¹ Saulu turu kunxitxi motxi rê. Ngueza ku ta Jeruzalem sofrê perseguison, ane wanga ni region Judeia, ku Samaria, ane apostulu sô na kondêwa. ² Wã dôsu home devotu bé zuntu ku Estêvão ba tié, plovia kué ane nguita fogawa. ³ Saulu ta ka ngolo moru baga nguéza, ka letxa kai, ka txia home ku mengai bé ku ane pezu. ⁴ Ane ixi ku wanga, ta ka la ka fa re Jizu. ⁵ Filipe, ta ka poso Samaria, ta ka fa ane re Clistu. ⁶ Iô nguê ta ka presta ateso ka kêlê ni kua ma Filipe ta ka fa, ka ndê ka pia xinali mê ka ji. ⁷ Punda supitu suzu, ta ka nguita, ka xiê ni onguê iô nguê; iô paralítiku ku nguê ta ku ope kebiaru kula. ⁸ Ni poso é ane gôgô fogaua. ⁹ Nha ta tê wã home, ka sáma Simon, ku ta ka ji mjia ni poso é, ta ka ji pôvô de Samaria fika admirado, ka fa de êlê mé ê sa ngairu. ¹⁰ Turu ane ka dé atenson, jina txororo atê ngairu, ka fa: Ixié sa pôrê Dêsu. ¹¹ Ane ta ka dé atenson, punda majia rê ta ka causa ane admiraso. ¹² Ala ma ane kêlê ni Filipe, ku fa ane de evangelho de Lênu Dêsu, ku nome jizus kristu, ane sa batizaru, nê home né mengai. ¹³ Atê Simon kêlê; ma ane sa batizaru, ane ta zuntu Filipe; ka pia xinali ku maravilha ku sa djiru, ane fika admiraru. ¹⁴ Ane apostolu ta Jeruzalem, ma ane ndê ma Samaria resebê lumba Dêsu, ane manda Pêru ku Zon. ¹⁵ Ku ji laso ra pa ane resebê supitu santu. ¹⁶ (Punda ane na ta resebê supitu santu anda wa; Maji ane ta batizaru ni nome jizu): ¹⁷ Sô a pê mon diba ane, ap ane resebê supitu santu. ¹⁸ Ala ma Simon bê ma ane sê ka pê mon diba apostolo ka tua supitu santu, ane kia dé lêlu, tô fa: ¹⁹ Ra un pôrê é pa ala ma ga pê mô diba kuakuali nguê ane ka resebê supitu santu. ²⁰ Maji Peru fa ane: Lêlu sê ka sa ku sê pa sê ba pêndê kuê, punda sê kunda pôrê Dêsu a na ka tué ku lêlu wa. ²¹ Sê na tê patxi né txô kua ni palava é wa; punda koso ô na sa buaru uê Dêsu wa. ²² Arependê de kua mali, ji laso da Dêsu, pa Ê pora kua kua sa koso ô; ²³ punda un ta mô na sa buaru wa. ²⁴ Sô Simon kundji, fa: ji laso ra un , da newã kua ma sê fa na ka kiê diba un wa. ²⁵ Ala mê da testemunhu tô fa kua Dêsu, ane tô ba jeruzalem, ni iô aldeia samaritanu ane fa de evangelho. ²⁶ Sô wã anzu fa Filipe: Lata ba sulu, mondja ma ka dêsê ri jeruzalem ba Gaza ku sa dezertu. ²⁷ Sô ê lata, bé, wã home etíope, eunuku, ku ta ka tua konta kua de rainha etíope, ê ta ka bi de jeruzalem bi adora; ²⁸ Sô ê ta ka bi, tasoru ni karuagem, ka lê pofeta Isaias. ²⁹ Sô supitu fa Filipe: Bi zuntu karuagem xiê. ³⁰ Sô Filipe kôlê, ndê mê ta ka lê pofeta Isaias ê fa: Bô ka ndê kuaxi mô sê ka lê? ³¹ Sô ê fa: ma nga poi xi néwã nguê na ka xina un wa? Ê pindji Filipe pê subi taso kuê. ³² Luguê re eskritura mê ta ka lê sa ixié: Mora ovelha ma bekuê ba mata, mora wã kordeiro ku na ka fa wa, sa mora ê na biri boka wa. ³³ Humilhaso rê ane txié ni zugamentu; nguê ka ba fa de geraso rê? Punda vira rê a ka txié ni tia. ³⁴ Sô eunuku kundji Filipe, fa: Nga pindji ô nguêi pofeta é sê ka fa? De êlê mé ô de ôtô nguê? ³⁵ Filipe biri boka rê fa kuê de jizu. ³⁶ Ma ane ta ka nda, ane xiga wã luguê ku tê áua; eunuku fa: kua ka impidi un de sa batizaru? ³⁷ Sô Filipe farê: xi bô kêlê de turu coso ô. Sô ê kundji, fa: Nga kêlê ma jizu sa na Dêsu. ³⁸ Sô ê manda dja karuagem, ane dôsu letxa áua, né Filipe né eunuku, ê batizé. ³⁹ Ala ma ane subi de áua, supitu Tata tua Filipe bekuê, sô eunuku na tô bê wa, punda ê bê ni mondja rê ka gôgô. ⁴⁰ Filipe bé atê Azotu; ka pasa ka fa de evangelho ni turu poso, bê atê Cezareia.