wa. ²⁰ Ta katxi ane home cipriotas ku cirenenses ku létxa Antioquia, fa ane grêgo, anunsia ane Envagelho de Jizu. ²¹ Mon Sumu ta ku ane, iô nguê kêlê, mura koso ane da Sumu. ²² Sô nutixa xiga ôria nguêza ku ta Jeruzalem; ane manda Barnabé, ba Antioquia. ²³ Ala mê xiga nha, glasa Dêsu ta kuê, N^gosô fogaua; Ê pindji pa ane tê Dêsu ku mon dizu. ²⁴ Punda ê sa wã home buaru, xiaru ku Supitu Santu ku afé; iô nguê létxa nguêza. ²⁵ Barnabé ba Tarso, ba tua Saulu; Ala mê bê ê békuê Antioquia. ²⁶ Mê ra wã anu, ane zunta ni nguêza, ka xina yô nguê; Ni Antioquia pimêlu vê ma sama ane maiêlu jizu kriston. ²⁷ Ni tempu xi za iô pofeta ba Antioquia. ²⁸ A lata wã ane ka sama Ágabo, ku supitu fa ni boka rê, ma nha ta pa tê fome ni turu luguê. Ku bi ra ni tempu Cláudio Cézar. ²⁹ Sô ane maiêlu jizu fa wã wã ane, pa wã ka zura ôtô ane manu non ku ka ta Judeia. ³⁰ Saulu ku Barnabé manda Ansion ba lêlê ane nha.