¹ Ná amon ku táta ndê defêza ma un seka musa sê ayé. ² Ola ane nkênu ndê Paulu ka fa ane ku lungua ane hebêu, ane kaboka pipipi. Sô ê fa: ³ Nsa zurê Un mansê Tazu Silísia, mazi nkênu ku sina un posó é sa kota Gamalieli. Ê sina un mora Alê ná kulu plopi. Un ta ka zi vonté Dêssu, mora ma turu sê sa ozé. ⁴ Un ta ka kontê modja é atê motxi: ta ka manha né ome né mengay ka pê pezú. ⁵ Sefi ngeza ku turu ane ngê tamé ka pô fa kua ma ntá ka zi ma un tua kata ane ba kota ane ná amon Damasku pa nga zi viaji ba nha. Mpô ka bi ku ane manharu ku lengê ba Jeruzalé turu mondja sy ma ane ka sa né pa nga manha ane. ⁶ Ê ra ma, ola ma nta ka zi viaji, un vitxa kota Damasku vota mê ria, ta sô, whã kandja ka luzi ndé é fô osé komesa ka luzi kiba un. ⁷ Nkiê son sô ndê whã vozu ku fa un: Sálu, Sálu, ra kuay ma bô sêka tua konta Un! ⁸ Un kundji: ngê sa Bô Sun! Ê fa un: Un sa Jizu Nazaré ma bô seka tua konta rê. ⁹ Ane nkênu ku tá ku ãn bê kandja, mazi ane na ta vozu ku tá ka fa ku ãn wha: ¹⁰ Un fa: Kuay ma nga zi Sun! Sun fa un, lata ô sô ba Damasku: nhá a ka fa ô kua ma bô ka poy zi. ¹¹ Na ka poy bê wha punda luzi ma kandja é ta ka luzi, antó mba Damasku, têru mon ane ku ta ka bé ku ãn. ¹² Nha un mbê whã ome ma ka sama Naninha, ome ku ka kumpi alê ma turu zurê ku ka ta nha ka ra ben rê. ¹³ Ê bi kota un ndja whê un, sô fa: Ná amon Salu tô bê. Ola é mé mbê. ¹⁴ Sô ê fa: Dêssu ane nkênu na kulú koyê ô pa bô ta vonté Rê, pa bô bê Zustu sô pa bô ndê vozu ku ka bi fô boka Rê plopi. ¹⁵ Punda boka sa seseminha Rê ra turu ome ra kua ma bô bê tô ndê. ¹⁶ Sô ayé kuay ma bô seka whara! Lata butiza sô laba pekaru ô fa nomi Rê. ¹⁷ Ola ma un tô fô Jeruzalé, ma un ta ka fa lason letu ngêza, un tá ka bê whã kua. ¹⁸ Un mbê ka fa un: Zi séru fô Jerulé, punda ane na ka kundji kua ma bô ka fa ri Ãn wha. ¹⁹ Nkundji: Sun ane mé tá un manha tô ra ane nkênu kara ngeza ku tá kêlê ny Bô sikotxi. ²⁰ Ola ma sangi Stêvy, seseminha Ô tá lukua, an turu tá né tô kusintxi sô tô loke kabisi ane ku maté, ²¹ Sô, Ê fa un: Bé, punda nga manda ô ba londji zintxi. ²² Ane nkênu kundjié atê pontu é sô, antó ane ngita fa: Txia ngê é fô tia punda ê na toka vévia wha. ²³ Ola ane ngita ane zuga kabisi ane ku puêra ba riba. ²⁴ Sefi nguara manda pa a ka beku Paulu fotaleza, tô manda pa a puté ri sikotxi, pa ane ká ta ra kuay ma ane ngita kuê mora é. ²⁵ Sô ane manhé pê ngundji, Paulu fa ane soré ku tá nha: bô ka pô tê oji ra whã nkênu posó Roma sikotxi sê kondené! ²⁶ Ola soré ndê kua é ê ba lêlê kapiton sefi sô fa: Kauy bô tê pa bô zi! Punda ome é sa whã nkênu posó Roma. ²⁷ Kapiton sefi bi sô fé: Fa un, bô sa nkênu posó Roma! Paulu fa: Ê ê! ²⁸ Kapiton sefi kundji: ku yô lêlú, bô nganha sa nkênu Roma. Sô Paulu fa: Un nansê nkênu posó Rora. ²⁹ Sô ane ome ku tá ka puté, soté seru. Kapiton sefi turu tá ku mendu, ola ê ndê ma Paulu tá nkênu posó Roma, punda ê tá manhé. ³⁰ Otô ria, kapiton sefi ta ka mesê ta veré ri kuzason ane zurê kontê Paulu. Sô ane sota lengê rê sô manda pa ane sefi saseroti ku turu kosê zurê ká zunta. Asyé ane bi ku Paulu plezenté whê ane.