¹ Whã dossù ome desê fô Zurê sô ta ka sina ane nà amon ka fà; pelu menu sê ka sa poraru mora Muze ta kustumaru ka zi, sê na ka sava whã. ² Ma Paulu ku Banabè ta ku whã divizón ngairu ka pufia ra kua è ku ane apostulu ku pisbiteru e ane ta pà subinba jerusalé ku kué ³ Punda kua é ngeza manda ane ane la Feníxa ku Samaia ba fa dy koveson ane zintxi, sô biku gostô foga whã ra turu na amon. ⁴ Ola ane vitxa zeruzalé ngeza tua ane punda apostulu ku prisbiteru sô tanga ane turu kua ma Dessu ta zi punda ane. ⁵ Sô whã dôsu ome dy glupu fasu mése ku kêlê latá sô fa ane; Ê plisiza pa ane puru sô pa a manda ane kumpli alê Muzé; ⁶ Ane apostulu ku plijibíteru zunta pa ane dy kua é. ⁷ Sô ku yô pufia, Peru lata fá ane; Ná amon sê ta ma whã dosú ria mema, Dessu koiê katxi sê, ma punda boka un ane zintxi vangana lumba vangélu sô kêlê. ⁸ Dessu ku ta kossó, fá favôlô ane, tô ra ane Supitu Santu, mora non. ⁹ Sô na pia pólo pumbê katxi non, sô laba kossó ane pundá afé. ¹⁰ Sô ra kuai ma sê seka pápá Dessu, ka pê ane melu rê kega ma ne sê ne ane tàta sê ká poi kegé whã . ¹¹ Non kêlê sô ma nó sa savu punda ngasá Sun jizu, mora ma ane fô. ¹² Turu nkênu ka boka punda ane ta ka ndê banebé ku Paulu ka fa dy sinali ku kua buaru ma Dêssu tá zi katxi ane zintxi punda ane. ¹³ Sô ola ane lokê dy fa, Txagu kundji fa; Ná amon vanganá Un. ¹⁴ Simon fa ma Dêssu zura ane zintxi ku kuiraru pumbê sô pa Ê tua whã povô katxi ane ra nomi Rê. ¹⁵ Lumbá plofeta kundji ku kua é sa sisikaru. ¹⁶ ku kua é, Nga tô bi zi kilala david ma a bagá. Nga tô lata sô tô dêtê nga rê ku potó. ¹⁷ pa otô ome ka goló Sun, ku turu zintxi ma Un sama ra nomi Un. ¹⁸ Sun sô fa, pa a ta turu kua ysi ma Ê zi na kulu. ¹⁹ Sô disizon Un sa pa non na tlaza ane zintxi ku ka bila ra Dêssu. ²⁰ Mazi sisika ra ane pa ane goló na raná ku fegula ne me kani fokaru ku sangi rê wha. ²¹ Punda na yô jelason, Muzé ta plegá turu sabaru ny sinagoga dy turu posson. ²² Sô ane apóstulu ku plisbísteru ku turu ngeza bê ma ê sa buaru, ane koiê zura, ma a ka sama barsabá, ku Sila, ku tá sefi ngeza, sô manda ba Antiokia, ku Paulu ku Banabé. ²³ Sô ane sisika; apostulu, presbíteru ku ná amon, ra ane ná zintxi ny Antiokia, Siria ku Selísia fa sê mantxa. ²⁴ Non ndê ma whã dôsu ome, ma na tá ra ne wha odji wha siê fô kotá non ba tazá sê ku lumbá tapaiaru ka ngana alima sê. ²⁵ Ê kakô buaru non siga whã disison, koiê ome manda ba lêlê sê zuntaru ku na amon non Banabé ku Paulu. ²⁶ Nkênu ku liska vira rê punda nome Sun non jizus klistu. ²⁷ Non manda, Zura ku Sila ku ka tô tanga sê kua é mé. ²⁸ Punda ê ka kô buaru ra Supitu Santu ku non na pê kega demaru diba sê wha dokê ane kua si plisisu; ²⁹ Ma sê ka ta lodji kua ma aka zi ra fêgula, sangi sitú fogaru ku dumi ku otô matu. Sy sê lokê ra ane kua é turu kua ka sa buaru ra sê. Un bé Un bê. ³⁰ Sô ola ane dispiji , ane tuka ba Antiokia sô zunta yô nkênu ra ane kata. ³¹ Ola ane lê kata, ane gogo foga whã punda kossó ma a ra ane. ³² Zura ku Sila ku plofeta turu ra ane kossó ku fôsa ku yô lumbá. ³³ Ola ma ane pasa wha dosu ria nha, a manda ane ku paji ba lêlê ane ná amon ma tá manda. ³⁴ Mazi ê sa buaru Sila ta nha. ³⁵ Sô Paulu ku Banabé fiká Antiokia zuntaru ku yô otô, nga ma ane ta ka siná ka plegá lumbá Sun. ³⁶ Sô whã dosu riá Paulu fa banabé; ban tô ba pia ane ná amon kara poson ngá non ka bá plegé lumbá Sun pa non bê mora ma ane sá. ³⁷ Banabé turu tá mesê bé ku Zon, ma a ka sama Maku. ³⁸ Mazi Paulu na bê buaru dy bé kuê punda Panfília tá siê fô kotó ane sô na tá lêlê ane ny suvisu wha. ³⁹ Sô ê bi ra yô divizon ku baga whã ku otô , sô Banabé tua Maku kuê sô ba Shipi. ⁴⁰ Ku turu kua é Paulu koiê Sila sô siê , ola ane ta kunfiá ny ná amon ngara Sun. ⁴¹ Sô la Síria ku Silísia ka ra ngeza fôsa.