¹ Na reprendê wã ome tamé wa, maji exorté mora xi ê sa wã tata. exorté ane ome maxi novo mora xi sa manu. ² exorta ane mengai tamé mora sa mama. Sô ane maxivi mora sa mana, ku turu limpuru. ³ Lespeta ane mengai tame, ma ome ane muê. ⁴ Maji xi ane tê nã ku netu, ane ka aprendê pimelu pierari ku familia ane, pa ane rekompensa ane táta ane, punda kué sa buaru wê Dêsu. ⁵ Ku sa vere vere mé mengai ku na tê ome wa, ane ka wara Dêsu, turu suku ku pomonha ka loga ka ji laso. ⁶ Maji xi ane túa kua mundu pê wê ka vevia né, ane sa motxi. ⁷ Fa ane kué pa ane po sa sê reprensô. ⁸ Maji, xi nkênu na lôkê ri ane plopi nkênu kai rê wa, sô sô ane de plopi kai rê, zeta afé so sa piolo ku wã nkênu ku na ka kêlê Dêsu wa. ⁹ Ku wã mengai sê ome ka sa zuntaru mora mengai sê ome ola ê ka tê sesenta anu, sô ê tê ku sa mengai cazaru de wã ome sô. ¹⁰ Ê tê ku sa konsêru ku obla buaru punda ê ka pô tê kuidaru de ane nã rê, tô tê ku sa nkênu ku ka koiê ngê pê ka sa mora ôtô nkênu, tô tê ku laba opé ôtô namo rê, tê ku zura nkênu tubularu tô tê ku ji turu obla buaru. ¹¹ Maji ane viuva maxi novu, na mêsê zunta ni lista, punda ala ane ka letxa vonte ane ni sexu ane ra aparta de kristu, mêsê kaza. ¹² Mora é, ane ka sa kuparu punda ane loké ku kumplimisu ma ane tia kué. ¹³ Ane tê sa kustumaru ka tê sê kua ji, ka nda de kai ku kai. Ê na ka ta sê kua ji sô wa, maji tê ê ka sa ka fa viraa ngê sô ka mêtê ku vira ngê, lumba kua ku na sa pa fa wá. ¹⁴ Sô, mêsê ku ane maxi novu ka kaza pa ane kia nã sô sa govena kai; Axi na da numigu lugê pê bê kua de fa de ji mali. ¹⁵ Sô ôtô ta xiê lêlê demono. ¹⁶ Xi ôtô mengai krenti tê viuva ni katxi familia rê tê ku zuré, pa ku ngêza a na sa ku pezu motxi, de zura ane vere vere viuva. ¹⁷ Ane presbiteru ku lidera buaru tê ku sa kosideradu retu respetadu, maxi maxi ane ku ka taba ku lumba sô ku xina. ¹⁸ Sô ku eskritura ka fa: "Bô na tê ku oprimi buê, ola ê ka sa mora grô wa", sô "tabarô é sa retu ku lelu rê" ¹⁹ Na ka seta kuzaso kontla wã plesbiteru, xi menu ku sa bi dosu ô tesi nkênu pa fa. ²⁰ Kujié ane pekarô ni wê de turu pê pô sa témé. ²¹ Nga loga ô wê Dêsu, ku Klistu Jizu, sô ku ane anzu rê koiêru, ku bô ka lokê ane kua é fé sê separaso, so ku na ji néwã kua ku favolo. ²² Na pê mon so so diba nkênu wa, ni zuntu ku pekaru de ôtô nkênu, ta ô limpuru. ²³ Na bêbê áua sô wa, maji tua txo vi, plovia estomagu ô, ku duetxi ma ô ka sa kuê. ²⁴ Ane pekaru de ôtô nkênu sa biliru so konseru ku ka bê ku ane atê zugamentu, maji ôtô pekaru a ka bé wa. ²⁵ De mora é mé, ane obla buaru sa biliru konsêru, sô ku ane ôtô a na ka pô kondê wa.