¹ Paulu pia retu ra memblu konsê zurê sô fa: Ná amon un, un vevia whê Dêssu ku kuxensa limpu atê ria é. ² Sumu saseroti Anania manda ane nkênu sy ku tá kotá Paulu pa ê ka firié boka. ³ Sô Paulu fé: Dêssu ka firi ô mpere ziaru. Bô sa tasoru ynge pa bô zi un zugamentu mora alê, mazi manda pa a firi un kotê alê. ⁴ Ane ku tá yngé fa: Ma bô ka keta ku sumu saseroti Dêssu. ⁵ Paulu fa: Na tá tá wha ná amon, ma e sa sumu saserdoti wha. Punda ê sa sisikaru: Na mali whã sefi povô ô wha. ⁶ Ola bê kuali kiba konsê ma saruseu sô otô kiba ku sa ri fariseu ê fa ku fosa ny konsê. Na amon un sa whã fariseu, ná farizeu . Sô ra kuay ma a seka zi un zugamentu ku kunfiansa ria ma motxi ka tô kora. ⁷ Ola, ê fa kua é, ane farizeu ku sadusêu komesa ka pufia katxi ane sô sembleia patxi. ⁸ Punda ane saduseu ka fa ma motxi na ka tô kora wha, ne ane anzu ne supitu, enkuantu ane farizeu kundji turu kua é. ⁹ Asyé ane zi whã revota ngayru rá sô whã dosu skriba ku toka ane fasu lata sô ane komesa ka pufia, ka fa: Non na bê ne whã mali ma omé é zi wha. ngê tá sy ê sa whã supitu ô whã anzu ku fa kuê. ¹⁰ nha ta ku whã pufia, sefi ta ka mendu pa ane ká sasa Paulu. Sô ê manda ane soré dêsê sô ka txia Paulu ku fosa katxi membu konsê sô bi kuê fotaleza. ¹² Ola pomonha tá ka biri whã dôsu zurê zula banku réu ri mali ma ê zi, ane fá ma ane ka me ne bêbê kua kuali kua atê ma ane ka mata Paulu. ¹³ Ê tá masi rô kê kuarenta ku ta zula. ¹⁴ Ane ba sefi ngeza ku ane soba sô fa ane: non zula pa a kondena mali é, non na ka me netxó kua wha atê ma non ka mataPaulu. ¹⁵ Ayé sê ka viza sefi ku konsê pa ane bi ku Paulu ra sê pa sê ka puté kazu rê ku masi porê. Pa non nó sa plontu pa non mate antiji pa ê vitxa yngé. ¹⁶ Mazi sublinhu Paulu, ndê ma ane sêka luma whã demanda ê letxa fotaleza sô ba viza Paulu. ¹⁷ Paulu sama whã ane soré sô fa: bé ku mosu é ra sefi, punda ê tê kua tanga ane. ¹⁸ Sô soré tua mosu é sô bé kuê ra sefi sô fa: Paulu, pezu, sama un ba kotá rê sô pindji un pa un biku jové é: Ê tê kua pa ê fa ô. ¹⁹ Sefi tê mon bé kuê whã nga kondêru sô puté. Kuay ma bô tê pa bô fa un! ²⁰ Mosu é fa:Ane zurê luma puta ô sy bô ka bé ku Paulu ra konsê mora ma bô ka ba puté ku masi vonté ri kazu rê. ²¹ Sô na ndê wha, punda masi rokê kuarenta ome tá ka ngoló maté. Ane zula, pa a kondené ra mali ma ê zi, ma ane na ka mé né bebê wha atê ane ka maté. Ayé mé, ane sa plontu, ka whara pa sê kusintxi. ²² Sô sefi desa jove syê ola ma ê siné: Na tanga né whã nkênu ma bô fa un ane kua é. ²³ Sô ê sama dôsu ane soré sô fa: desé sa plontu na tesi ola nsuku, duzentu soré infantaria, stenta ri kabalu duzentu ku supara, pa ane bé atê Sezarêa! ²⁴ Elê turu manda ane luma soré pa Paulu, ka poy zi viaji sô bé kuê ra govenarô Feli lokêru. ²⁵ Ayé ê sisika whã kata: ²⁶ Kauri Líza ra sefi govenarô Feli, bondjá! ²⁷ Ome é tá pezu ku zurê sô a ta pa ane ká maté, Ola un vitxa ku soré sô un txié ola un bi ta ma ê sa nkênu roma. ²⁸ Un tá mesê tá ra kuay ma ane tá kuzé, Antó un bé kuê ra konsê ane. ²⁹ Un bi ta ma a tá ka kuzé ra kua ku toka plopi alê, mazi a na toka kuzé ra kua ku toka motxi ô pezu wha. ³⁰ Mbi ta ma whã siriga kontê ome é tá katxi é turu. Asyé un mandé seru ra ô sô un sina ane nkênu ku ta ka kuzé pa ane plezenta kua ma ane kuzé ra whê rê, bondja. ³¹ Antó ane soré ndê kua ma ê manda: ane tua Paulu sô bé kuê katxi nsuku Antipátride. ³² Otô ria, ane soré ku ta kabalu bé ku Paulu sô otô soré tô ba fotaleza. ³³ Ola ane ku ta kabalu vitxa Sezarea sô ane ra govenarô kata, tô plezenté ra Paulu. ³⁴ Ola govenarô lê kata, ê puta kuali tia ma Paulu sa. Ola ê ndê ma ê sa ri Silisia. ³⁵ ê fé: Un mesê ndê ô ola ma ane nkênu ku kuza ô ka vitxa ynge. Sô ê manda pa Paulu ká ta Palaxu Erodi.