¹ So ola non baga fo kota ane non zi viagi non kolé retu ba poson kos so oto ria non ba Rodi so la poso Pataro. ² Non be wha vapo ku sye ba Fenixa, non be ne so lele viagi. ³ Non ba ra whe Ilha Xipi, so dese ba skeru, zi viaji ba Siria so ndja pontxi poson Tirus punda vapo ta se kega. ⁴ Olá non be ane melu non ta ku ane sambari ria. Ane melu ku Supitu, ane fa Paulu pa e na poto Jiruzalé wha. ⁵ olá non siga ria, non desa nga é so lele viaji. Turu ane lele mondja non ba lua pososn zuntaru ku mengay ku na pikina ane. ⁶ So non pe mpuna son pa a fa lason so non dispidji oto. Non zi viaji vapo so ane to ba kay ane. ⁷ Non loké viaji fo Tiru non vitxa Ptolemaida,so ola non fa ane na amon mantxa, non pasa wha ria ku ane. ⁸ Oto ria non sye so ba Sezarea. Non letxa Filipi evangelista, ku ta wha ane sambari so non ta kue. ⁹ Ome e ta ku kuana na ku viji ku ta ka fa kua seka bi ra. ¹⁰ Non ta nha wha dosu ria si e bi ra ma wha ome bi fo tia zure, wha pofeta ma a ka sama Agabu. ¹¹ Ê bi kota non, ê tua xintu Paulu, manha plopi ope rê ku mon re so fa: Supitu Santu so fa kua é: Mora e ma ane zure Jeruzalé ka manha ome ku te xintu é so trege pê mon zintxi. ¹² Ola non nde kua e tantu non kuma ane ane nkenu ku ka vevia nga e, no ka pindji pa Paulu na subi ba Jeruzalé wha. ¹³ So Paulu kundji: kuay ma se seka zi un sua so kebia koso un ra. Na sa plontu pa a manha un wha mazi pa un mue Jeruzalé punda nome Sun turu. ¹⁴ So ma non na po konvese Paulu wha, non ndja na po fa. so kua ma non fa ximpli sa: Sun so ka zi vote Re. ¹⁵ So ane ria e pasa, non koye turu kega non so non ba Jeruzalé. ¹⁶ Zuntaru ku non wha dosu melu Sezarea. E lata kue wha ome ma a ka sama Mnason nkenu shipi wha melu na kuku, ku nkenu sy ma no ka fika kay re. ¹⁷ So non vitxa Jeruzalé, ane na amon pe non kota ane ku ngoso foga wha. ¹⁸ Oto ria, Paulu sye ku non ba be Txagu ku turu pastoru ku ta nha. ¹⁹ So ola e fa ane mantxa e viza ane wha wha wha kua ma dessu zi katxi ane zintxi punda suvisu re. ²⁰ Ola ane nde kua é ane kata ra Sun so ane fe: Bo be, na amon kuatu milagi katxi zuré ma ane kele ku turu ane ma a koye ri loke Ale. ²¹ Afa ane kua vira ô: ma bô sêka sina turu zurê ku ka vevia katxi zintxi ka bandona Muzé, ri na pora na ane wha so na lele mora na kulu wha. ²² kuay ma non ka zi. Ane ka bi nde me ma bo vitxa. ²³ Zi mora ma non ka fa o aye: No te kuana ome ynge ku zi wha votu. ²⁴ Tua ane ome e, dipa o me ku ane so paga divida ane, pa ane txia nté, Asyé ane ka ta ma kua o ma a fa sa fasu ma bo turu sa nkenu ku ka loke ale. ²⁵ So re ane zintxi ku kele, nó ka sisika so sina ane pa ane fuzi kua ma a ka saklifika ra maji ku sangi kua sy ma ka mata so zunta ane ome é kaza. ²⁶ So paulu tua ane. e ba ngeza, ba fa turu ria ma a ka dipa ate ma a ka zi pezentxi ra wha wha ane. ²⁷ Ola ma turu sambari ria ta kuaji loke, wha dosu zeru Azia be Paulu ngeza, so ndjinga turu nkeunu so ka beta ane. ²⁸ Ane ta ka ngita: Ane ome Israeli zura non. Ome é seka sina turu nkenu turu kiba, kua ku ka bé konte ale ku é. To bi ku gegu ngeza e to fa mali nga santu é. ²⁹ Punda non ta be Tofimu ri Efeziu kue poso naria so ane ta kunda ma Paulu ka pe ngeza. ³⁰ Turu poso ta ndjingaru so ane nkenu ta kole zunataru pa ane ba te Paulu. Ane wne be kue lua ngeza, so poto fisa seru. ³¹ Ma ane ta ka ngolo maté lekaru e vitxa seru oria sefi nguara, ma Jeruzalé ta ku fitxi foga wha. ³² E tua soré ku nguara seru kolé ate katxi yo nkenu. Ola ane nge be sefi ku ane soré ane ndja pantaru ku Paulu. ³³ Sô ê vitxa manha Paulu so manda pa a pe pezu ku dosu lenge. Puta ngey ma ê sa sô kuay ma e ta zi. ³⁴ Wha dosu ane nkenu ta ka ngita wha kua so oto, otot kua. Ma sefi na be mora ta ane kua é wha punda kyo yo e manda pa a ka be ku Paulu fotaleza. ³⁵ Ola ane vitxa skara soré keze punda revolta povo. ³⁶ So ane nkenu ta ka lele ka ngita. Txie fo ynge. ³⁷ Mora ma a ta ka be ku Paulu fotaleza, e puta sefi: nga po puta ane wha kua. E kundji: Fa gegu; ³⁸ Bo na sa egipsiu sy ma wha dosu ria mema, ku ta ka govena wha liberi ku be ku kuana mili kiminosu letu nga se wha kua ne. ³⁹ Paulu fa: Un sa zure poson Tasu, ny silisia. Un sa nkenu wha poson buaru. Nga pindji o pa bo kundji un fa ane povo é: ⁴⁰ Ola sefi kundji ane, Paulu lata foto nga zangaru so zi povo sinali ku mon. So ola turu nkenu kaboka e fa ane ny lungua heblaiku. so fa: