¹ Nga pô gaba, mazi ê na valê wha. Anto nga pô fa kua bê sô ta dy Sun. ² Un ta whã ome ku Kistu, ma ku katôzê anu mema, ma adjié bê kua é masi diba osé si ê sa ku ongê ô ku supitu na ta wha, Dêssu sô ta. ³ Sô un ta ma ome é - si ê sa ku ongê ô ku supitu na ta wha, Dêssu sô ta. ⁴ A digié bê kuê osé, sô a ndê kua buaru pa nkênu fa. ⁵ Ra ome é nga pô ngaba, mazi ra un na ka ngaba wha, punda fakeza un. ⁶ Si nga mesê ngaba, ê na ka sa malokô wha, punda nga seka fa veré, mazi na ka ngaba wha, pa nkênu na pesa dy un masi doke kua ma bê ô kua ma ndê dy un. ⁷ Na ka fô nga ba punda kua foga ma a bê wha. Sô pa na ngaba pasa wha, a rãn whã pinha kany ma whã na lekaru demono bi tometa un pa na nha whê whã. ⁸ Tesi vê ma mpindji Sun ra kua é, pa ê ka pô txié fô ôngê un. ⁹ Sô Ê fa: ngôgô ra ô, punda porê ka musa ny fakêza. Sô, posi ngaba ny fakêza pa porê Kistu ta ku an. ¹⁰ Ra kua é, nsaku ngosô ku fakêza un, ku keta, ku remanda ku pusigi, sô dizaste, punda Kistu. punda ola un sa faku, sa nsaku fosa. ¹¹ Mbila malokô! Sê ra un fosa ra kua é, punda sê toka ka zura an mpô na ka valê pa a sama un apostulu ngai wha, mpô na ka sa né whã kua wha. ¹² Neka veré ri un apostulu sê zié katxi sê ku turu paxensa, sinali, kua buaru ku milagi. ¹³ Sô ma sê na valê masi rokê ôtô ngeza wha, ma na sa whã kega ra sê wha! pora un ra mali é! ¹⁴ Un sa plotu pa mbila ra sê zi tesi vê nigi. Na sa whã kega ra sê wha, punda na mesê kua sê wha, mesê ra sê ôtô punda ane na toka lokê likeza ra tata wha, mazi tata ka lokê ra ane ná. ¹⁵ Nga gasta kua ma te ku goso sô nga desa gasté ra alima sê si nga ama sê masi, ma sê ka ama un txo sô! ¹⁶ Mora é na ka pê kega riba sê wha, mazi ma sa whê riba, ngana pê sê pezu. ¹⁷ Sô papa sê ra nkênu ma un manda! ¹⁸ Un loga Titu pa ê ba lêlê, sô manda ôtô ná amon kuê. Sô Titu papa sê! Nó na ka nda ku whã Supitu é mé a!Non na kara whã pasu é mé a! ¹⁹ Sê kunda na turu tempu é non ta ka defendê whê sê! Whê Dêssu, non ta ka fa turu kua é ri zura sê. ²⁰ Punda nga mendu, ma ola nga bi, na ka bê sê mora ma un mesê, sô sê na ka bê un mora ma sê mesê wha. nga mendu pa remanda, whê sia, ôdjo, ambison, leva, vugu ku ôtô, fa motxi, luxu, zi ku sô, whagaru. ²¹ Nga mendu ma, ola nga bi, Dêssu un ka sosega un whê sê, sô katxi nga tô fa ra yô ane nkênu si ku ta zi pekaru, sô na lependê ri suzu, ri ta ku ôtô atô wha ku manha ma ane ka sa né.