¹ Yxié sa tesi vê ma an nga bé atê sê. Turu kuzason ka sa lozoviru ra lumba ri dosu, tesi sesemunhu. ² An fa za pa nkênu ku zi mali nanana pa turu demai, ma nga sa ku sê ra segundu vê, nga fa dingi ola ma nga bi dingi, na ka pora sê wha. ³ An nga fa sê kua é punda sa ngolo mora ma Kistu ta fa punda an. Ê na flaku ku sê wha. Ôtô mora, Ê buaru ku sê. ⁴ Sô a pê, kusu ra flaku, mazi ta vivu ra porê ri Dêssu. Sô non puzê sa faku Né, mazi non ka vivê ku Ê ra porê Dêssu ku sê. ⁵ Pia sê mé pa ta si sê sa ny afé. Plova sê mé. Na ta ma Jizu Kistu ta ku sê! Na ta ma za ta sumbaru za wha. ⁶ An pa na kufia ma kunse ku na sa sumbaru wha. ⁷ Fa lason ra Dêssu pa na zi mali wha. Na fa lason pa non na kô sumbaru wha. Punda kua sié, fa lason pa zi kua buaru, ma ta katxi non fô sumbaru ny testi. ⁸ Sô na poi zi kua é wha kontre veré, mazi non ka poi fa veré. ⁹ Sô non sa ku goso ma nó sa flaku y sê sa ku fosa. Non turu fa lason pa ka sa buaru. ¹⁰ Nga sisika kuê é sô ta londji i sê, pa nga, sa ku sê, na pisiza si liba ku rigor ri uzu fa ku fosa un, kali ku Sun da un, pa an ka zi sê buaru, na pa zi sê mali wha. ¹¹ Ola whó, ná amon, an sa ku goso. Taba pa sa buaru, sa ku koson, kundji whã ôtô, vivê ny pazi. Ku Dêssu ku amolê pazi ka sa ku sê. ¹² Nga fa sê matxa whã ôtô ku whã bejinho santu. ¹³ Turu Santu ka fa sê matxa. ¹⁴ Ku gasa dy Sun Jizu Kistu, amolê dy Dêssu, sa zuntaru ku Supitu Santu ka sa ku turu sê.