¹ Nta mesê pa sê ka guêta un ku whã whã kua ma nga zi, sô mora ma sê ka nguêta! ² Punda nga pisiza sê mora ma Dêssu ka mesê, punda an pomete sê kazamentu pa sê ka musa mora whã megay kazaru ma ome rê sa Kistu. ³ Mazi nga mendu punda, mora kiongô ngana Eva ku supetêza rê, ma sê ka kunda ry whã mora ry zi kua buaru ku vontá ra Kistu. ⁴ Punda sy nkênu by sô fa ry Jizu ôtô mora ysy ma non ka plega, ô sy sê tua whã ôtô supitu ôtô mora ma sê tua za, ô whã vagelhu ry ôtô mora ma sê ta kundji za, ane kuê é na ligé wha! ⁵ Punda nga pia ma na sa tazaru ra ane fa wha. Superapostulu. ⁶ Mazi apô na sina lumba mora é wha, a sina un ta kua. Ku turu mora non zi sê ta kua é. ⁷ Sô un zi pekaru, pa un baxa pa sê boywha! Punda un prega vagelhu Dêssu ra sê ngasa. ⁸ Nzeta lêlu ôtô ngeza, pa mpô sivy sê. ⁹ Ola nta ku sê sô ka pa sa nsirary, na dema mewha nkênu wha, punda ane ná mon non ku by fô Maseronha zura un ku ka ma ta mesê. Ku turu kua é nvita dema ra sê, sô nga tô nvita. ¹⁰ Ku veré Klistu ku sa ku un na ka ta sê gaba kua é tia Akaia wha. ¹¹ Sô ra kua ra kua y! Punda na ka ama sê wha! Dêssu ta ma nga ama. ¹² Mazi kua ma nga zi nga sê ka zié, pa mura tempu ane ngê ku ka mesê gaba: ma ane sê ka zi ka ma ane sê ka zi. ¹³ Punda ane ngê é sa fasu apostulu ku tabaru ku ka gana ngê, ka findji ma ane sa apostulu Klistu. ¹⁴ Sô kua é na si ê wha punda atê popli demono ka findji sa kandja. ¹⁵ Ê sa aiwe ma ane na kia rê turu ka findji sa ná kia zustisa, ane toka kua ma ane sê ka zi. ¹⁶ Nga tô fa: né whã nkênu na ka kunda nsa dodô wha. mazi sy sê ka kunda ma sa dodô, tua un mora whã dodô sô asyé sê ka pô gaba un txó. ¹⁷ Kua ma sê ka fa na sa kiba Sun wha, mazi nga fa mora whã dodô, ka kunfia ry gaba un. ¹⁸ Ma yô nkênu ka gaba ku kany, an turu ka gaba. ¹⁹ Punda sê ku bon vonté tonera ane doru, ma sê mé ta kua za. ²⁰ Punda sê guêta ma nkênu pê sê kosi mon ane, ka papa sê tô dispeza sê, ka tô sia pê riba sê, sô tô ra sê suru poló. ²¹ Ra vegonha non, nga fa ma non siê levé. Nkênu pô sê ka ngaba, nga fa mora whã doru, an turu ka sê ka gaba. ²² Ane sa hebreu! An turu sa. Ane sa israelita! An turu sa. ²³ Ane sa sevu Kistu! nga fa mora doru, an sa yô. un taba foga wha, nta pezu masi, un tua sikotxi motxi foga wha sô un pasa pigu motxi foga wha. ²⁴ Ane zurê beta un tanó vê kuarenta sikotxi menu whã. ²⁵ An tua pakara tesi vê ku valapó. A rãn ku buru whã vê. Tesi un siê ku vapô un pasa whã nsuku sô whã ria ku mionga biriru. ²⁶ nta pa parisê turu ola, ku pigu ôyô, ku ladron, ku pigu by fô povô un plopi ku ane zurê, ku pigu poson, letu matu ny mioga, sô ku pigu ane fasu ná nón. ²⁷ Nta ka taba tapayaru foga wha, na ta ka rumi nsuku wha, ku fomi sô ku seeri, nta ka sa ny jinzu turu ola, ku fiô sô unu. ²⁸ Sô ku turu kua é, whã txufu ta ka ra un turu ria ma an ta ka vugu ra turu ngeza. ²⁹ Xy nkênu sa flaku, an na ka sa flaku wha! Xi a bé ku nkênu pa ê kiê, na ka ta satiaru wha. ³⁰ Xi nga pô gaba, an ngaba ny flakeza un. ³¹ Dêssu sa Tata dy Sun Jizu. Nkênu ma ka ngogo ayê atê ta ma na sê ka siriga wha. ³² Ny Damasku govenaru ku sa konsi oji alê Areta ta ka zogo poson pa a manha un. ³³ Mazi a tuka ku an lêtu whã zogé ny whã zanela ny mulu, sô un skapa mon ane.